ເຖິງວ່າໃນໄລຍະຜ່ານມາ ການລົງທຶນຢູ່ລາວຈະມີບັນຍາ
ກາດອັນດີ, ແຕ່ເມື່ອທຽບໃສ່ຄວາມຕ້ອງການຕົວຈິງເຫັນວ່າຍັງບໍ່ທັນໄດ້ຕາມເປົ້າໝາຍວາງໄວ້ເທົ່າທີ່ຄວນ.
ສະນັ້ນ ພາກສ່ວນກ່ຽວຂ້ອງຕ້ອງມີການປັບປຸງຫລາຍຂອດເພື່ອມ້າງຂະບວນ ການທີ່ເປັນອັນກົດໜ່ວງອັດຕັນໃຫ້ແກ່ວຽກງານສົ່ງເສີມການລົງທຶນ.
ກະຊວງແຜນການ ແລະ ການລົງທຶນ ໃຫ້ຮູ້ວ່າ:
ມາດຕະ ການໃນການສົ່ງເສີມການລົງທຶນໃນສົກປີ 2013-2014 ເຂົ້າໃນການຈັດຕັ້ງປະຕິບັດແຜນພັດທະ
ນາເສດຖະກິດ-ສັງຄົມ 5 ປີ ຄັ້ງທີ VII (2011-2015) ນີ້ ແມ່ນຕ້ອງສືບຕໍ່ເອົາໃຈໃສ່ຢ່າງຕັ້ງໜ້າໃນການຈັດຕັ້ງປະຕິບັດຊຸກຍູ້ໂຄສະ
ນາເຜີຍແຜ່ວຽກງານສົ່ງເສີມ ແລະ ດຶງດູດການລົງທຶນໃຫ້ບັນລຸຕາມເປົ້າໝາຍວາງໄວ້
ໂດຍສະເພາະສ້າງບັນຊີວຽກການລົງທຶນໃຫ້ເປັນຂໍ້ມູນພື້ນຖານທີ່ຈະແຈ້ງທີ່ເຮັດໃຫ້ຜູ້ທີ່ສົນໃຈມາລົງທຶນໃນລາວໄດ້ຮັບຮູ້ຂໍ້ມູນລະອຽດຂຶ້ນ
ຕື່ມ, ຄົ້ນຄວ້າຢ່າງເລິກເຊິ່ງບັນ ດາໂຄງການທີ່ຂໍອະນຸຍາດລົງ ທຶນໃໝ່ກ່ຽວກັບກິດຈະການສຳປະທານ
ເພື່ອໃຫ້ຜູ້ລົງທຶນທີ່ມີ ຄວາມພ້ອມດ້ານທຶນຮອນ ແລະ ປະສົບການໃນການມາພັດທະນາພື້ນຖານເສດຖະກິດໂດຍສະເພາະ
ເຂົ້າໄປລົງທຶນໃສ່ເຂດຫ່າງໄກ ສອກຫລີກ ຫລື ເຂດເມືອງທຸກ ຍາກຂອງປະເທດໃຫ້ໄດ້ຮັບການພັດທະນາດີຂຶ້ນ,
ສືບຕໍ່ຈັດຕັ້ງ ປະຕິບັດວຽກງານການບໍລິການປະຕູດຽວ ເພື່ອຕັດຂອດທີ່ເຮັດໃຫ້ຜູ້ ລົງທຶນສັບສົນ
ແລະ ພົບຄວາມຫຍຸ້ງຍາກພ້ອມທັງແກ້ ໄຂບັນຫາທີ່ເປັນອຸປະສັກເຮັດໃຫ້ມີຄວາມ ສະດວກວ່ອງໄວ, ປອດໃສເພື່ອ
ສ້າງພາບພົດທີ່ດີໃຫ້ແກ່ການລົງທຶນຂອງປະເທດ, ສືບຕໍ່ສ້າງເອກະສານໂຄສະນາຂົນຂວາຍການລົງທຶນເຊັ່ນ:
ປັບປຸງເວບໄຊ ກ່ຽວກັບການລົງທຶນໃຫ້ດີຂຶ້ນກວ່າເກົ່າ, ຜະລິດວາ ລະສານ ແລະ ປຶ້ມຄູ່ມືອື່ນໆ
ເພື່ອໂຄສະນາ ປະຊາສຳພັນດຶງດູດນັກລົງທຶນ ໃຫ້ໄດ້ຫລາຍເຊິ່ງປັດຈຸບັນເຫັນວ່າກິດຈະການທີ່ ຜູ້ລົງທຶນສົນໃຈມາລົງທຶນຫລາຍກວ່າໝູ່ລ້ວນແຕ່ແມ່ນກິດຈະການທີ່ນຳໃຊ້ຊັບພະຍາກອນທຳມະຊາດເຊັ່ນ:
ບໍ່ແຮ່, ໄຟຟ້າ ແລະ ການສຳປະນທີ່ດິນ ເຊິ່ງນັບມື້ໝົດໄປ. ສະນັ້ນ ຕໍ່ບັນຫາດັ່ງກ່າວ ພວກເຮົາຕ້ອງເອົາໃຈໃສ່ໃນການດຶງດູດການລົງ
ທຶນໄປສູ່ ລວງເລິກທີ່ມີຄຸນນະ ພາບ ແລະ ທັນສະໄໝ ເພື່ອໃຫ້ມີ ຄວາມຍືນຍົງ ແລະ ໝັ້ນຄົງກວ່າ
ເກົ່າເປັນຕົ້ນການສົ່ງເສີມການລົງ ທຶນເຂົ້າໃນກິດຈະການປຸງແຕ່ງຜະລິດຕະພັນກະສິກຳ, ອຸດສາຫະກຳ,
ຫັດຖະກຳ, ການຜະລິດ ອຸປະກອນ-ວັດສະດຸຮັບໃຊ້ ການກໍ່ສ້າງ, ການສຶກສາ, ບໍລິການສາທາລະນະສຸກ,
ການທ່ອງທ່ຽວ, ການຂົນສົ່ງ ແລະ ອື່ນໆ.
No comments:
Post a Comment