ເຈົ້າໜ້າທີ່ແຂວງບໍ່ແກ້ວ ໃຫ້ຮູ້ວ່າ:
ເມື່ອບໍ່ດົນມານີ້, ເຈົ້າໜ້າທີ່ຕົນໄດ້ກັກຕົວທ້າວ ຫ້າວ່າງ ອາຍຸ 30 ປີ ອາຊີບຄ້າຂາຍ
ຢູ່ເມືອງຊຳເໜືອ ແຂວງຫົວພັນ ແລະ ທ້າວ ດົວວ່າງ ອາຍຸ 37 ປີ ອາຊີບຄ້າ ຂາຍ ຢູ່ແຂວງຊຽງຂວາງ
(ທັງສອງແມ່ນອ້າຍນ້ອງກັນ) ພາຍ ຫລັງຜູ້ຕ້ອງຫາທັງສອງໄດ້ຊຸກເຊື່ອງເຮໂຣອິນຈຳນວນ
120 ແທ່ງ ໄວ້ໃນຖັງນ້ຳມັນລົດໃຫຍ່ຍີ່ຫໍ້ປຣາໂດ ໝາຍເລກທະບຽນ ກຫ 0808 ກຳແພງນະຄອນ
ໃນຂະນະກຽມຂົນສົ່ງອອກຈາກແຂວງບໍ່ແກ້ວ ໂດຍຜູ້ຕ້ອງຫາທັງສອງຮັບສາລະພາບກັບເຈົ້າໜ້າທີ່ວ່າ:
ຢາເສບຕິດທັງໝົດແມ່ນຊື້ມາຈາກປະເທດເພື່ອນບ້ານ ໂດຍມີຄົນເອົາມາສົ່ງໃຫ້ຢູ່ຊາຍແດນເມືອງຕົ້ນເຜິ້ງ
ແຂວງບໍ່ແກ້ວ, ປັດຈຸບັນຄະດີຢາເສບຕິດລາຍນີ້ເຈົ້າໜ້າທີ່ຈະເລັ່ງສືບສວນຂະຫຍາຍຜົນ
ເພື່ອຕິດຕາມເອົາຜູ້ຮ່ວມຂະບວນການມາລົງໂທດຕາມກົດໝາຍ.
No comments:
Post a Comment