ຕະຫຼາດນະຄອນຫຼວງວຽງຈັນໄລຍະກຽມບຸນປີໃໝ່ຂອງຊາວຫວຽດ ນາມ ແລະ ຈີນມີ​ບັນຍາກາດ​ຄຶກຄື້ນດີ.

      ຈາກການລົງສອບຖາມຂອງນັກຂ່າວໜັງສືພິມລາວ ພັດທະນາ ພວກເຮົາຢູ່​ຕະຫລາດ​ຕ່າງໆ​ໃນ​ນະຄອນຫລວງ ວຽງ​ຈັນ ໃນວັນທີ 21 ມັງກອນນີ້ ​ແລະ ​ແມ່ນ​ຊ່ວງໄລຍະ ຊາວຫວຽດນາມ ແລະ ຊາວຈີນພວມ​ສຸມ​ໃສ່​ກະກຽມ​ຫາງ​ຫາ​ໃຫ້​ແກ່​ບຸນປີ​ໃໝ່​ປະຈຳ​ຊາດ​ຂອງ​ຕົນ ​ເຊິ່ງຈະ​ໝູນວຽນ​ມາ​ໃນ​ອີກ​ບໍ່​ທໍ່​ໃດ​ມື້ຂ້າງ​ໜ້ານີ້ ​ໃຫ້​ມີ​ບັນຍາກາດ​ເບີກບານ​ມ່ວນ​ຊື່ນເຊັ່ນ: ຕະຫຼາດ ຂົວດິນ, ຕະຫຼາດທົ່ງຂັນຄຳ, ຕະຫຼາດ 103, ຕະຫຼາດໂພນຕ້ອງສະຫວ່າງ ແລະ ອື່ນໆ ​ເຫັນ​ວ່າບັນ ຍາກາດການຊື້ຂາຍສິນ ຄ້າມີ ຄວາມຄຶກຄື້ນພໍສົມ ຄວນ, ໂດຍສະເພາະແມ່ນສິນຄ້າອຸປະໂພກ, ບໍລິໂພກ, ບາງຢ່າງມີ​ຍອດ​ການ​ຂາຍ​ສູງ​ຈົນ​ເຮັດ​ໃຫ້​ລາຄາ​ເກີດມີການເໜັງຕີງ​ໄວ​ຂຶ້ນຖ້າ ທຽບໃສ່ຊ່ວງໄລຍະດຽວກັນຂອງ ປີຜ່ານມາ ເນື່ອງຈາກປີນີ້ຊາວຫວຽດນາມ ແລະຊາວ ຈີນສ່ວນໃຫຍ່ທີ່ເຂົ້າມາທຳມາຫາ ກິນຢູ່ນະຄອນຫຼວງວຽງຈັນຈະ​ຈັດຕັ້ງກັນ​ສະຫຼອງປີໃໝ່ຂອງ​ຕົນ​ຢູ່​ລາວຈຶ່ງເຮັດໃຫ້ບັນຍາ

ກາດ ໃນຕະຫຼາດຊ່ວງນີ້ມີຄວາມ ຄຶກຄື້ນເຊັ່ນ:ເຂົ້າ, ຊີ້ນ, ປາຜັກຢູ່ຕາມຕະຫຼາດດັ່ງກ່າວພໍ່ຄ້າແມ່ຄ້າສ່ວນຫຼາຍຕ່າງກໍມີຂໍ້ຄິດ ເຫັນ ຄ້າຍຄືກັນ ວ່າ:ມັນເປັນເລື່ອງ ທຳມະດາ ຊຶ່ງທຸກໆປີຜ່ານມາເມື່ອຮອດເທດສະການສຳຄັນສິນຄ້າຈະມີການປັບຂື້ນລາຄາ​ເລັກ​ໜ້ອຍເຊັ່ນດຽວກັນກັບປີນີ້ນັບ ແຕ່ປີໃໝ່ສາກົນເປັນຕົ້ນມາລາຄາສິນຄ້າບາງຢ່າງກໍມີລາຄາສູງ​ຂຶ້ນເປັນ ຕົ້ນຊີ້ນງົວ, ຄວາມ, ໝູເປັດໄກ່, ເຂົ້າ ແລະ ໝາກ​ໄມ້ ຄືຊີ້ນງົວ 75-80 ພັນກີບ/ກິໂລ, ຊີ້ນໝູ 35-40 ພັນກີບ/ກິໂລ, ເປັດ, ໄກ 45-55  ພັນ ກີບ/ກິໂລ, ປານິນກະຊັງ 22-25 ພັນກີບ/ກິໂລ, ສ່ວນຜັກຊະນິດຕ່າງໆລາຄາພັດຫລຸດລົງເຊັ່ນ: ຫອມປ້ອມ, ບົ່ວ 6-8 ພັນກີບ/ກິໂລ, ຜັກລະຫັດ 3-4 ພັນ ກີບ/ກິໂລ, ໜາກນາວ 4-5 ພັນກີບ/ກິໂລ, ສ່ວນ ໝາກເຜັດມີລາຄາ​ແພງ​ຂຶ້ນ​ເຖິງ 50-55 ພັນກີບ/ກິໂລ.

         ເຖິງຢ່າງໃດກໍດີຕໍ່ກັບການເໜັງຕີງຂອງລາຄາສິນຄ້າດັ່ງກ່າວອາດແມ່ນເກີດຈາກສະພາບແວກລ້ອມ, ການ​ຕອບ​ສະ ໜອງ​ບໍ່​ພຽງພໍ​ກັບ​ຄວາມ​ຕ້ອງການ​ຂອງ​ຜູ້​ຊົມ​ໃຊ້ ຈຶ່ງ​ເຮັດ​ໃຫ້​ລາຄາ​ສູງ​ຂຶ້ນ​ເປັນ​ບາງ​ຄັ້ງຄາວ ​ເຊິ່ງບໍ່​ແມ່ນ​ການ​ຂຶ້ນລາຄາ​ສິນຄ້າ​ແບບ​ສວຍ​ໂອກາດ​ຂອງ​ຊາວ​ຄ້າຂາຍ​​ແຕ່​ຢ່າງ​ໃດ. ດັ່ງລາຄາຜັກ​ໃນ​ໄລຍະ​ນີ້​ເຫັນ​ວ່າ​ຫລຸດລົງເນື່ອງຈາກຜູ້ຜະລິດສາມາດສ ະໜອງໄດ້ເກີນຄວາມຕ້ອງການຂອງຕະຫຼາດ.