ທ່ານອຳນວຍການໂຮງໝໍແມ່ ແລະ ເດັກ ກ່າວວ່າ:
ການນຳໃຊ້ເຄື່ອງອຸນຕຣາຊາວ ແມ່ນມີຄວາມສຳຄັນຫລາຍຕໍ່ການບົ່ງ ມະຕິສຸຂະພາບຂອງແມ່
ແລະ ເດັກ, ເຊິ່ງຈະຊ່ວຍໃຫ້ແພດສາ ມາດຕິດຕາມເບິ່ງການເຄື່ອນໄຫວຂອງເດັກໄດ້ຕະຫລອດໄລ
ຍະເວລາຢູ່ໃນທ້ອງແມ່ວ່າເດັກມີອາຍຸເທົ່າໃດ, ການເຕັ້ນຂອງຫົວໃຈ, ມີແຮ່ຕິດ
ແລະ ເດັກສົມບູນ ດີຫລືບໍ່ ? ເພື່ອໃຫ້ແພດສາມາດບົ່ງອາການຂອງເດັກ ແລະ ຮູ້ວິທີການປິ່ນປົວໄດ້ທັນການ. ຊຶ່ງ ການແລກປ່ຽນບົດຮຽນຄັ້ງນີ້, ນັບວ່າເປັນໂອກາດອັນດີຫລາຍສຳລັບແພດລາວ ໃນການຍາດແຍ່ງເອົາບົດຮຽນວິຊາການອັນລ້ຳຄ່ານຳຄະນະຊ່ຽວຊານແພດ ຈາກປະເທດສະວິດທີ່ໄດ້ໃຫ້ກຽດເດີນທາງມາຖ່າຍຖອດຄວາມຮູ້ໃນຄັ້ງນີ້ ເຊິ່ງຄະນະແພດດັ່ງກ່າວ ແມ່ນມີຊື່ສຽງຢູ່ປະເທດສະວິດ ແລະ ມີປະສົບການສູງໃນການ ຖ່າຍຖອດຄວາມຮູ້ເພື່ອສ້າງ ຄວາມເຂັ້ມແຂງ. ຜ່ານມາໄດ້ຈັດ ຕັ້ງຢູ່ຫວຽດນາມ, ໄທ ແລະ ຫລາຍປະເທດອື່ນໆອີກ.
ທ່ານອຳນວຍການໂຮງໝໍແມ່ ແລະ ເດັກ ໃຫ້ຮູ້ວ່າ:ຜ່ານມາໂຮງ
ໝໍພວກເຮົາແມ່ນນຳໃຊ້ເຄື່ອງບົ່ງມະຕິດ້ວຍຄື້ນສຽງແບບເກົ່າແກ່ ແລະ ບໍ່ພຽງພໍໃນການຮັບໃຊ້ກວດກາສຸຂະພາບຂອງແມ່
ແລະ ເດັກ, ຈາກຄວາມຈຳເປັນດັ່ງກ່າວ, ໂຄງການຮ່ວມມືໂຮງໝໍລາວ-ສະວິດ ຈຶ່ງໄດ້ໃຫ້ການຊ່ວຍເຫລືອເຄື່ອງບົ່ງມະຕິດ້ວຍຄື້ນ
ສຽງທີ່ທັນສະໄໝໃຫ້ແກ່ໂຮງໝໍແມ່ ແລະ ເດັກຈຳ ນວນ 42 ເຄື່ອງ ແລະ ມາຮອດປັດຈຸບັນ
ເຄື່ອງຊ່ວຍເຫລືອຈຳນວນໜຶ່ງກໍໄດ້ແຈກຢາຍໃຫ້ໂຮງໝໍແຂວງ ຕ່າງໆແລ້ວເພື່ອນຳໃຊ້ເຂົ້າໃນວຽກງານໃຫ້ມີປະສິດທິຜົນສູງກວ່າເກົ່າ.
ປັດຈຸບັນໂຮງໝໍແມ່ ແລະ ເດັກ ມີແມ່ຍິງຖືພາມາກວດ ສຸຂະພາບສະເລ່ຍ 350 - 400
ຄົນຕໍ່ວັນ ແລະ ໃນປີ 2013 ຜ່ານມາມີຜູ້ມາເກີດລູກຫລາຍກວ່າ 5 ພັນຄົນ, ໃນນັ້ນ
20% ແມ່ນອອກລູກດ້ວຍການຜ່າຕັດ ແລະ ບໍ່ມີກໍລະ ນີການເສຍຊີວິດຂອງແມ່ ແລະ ເດັກໃດໆ
ຊຶ່ງສິ່ງດັ່ງກ່າວໄດ້ຢັ້ງ ຢືນໃຫ້ເຫັນວ່າການຫັນສູ່ການນຳໃຊ້ເຄື່ອງມືທາງການແພດທີ່ທັນສະໄໝສາມາດຮັບປະກັນຄວາມປອດໄພຕໍ່ສຸຂະພາບຂອງແມ່
ແລະ ເດັກ ດ້ວຍປະສິດທິຜົນສູງ.
ກອງປະຊຸມແລກປ່ຽນບົດຮຽນດ້ານວິຊາການຄັ້ງນີ້,
ໄດ້ຮັບການສະໜັບສະໜູນໂດຍ ໂຮງໝໍ ວິນເຕີຕູ ປະເທດສະວິດ ແລະ ໂຄງການຮ່ວມມືໂຮງໝໍລາວ-ສະວິດ.
No comments:
Post a Comment