ລັດ​ວິ​ສາ​ຫະກິດ​ລາວ​ໂທລະ​ຄົມ​ຮ່ວມກັບຕຳຫຼວດຈະລາຈອນໂຄສະນາຫຼຸດຜ່ອນອຸປະຕິເຫດໄລຍະປີໃໝ່ລາວ

        ໃນວັນທີ 30 ມີນານີ້ ກົມຕຳຫຼວດຈະລາຈອນ ແລະ ລັດວິສາຫະກິດລາວໂທ ລະຄົມ ໄດ້ຮ່ວມກັນຈັດກິດຈະກຳໂຄສະນາການຂັບຂີ່ປອດໄພເພື່ອຊ່ວຍຫຼຸດຜ່ອນ ອຸປະຕິເຫດໃນຊ່ວງບຸນປີໃໝ່ລາວທີ່ຈະ ມາເຖີງນີ້ໂດຍເຂົ້າຮ່ວມຂອງ ທ່ານ ພັນ ເອກ ຄຳຜົນ ສີຫາປັນຍາຮອງຫົວໜ້າກົມໃຫຍ່ຕຳຫຼວດ, ທ່ານ ທອງໃສ ຊານໄຊຍະ ຜູ້ອຳນວຍການໃຫຍ່ບໍລິສັດລາວໂທລະຄົມພ້ອມດ້ວຍບັນດານ້ອງນັກຮຽນເຂົ້າ ຮ່ວມໃນ ການຂັບຂີ່ລົດເພື່ອໂຄສະນາໄປຕາມທ້ອງຖະໜົນ.

           ທ່ານ ພັນໂທ ຄຳຖະຫວາຍ ເພັດອຸໄທ ຫົວໜ້າກົມຕຳຫຼວດຈະລາຈອນ ໃຫ້ຮູ້ວ່າ: ປັດຈຸບັນເສດຖະກິດມີການຂະ ຫຍາຍຕົວຢ່າງຕໍ່ເນື່ອງ ແລະ ຄວາມຕ້ອງການໃນການຊົມໃຊ້ພາຫະ ນະແມ່ນໄດ້ເພີ່ມຂຶ້ນ, ສະແດງອອກໃນປີ 2012 ຜ່ານມາ ທົ່ວປະເທດມີຍານພາຫະນະກວ່າ 1,2  ລ້ານຄັນທຽບໃສ່ປີ 2011 ເພີ່ມ ຂຶ້ນ 10.47% ແລະ ສະພາບເສັ້ນທາງເຖີງວ່າໄດ້ຮັບ

ການພັດທະນາຫຼາຍສົມຄວນແຕ່ບໍ່ທັນຮອງຮັບການເພີ່ມຂຶ້ນຂອງພາຫະນະ, ໃນໂມງຮີບດ່ວນ ແລະ ວັນບຸນສຳຄັນແມ່ນມີ ຄວາມສັບສົນ, ມີລົດແອອັດ, ບວກໃສ່ນັກຂັບຂີ່ ຈຳນວນໜຶ່ງບໍ່ເຄົາລົບກົດລະ ບຽບເຮັດໃຫ້ເກີດອຸປະຄິເຫດຄື:  ໃນປີ 2013 ຜ່ານມາທົ່ວປະເທດມີອຸປະຕິເຫດເກີດຂຶ້ນກວ່າ 6 ພັນ ກໍລະນີສົ່ງຜົນໃຫ້ມີຜູ້ເສຍຊີວິດ ກວ່າ 800 ຮ້ອຍຄົນ, ສະເພາະ ໃນບຸນ ປີໃໝ່ລາວທົ່ວປະເທດມີອຸປະຕິເຫດເກີດຂຶ້ນ 181 ກໍລະນີມີ ຜູ້ເສຍຊີວິດ 23 ຄົນ ສາເຫດຕົ້ນຕໍຍ້ອນຜູ້ຂັບຂີ່ລົດລະ ເມີດກົດ ລະບຽບການສັນຈອນເຊັ່ນ: ຂັບຂີ່ໃນ ສະພາບມືນເມົາ, ຂັບຂີ່ລົດໄວ ເກີນກຳນົດ, ປ່ຽນທິດທາງເດີນ ໂດຍກະ ທັນຫັນ, ແຊງບໍ່ ຮັບປະກັນຄວາມປອດໄພ, ບໍ່ປ່ອຍສິດ ເວລາອອກສູ່ທາງໃຫຍ່, ລ່ວງໄຟ ແດງ, ລ່ວງປ້າຍຫ້າມ, ຈອດລົດ ຊະຊາຍ, ຂັບຂີ່ລົດ ເປັນພຶງເປັນແພ ແລະ ອື່ນໆ, ສະນັ້ນເພື່ອແກ້ໄຂສະພາບດັ່ງກ່າວໃຫ້ຫຼຸດລົງ ແລະ ເພື່ອເຮັດໃຫ້ການຫຼີ້ນ ບຸນປີໃໝ່ລາວມີ ຄວາມປອດໄພປາສະຈາກອຸປະຕິເຫດກົມຕຳຫຼວດຈະລາຈອນຈຶ່ງໄດ້ຮ່ວມກັບບໍລິສັດລາວໂທລະ ຄົມ ຈັດກິດຈະກຳໂຄສະນາ ການຂັບຂີ່ປອດໄພ ເພື່ອປູກຈິດສຳນຶກໃຫ້ຜູ້ໃຊ້ລົດໃຊ້ຖະໜົນມີສະຕິຕື່ນຕົວ, ເຄົາລົບ ແລະ ປະຕິບັດກົດລະບຽບການສັນ ຈອນຢ່າງເຂັ້ມງວດ, ເພື່ອຫຼຸດຜ່ອນອຸປະຕິເຫດ.

          ທ່ານ ຜູ້ອຳນວຍການໃຫຍ່ ລາວໂທລະຄົມ ກ່າວ່າ: ລາວ ໂທລະຄົມເປັນພາກສ່ວນໜຶ່ງທີ່ ຊ່ວຍເຫຼືອສັງຄົມ ແລະ ມີຄວາມ ເປັນຫ່ວງຕໍ່ສະພາບເກີດອຸປະຕິ ເຫດທີ່ມັກເກີດຂຶ້ນໃນໄລຍະ 7 ມື້ ອັນຕະລາຍໃນຊ່ວງບຸນປີໃໝ່ ລາວທີ່ໃກ້ຈະມາ ຮອດນີ້ເພື່ອເປັນການປູກກຈິດສຳພັນປຸກລະດົມ ໃຫ້ຜູ້ໃຊ້ລົດໃຊ້ຖະໜົນເວົ້າສະ ເພາະຢູ່ນະຄອນຫຼວງວຽງຈັນ ທີ່ມີການຈະ ລາຈອນນັບມື້ນັບໜາ ແໜ້ນຂຶ້ນທຸກໆປີ. ຈຶ່ງໄດ້ຈັດກິດ ຈະກຳດັ່ງກ່າວຂື້ນໂດຍຈະເລີ່ມ ເປັນທາງການໃນວັນທີ 1-2 ເມ ສາ 2014 ຈະລົງໄປໂຄສະນາ ຕາມຈຸດຊຸມຊົນເຊັ່ນ: 4 ແຍກໄຟ ແດງຫຼັກ 6, ໄຟແດງທາດຫຼວງ ແລະ ແຫ່ງ ອື່ນໆ ໄປຄຽງຄູ່ກັບ ການປະຊາສຳພັນກົດລະບຽບ ຈະລາຈອນຂອງເຈົ້າໜ້າທີ່ຍັງໄດ້ມີການຖາມ-ຕອບຄຳຖາມກ່ຽວກັບກົດລະບຽບການສັນຈອນ ເພື່ອຮັບລາງວັນເປັນໝວກກັນ ກະທົບຈາກລາວໂທລະຄົມນຳ ອີກ.