laophatthananewspaper: ທຳລາຍຢາສູບນຳເຂົ້າບໍ່ຖືກຕ້ອງຈຳນວນຫລາຍ.

27 February 2014

ທຳລາຍຢາສູບນຳເຂົ້າບໍ່ຖືກຕ້ອງຈຳນວນຫລາຍ.

ຢາສູບຍີ່ຫໍ້ຕ່າງປະເທດ 3 ພັນກວ່າຕຸດ ມີມູນຄ່າ 86 ລ້ານກວ່າກີບ ຖືກເຜົາທຳລາຍຖິ້ມໃນວັນທີ 25 ກຸມພາຜ່ານມານີ້,ຢູ່ສະໜາມ ກິລາຫລັກ 4 ແຂວງສະຫວັນນະເຂດ, ເຊິ່ງເຈົ້າໜ້າທີ່ກວດກາການຄ້າແຂວງຢຶດໄດ້ຈາກບັນ ດາຫ້າງຮ້ານ ແລະ ທ້ອງຕະ ຫລາດພາຍໃນ 15 ເມືອງຂອງແຂວງ ເຊິ່ງເປັນຢາສູບທີ່ນຳເຂົ້າ ບໍ່ຖືກຕ້ອງຕາມລະບຽບກົດໝາຍຂອງລາວ, ໂດຍເຈົ້າໜ້າທີ່ການຄ້າແຂວງ ລະບຸວ່າ: ຢາສູບທີ່ນຳເຂົ້າບໍ່ຖືກຕ້ອງດັ່ງກ່າວສ້າງຜົນກະທົບເສຍຫາຍຕໍ່ເສດຖະກິດຂອງຊາດ ໂດຍສະເພາະແມ່ນການເກັບລາຍຮັບອາກອນເຂົ້າງົບປະມານແຫ່ງຊາດ ແລະ ສຸຂະພາບຂອງປະຊາຊົນບໍ່ໜ້ອຍໃນແຕ່ລະປີ.
ສະນັ້ນ ເຈົ້າໜ້າທີ່ຈຶ່ງໄດ້ເອົາໃຈໃສ່ສະກັດກັ້ນຜະລິດຕະພັນຢາສູບເຖື່ອນຢ່າງເຂັ້ມງວດ.

ຂ່າວຍັງໃຫ້ຮູ້ຕື່ມວ່າ: ເມື່ອບໍ່ດົນນີ້, ອະນຸກຳມະການຄຸ້ມຄອງຄຸນນະພາບ ແລະ ຄວາມປອດໄພຂອງອາຫານ ແລະ ສິ່ງ
ແວດລ້ອມໃນງານມະຫະກຳກິລານັກ ຮຽນມັດທະຍົມສຶກສາທົ່ວປະເທດ ຄັ້ງທີ V ກໍໄດ້ທຳລາຍຜະ ລິດຕະພັນອາຫານທີ່ມີສານປົນເປື້ອນສານຟໍມາລິນ (Formaline) ແລະ ອາຫານທີ່ໝົດອາຍຸການນຳໃຊ້ເປັນຈຳນວນຫລາຍ ພາຍຫລັງກວດພົບຢູ່ຕະຫລາດໃໝ່ປາກເຊ ແຂວງຈຳປາສັກ.