ໃນຕອນບ່າຍວັນທີ 26 ກຸມ ພານີ້ ໄດ້ມີປະຊາຊົນທີ່ອາໄສໃນເຂດເສັ້ນທາງຮ່ອມຂ້າງຫ້ອງວ່າການລັດຖະບານອອກສູ່ບ້ານ
ສີດຳດວນ ເມືອງຈັນທະບູລີ ນະ ຄອນຫຼວງວຽງຈັນ ໄດ້ແຈ້ງໃຫ້ຮູ້ວ່າ: ມີລົດໂມ້ປູນໄດ້ແລ່ນຜ່ານ
ເສັ້ນທາງໜ້າບ້ານຂອງຕົນດ້ວຍຄວາມໄວສົ່ງຜົນໃຫ້ປູນຊີເມັນດັ່ງ ກ່າວໄຫຼລົງໃສ່ໜ້າທາງເປັນບໍລິເວນຍາວຢຽດນັບເປັນຈຳນວນ
ຫຼາຍແມັດກ້ອນ, ໂດຍທີ່ຜູ້ຂັບຂີ່ບໍ່ໄດ້ຫົວຊາຕໍ່ການທັກທ້ວງຂອງຜູ້ຄົນທີ່ພົບເຫັນແຕ່ຢ່າງໃດ
ແລະ ເບິ່ງຄືວ່າ: ຜູ້ຂັບຂີ່ລົດໂມ້ຄັນນີ້ ຈະມີເຈຕະນາປ່ອຍປູນອອກຈາກ ລົດຂອງຕົນກໍເປັນໄດ້,
ໃນຂະນະທີ່ປະ ຊາຊົນຢູ່ໃກ້ຄຽງໄດ້ພາກັນໃຊ້ນ້ຳລ້າງເອົາປູນອອກຈາກເສັ້ນທາງເພື່ອກຳຈັດສິ່ງເປິະເປື້ອນ
ແລະ ກີດຂວາງການສັນຈອນດ້ວຍຄວາມຕັ້ງໜ້າ, ຊຶ່ງໃນບັນຫານີ້ມີຫຼາຍຄົນໄດ້ອອກປາກທັກທ້ວງຕໍ່ການກະທຳຂອງລົດດັ່ງກ່າວ
ຊຶ່ງບໍ່ພຽງຈະສົ່ງຜົນກະທົບຕໍ່ການຮັກສາຄວາມສະອາດຂອງບ້ານເມືອງເທົ່ານັ້ນ ແຕ່ກົງກັນ
ຂ້າມການຖອກສີມັງລົງໃສ່ເສັ້ນທາງຢ່າງຂາດຄວາມຮັບ ຜິດຊອບດັ່ງກ່າວມັນເປັນການຝືນຕໍ່ກົດລະບຽບບ້ານເມືອງ,
ດັ່ງນັ້ນ
ບັນດາຫົວໜ່ວຍການຜະລິດ ຜູ້ປະກອບການຕ່າງໆໃນດ້ານນີ້ ສົມຄວນທີ່ຈະທົບທວນຄືນຈັນຍາບັນຂອງນັກຂັບຂີ່ບໍ່ວ່າຈະເປັນລົດໂມ້ປູນ,
ລົດແກ່ຫີນຊາຍ ແລະ ດິນຕົມຕ່າງໆບໍ່ໃຫ້ເກີດຂຶ້ນອີກ ແລະ ພ້ອມກັນຍົກສູງສະຕິໃນການຂັບຂີ່ເພື່ອຫຼີກເວັ້ນໄພອັນຕະ
ລາຍທີ່ອາດຈະເກີດຂຶ້ນໃຫ້ແກ່ຕົນເອງ ແລະ ສັງຄົມ.
No comments:
Post a Comment