ປກສ ເມືອງ ສີສັດຕະນາກ ມອບຊັບຄືນ​ໃຫ້ເຈົ້າຂອງ​ເດີມ

      ໃນວັນທີ 21 ກຸມພານີ້, ກອງບັນຊາການ ປກສ ເມືອງສີສັດຕະນາກ ນະຄອນ ຫຼວງວຽງຈັນ, ໄດ້ມອບໂທລະສັບມືຖືໄອໂຟນຄືນໃຫ້ກັບເຈົ້າຂອງ, ພາຍຫຼັງຖືກຄົນ ຮ້າຍດຶງເອົາໄປພ້ອມເງິນຈຳນວນໜຶ່ງ. ໃນບົດລາຍງານຄະດີໄດ້ໃຫ້ ຮູ້ວ່າ: ໃນວັນ ທີ 14 ກັນຍາ 2013 ຜ່ານມາ ເຈົ້າໜ້າທີ່ໜ່ວຍງານສືບຂ່າວ ປກສ ເມືອງສີສັດຕະນາກ ໄດ້ຮັບແຈ້ງຈາກຜູ້ເສຍຫາຍວ່າ: ມີຄົນ ຮ້າຍ 2 ຄົນ ໄດ້ດຶງກະເປົາຂອງຕົນໄປຢູ່ບໍລິ ເວນຫ້ອງການບ້ານສະພານທອງເໜືອ ເມືອງສີສັດຈະນາກ ນະຄອນຫຼວງວຽງຈັນ ແລ້ວກໍໄດ້ຮີບ ຮ້ອນລົງຈຸດເກີດເຫດເພື່ອນຳຈັບຕົວຄົນຮ້າຍມາດຳເນີນຄະດີ, ໃນທີ່ ສຸດກໍສາມາດຈັບຕົວໄດ້ ຄື: ທ້າວ ໄກ່ແກ້ວ ວົງດາລາ ອາຍຸ 19 ປີ, ນັກຮຽນ, ປະຈຸບັນຢູ່ບ້ານ ທາດຫຼວງໃຕ້ ເມືອງ ໄຊເສດຖາ ແລະ ທ້າວ ລັດສະໝີ ອາຍຸ 26 ປີ ອາຊີບ ກຳມະກອນ ຢູ່ບ້ານທາດຫຼວງໃຕ້ ເມືອງໄຊເສດຖາ ນະຄອນຫຼວງວຽງຈັນ. ຜ່ານ

ການສືບສວນ-ສອບສວນ ຂອງເຈົ້າໜ້າທີ່ຜູ້ ຕ້ອງຫາທັງສອງໄດ້ຮັບສາລະພາບວ່າ: ໄດ້ຮ່ວມກັນເຄື່ອນໄຫວຊີງຊັບມາແລ້ວ 14
ຄັ້ງຄື: ໃນເດືອນກັນຍາ 2013 ທັງສອງ ໄດ້ດຶງເອົາກະເປົາຍິງສາວຄົນໜຶ່ງຢູ່ບໍລິເວນ ບ້ານສະພານທອງ ໄດ້ເງິນຈຳນວນໜຶ່ງ ແລະ ໂທລະສັບມືຖືໄອໂຟນ 1 ໜ່ວຍ. ຈາກນັ້ນ, ໄດ້ນຳໄປຂາຍ, ຕໍ່ມາໃນຊ່ວງເດືອນຕຸລາປີຜ່ານມາ ທັງສອງກໍໄດ້ດຶງກະເປົາ ຂອງຍິງສາວອີກຜູ້ໜຶ່ງຢູ່ເຂດສວນ 23 ສິງຫາ ບ້ານສະພານທອງເໜືອ ກ່ອນຈະຖືກເຈົ້າໜ້າທີ່ ປກສ ເມືອງສີສັດຕະນາກ ຈັບຕົວມາດຳເນີນຄະດີໄດ້.

        ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ນັບແຕ່ ວັນທີ 12 ຫາ 18 ກຸມພານີ້, ຢູ່ນະຄອນຫຼວງວຽງຈັນ ມີປາກົດການຫຍໍ້ທໍ້ເກີດຂື້ນ 70 ກ່ວາເລື່ອງ, ທຽບໃສ່ອາທິດຜ່ານມາເພີ່ມຂື້ນ 9 ເລື່ອງ ສ່ວນໃຫຍ່ແມ່ນສະພາບຊີງຊັບ, ລັກ ຊັບ ແລະ ມົ້ວສຸມຢາເສບຕິດ, ມີລົດໃຫຍ່ເສຍຫາຍ 8 ຄັນ, ລົດຈັກ 19 ຄັນ, ໂທລະສັບ 47 ໜ່ວຍ, ຄຳຮູບປະພັນ 6 ບາດ, ໂນດບຸກ 5 ໜ່ວຍ ແລະ ຊັບສິນ ອື່ນໆຄື: ໃນວັນທີ 16 ກຸມພານີ້ ໄດ້ມີຄົນຮ້າຍ 2 ຄົນ ຂີ່ລົດຈັກໄດ້ໃຊ້ມີດ 1 ດວງອອກມາ ຈີ້ເອົາລົດຂອງປະຊາຊົນຢູ່ເສັ້ນທາງຕະຫຼາດສີເກີດ, ບ້ານສີເກີດ ເມືອງນາຍຊາຍທອງ ນະຄອນຫຼວງວຽງຈັນ ຊຶ່ງທາງເຈົ້າໜ້າ ທີ່ກຳລັງເລັ່ງແກ້ໄຂສະພາບດັ່ງກ່າວຢູ່.