ປະຊຸມຜູ້ຖືຮຸ້ນທະນາຄານການຄ້າຕ່າງປະເທດລາວມະຫາຊົນ ປີ 2013

         ໃນວັນທີ 28 ມີນານີ້ ຢູ່ຕະຫຼາດຫຼັກຊັບລາວທະນາຄານການຄ້າຕ່າງປະເທດ ລາວມະຫາຊົນໄດ້ໄຂກອງປະຊຸມສາ ມັນຜູ້ຖືຮຸ້ນປະຈຳປີ 2013 ຂຶ້ນຢ່າງເປັນທາງ ການເຊິ່ງຈັດຂື້ນຕິດຕໍ່ກັນ ເປັນປີທີ 3 ພາຍຫຼັງທີ່ໄດ້ເປີດຈຳໜ່າຍຮຸ້ນຂອງຕົນໃຫ້ສັງ ຄົມໄດ້ມີສ່ວນຮ່ວມ ແລະ ຈົດທະບຽນໃນຕະຫຼາດຫຼັກຊັບລາວໂດຍການເປັນປະ ທານຂອງທ່ານ ບຸນໂຈມ ອຸບົນປະເສີດ ລັດຖະມົນຕີຊ່ວຍວ່າການກະຊວງການເງິນ ມີບັນດາຜູ້ຖືຮຸ້ນຂອງທາງທະນາຄານດັ່ງກ່າວເຂົ້າຮ່ວມຢ່າງຫຼວງຫຼາຍ.     

          ທ່ານ ລັດຖະມົນຕີ່ຊ່ວຍ ວ່າການກະຊວງການເງິນກ່າວ ວ່າ: ກອງປະຊຸມສາມັນຜູ້ຖືກຮຸ້ນ ຂອງທະນາຄານການຄ້າ ຕ່າງປະເທດລາວມະຫາຊົນແມ່ນໄດ້ມີການກຳນົດລະບຽບການພາຍ ຫຼັງໄດ້ເປີດໃຫ້ມີການຈົດທະບຽນຊື້-ຂາຍຮຸ້ນໃນຕະຫຼາດ ຫຼັກຊັບ ລາວຊຶ່ງໄດ້ຮັບຮອງເອົາ 5 ບັນ ຫາສຳຄັນຄື: ພິຈາລະນາ ແລະ ຮັບຮອງເອົາຜົນການດຳເນີນທຸ ລະກິດ ປີ 2013 ແລະ

ເງິນປັນຜົນ ປີ 2013. ພິຈາລະນາ ແລະ ຮັບ ຮອງເອົາການແບ່ງປັນເງີນປັນ ຜົນປີ 2014 ແລະ ເປັນ 2 ຄັ້ງ, ພິຈາລະນາ ແລະ ຮັບຮອງເອົາ ແຜນການປີ 2014, ພິຈາລະນາ ແລະ ຮັບຮອງເອົາແຜນການຈັດ ກອງປະຊຸມວິສາມັນຜູ້ຖືຮຸ້ນ ທຄ ຕລ ໃນກາງ ປີ 2014 ແລະ ພິຈາ ລະນາ ແລະ ຮັບຮອງເອົາຜູ້ກວດ ສອບບັນຊີພາຍນອກສຳລັບປີ 2014.

          ທ່ານ ວັນຄຳ ວໍລະວົງ ຜູ້ ອຳນວຍການໃຫຍ່ ທຄຕລ ກ່າວ ວ່າ: ໃນປີ 2013 ຊັບສິນທະນາ ຄານ ມີ 16.906423 ລ້ານກີບ, ເງີນ ແລະ ກູ້ຢືມມາ 15.646.370 ລ້ານກີບ, ເງິນກູ້ 9.228.059 ລ້ານ ກີບ, ກຳໄລກ່ອນອາກອນ 250.627 ລ້ານກີບ, ກຳໄລຫຼັງອາ ກອນ 200.613 ລ້ານກີບ, ອີງ ຕາມມະຕິຂອງກອງປະຊຸມສະ ພາບໍລິຫານໄດ້ຕົກລົງແບ່ງປັນ ກຳໄລ ຫຼັງອາກອນເຂົ້າຄັງຕ່າງໆຕາມລະບຽບການ ແລະ ຈ່າຍ ເງິນປັນຜົນຄື: ແບ່ງເຂົ້າຄັງສະ ສົມຕາມລະບຽບ 10% ເທົ່າກັບ 20.061 ລ້ານກີບ, ແບ່ງເຂົ້າຄັງ ຂະຫາຍທຸລະກິດ 36.56% ເທົ່າ ກັບ 73.338 ລ້ານກີບ, ແບ່ງຈ່າຍ ເງິນປັນຜົນໃຫ້ຜູ້ຖືຮຸ້ນ 53.44% ເທົາກັບ 107.213 ລ້ານກີບ, ຈຳ ນວນຮຸ້ນ ທຄຕລ ທັງໝົດ 136.577.600 ຮຸ້ນ, ເງິນປັນຜົນປີ 2013 ເທົ່າກັບ 785 ກີບ/ ຮຸ້ນ, ສະ ນັ້ນເງີນປັນຜົນ 6 ເດືອນທ້າຍປີ 2013 ແມ່ນ 380 ກີບ/ຮຸ້ນ.

       ທ່ານ ຜູ້ອຳນວຍການໃຫຍ່ ທະນາຄານການຄ້າຕ່າງປະເທດລາວມະຫາຊົນ ກ່າວວ່າ: ການ ດຳເນີນທຸລະກິດຂອງພວກ ເຮົາມີການເຕີບໃຫຍ່ຂະຫຍາຍຕົວເຫັນ ໄດ້ຈາກຜົນການກຳໄລທີ່ເພີ່ມຂຶ້ນ ແລະ ການຄວບຄຸມກວດສອບບັນຊີຢ່າງມີປະສິດ ທິຜົນ, ນອກຈາກນີ້ທະນາຄານຍັງໄດ້ມີການພັດທະນາ ແລະ ໃຫ້ບໍລິການແກ່ ລູກຄ້າດ້ວຍລະບົບທີ່ທັນສະໄໝ ເພື່ອອຳນວຍ ຄວາມສະດວກແກ່ຜູ້ມາໃຊ້ບໍລິການ ແລະ ເພື່ອເຮັດ ໃຫ້ທຸລະກິດມີການກ້າວຂຶ້ນ ທຄ ຕລ ຍັງຈະຄວບຄຸມລາຍຈ່າຍບໍ ລິຫານ ໃຫ້ມີປະສິດທິຜົນຫຼາຍກວ່າເກົ່າດ້ວຍການຫຼຸດຜ່ອນໂກ ຕາຮັບພະນັກງານໃໝ່ໃຫ້ໜ້ອຍ ກ່ວາປີທີ່ຜ່ານມາ ແລະ ຄວບຄຸມ ລາຍຈ່າຍໃນການປະກອບວັດຖຸ ເຕັກນິກ, ການກໍ່ສ້າງ ແລະ ການ ສ້ອມແປງໂດຍຈະເລັ່ງໃສ່ສະ ເພາະການພັດທະນາພື້ນຖານ ໂຄງລ່າງທີ່ຈຳເປັນເທົ່ານັ້ນ.