ຫຼາຍໂຄງການລົງທຶນຍັງເຄື່ອນໄຫວແບບແປະໆບາງໆ

      ກະຊວງແຜນການ ແລະ ການລົງທຶນ ໃຫ້ຮູ້ວ່າ: ໃນໄລຍະຜ່ານມາ, ເຖິງວ່າມີຫຼາຍໂຄງການລົງທຶນໃນຂະແໜງ ຕ່າງໆທີ່ ລັດໄດ້ອະນຸຍາດໃຫ້ດຳເນີນທຸລະກິດ, ແຕ່ເມື່ອໄດ້ກວດກາຄືນໃໝ່ໃນດ້ານເອກະສານ, ສັນຍາ ແລະ ພາກສະໜາມແລ້ວພົບ ວ່າມີຫຼາຍໂຄງການລົງທຶນຍັງບໍ່ທັນເອົາໃຈໃສ່ໃນການເຄື່ອນໄຫວຂອງຫົວໜ່ວຍທຸລະກິດຂອງຕົນດີເທົ່າທີ່ຄວນ ເຊິ່ງພາກ ສ່ວນກ່ຽວຂ້ອງໄດ້ຈັດປະເພດຂອງການລົງທຶນ ຄືປະເພດດີ (A) ມີພຽງ 14 ໂຄງການ, ປະເພດກາງ (B) ມີ 72 ໂຄງການ, ປະເພດອ່ອນ (C) ມີ 56 ໂຄງການ ແລະ ປະເພດອ່ອນຫຼາຍທີ່ຈະສະ ເໜີຕໍ່ ລັດຖະບານເພື່ອຍົກເລີກມີ 8 ໂຄງການ. ນອກຈາກນີ້ ບໍ່ທັນຈັດປະເພດມີ 23 ໂຄງການ, ໂຄງການໃໝ່ບໍ່ທັນ ຈັດປະເພດມີ 9 ໂຄງການ ແລະ ມີ 3 ໂຄງການໄດ້ ສະເໜີສົ່ງຄືນລັດຖະບານ ໂດຍສາເຫດຂອງໂຄງການລົງທຶນທີ່ ເຄື່ອນໄຫວບໍ່ໄດ້ດີນັ້ນສ່ວນໃຫຍ່ມີບັນຫາດ້ານການເງິນ.

      ກະຊວງດັ່ງກ່າວໃຫ້ຮູ້ວ່າ: ມາຮອດປັດຈຸບັນ, ໂຄງການລົງທຶນດ້ານແຮ່ທາດທີ່ອະນຸມັດມີ 470 ໂຄງການ, ມີເນື້ອທີ່ສໍາ ປະທານປະມານ 36 ພັນກວ່າກິໂລຕາແມັດ ແລະ ມີມູນຄ່າລົງທຶນປະມານ 5,9 ຕື້ໂດລາສະຫະລັດ, ສ່ວນໂຄງການປູກຢາງ ພາລາແລະ ໄມ້ວິກໄດ້ອະນຸມັດມີ 212 ໂຄງການ, ມີເນື້ອທີ່ສຳປະທານເຖິງ 5 ແສນກວ່າເຮັກຕາ ແລະ ມີມູນຄ່າການລົງທຶນ ປະມານ 1,6 ຕື້ກວ່າໂດລາສະຫະລັດ.