ບໍລິສັດ ສະຫຍາມຄູໂບຕ້າຄໍໂປຣເຣຊັ່ນ ໄດ້ນຳເອົາເສື້ອກັນໜາວ
ຈຳນວນ 4 ພັນ ຜືນ, ມູນຄ່າ 1,2 ລ້ານບາດ (ສະ ກຸນເງິນໄທ) ມາມອບໃຫ້ຄະນະພັດທະນາຊົນນະ ບົດ
ແລະ ລຶບລ້າງຄວາມທຸກຍາກຂ້ັນສູນກາງ ໂດຍການກ່າວຮັບຂອງທ່ານ ບຸນເຮືອງ ດວງພະຈັນ
ລັດຖະມົນຕີປະຈຳຫ້ອງວ່າການລັດຖະບານ, ຫົວໜ້າຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ
ເພື່ອນຳໄປມອບຕໍ່ ໃຫ້ປະຊາຊົນໃນເຂດຊົນນະບົດຂອງລາວ ຢູ່ເຂດພາກເໜືອ ແລະ ພາກໃຕ້ລວມມີ:
ນະຄອນຫລວງວຽງຈັນ, ຊຽງຂວາງ, ຫລວງພະບາງ, ໄຊຍະບູລີ, ຫລວງນ້ຳທາ,ຈຳປາສັກ ແລະ
ແຂວງອັດຕະປື ທັງນີ້ກໍເພື່ອເປັນການສ້າງກຳລັງໃຈ ແລະ ສ້າງຄວາມອົບອຸ່ນໃຫ້ປະຊາຊົນ
ແລະ ນັກຮຽນໃນເຂດດັ່ງກ່າວ.
ທ່ານນາງ ນັດກະມົນ ລັກຂະນາວາລາພອນ ຜູ້ຈັດການສ່ວນອາວຸໂສ-ສື່ສານການຕະຫລາດ
ຂອງ ບໍລິສັດສະຫຍາມຄູໂບຕ້າຄໍໂປຣເຣຊັ່ນ ກ່າວວ່າ:ການມອບເສື້ອກັນໜາວໃນຄັ້ງນີ້
ແມ່ນນອນໃນໂຄງການ “ກຳລັງສູ້ຄວາມ ໜາວ” ຊຶ່ງເປັນກິດຈະກຳທີ່ບໍລິສັດຈັດຂຶ້ນເປັນປີທີສອງແລ້ວ
ແລະ ຈະສືບຕໍ່ຈັດກິດຈະກຳດັ່ງກ່າວໄປເລື້ອຍໆ ເພື່ອເປັນການຕອບແທນສັງຄົມ ກໍຄືປະຊາຊົນລາວ
ທີ່ໃຫ້ການສະໜັບສະໜູນໃນການດຳເນີນທຸລະກິດຢູ່ລາວ.
ນອກຈາກ ໃຫ້ການຊ່ວຍເຫລືອໃນຄັ້ງນີ້ ຜ່ານມາບໍລິສັດຍັງໄດ້ໃຫ້ການສະໜັບສະ
ໜູນດ້ານກະສິກຳ,ການສຶກ ສາ ແລະ ສິ່ງແວດລ້ອມແກ່ລາວນຳດ້ວຍ.
No comments:
Post a Comment