ການພັດທະນາຕະຫຼາດທຶນຈະເປັນໂອກາດໃຫ້ຖານແຫຼ່ງທຶນຂອງລາວມີຄວາມໝັ້ນຄົງ

    ຄະນະກຳມະການຄຸ້ມອງຕະຫຼາດຫຼັກຊັບໃຫ້ຮູ້ວ່າ: ປັດຈຸບັນ ລາວເຮົາຍັງມີ ຄວາມຕ້ອງການທຶນຫຼາຍເພື່ອນຳໄປພັດທະນາພື້ນຖານໂຄງລ່າງ, ລວມເຖິງການລົງ ທືນໃສ່ການຜະລິດໃນຫຼາຍຂະແໜງການນັບແຕ່ຂະແໜງພະ ລັງງານ, ບໍ່ແຮ່, ອຸດ ສາຫະກຳ, ກຳສິກຳ, ການເງິນ ການທະນາຄານ ແລະ ການທ່ອງ ທ່ຽວ, ຂະນະທີ່ ການສະໜອງທຶນຍັງມີຄວາມຈຳກັດ, ໂດຍສະເພາະແມ່ນການສະໜອງທຶນ ໄລຍະ ຍາວ, ດັ່ງນັ້ນການພັດທະນາ ຕະຫຼາດທຶນຈະເປັນໂອກາດ ແລະ ສິ່ງອຳນວຍຄວາມ ສະດວກຫຼາຍດ້ານໃຫ້ແກ່ແຫຼ່ງທຶນຂອງລາວເຮົາຄື: (1) ຈະຊ່ວຍກະຕຸກຊຸກຍູ້ການຜະລິດສິ້ນຄ້າ ແລະ ການບໍລິການໄດ້ຫຼາຍ ແລະ ກວ້າງຂວາງ, (2) ເປັນໂອກາດໃຫ້ແກ່ອົງການຄຸ້ມຄອງຫຼັກຊັບ ແລະ ອົງການຄຸມຄອງມະຫາພາກອື່ນທີ່ກ່ຽວຂ້ອງ ແລະ ບັນ ດາຫົວໜ່ວຍທີ່ມີສ່ວນຮ່ວມໃນຕະຫຼາດທຶນຂອງລາວພ້ອມສາມາດຖອດຖອນບົດຮຽນ  ແລະ ຍາດແຍ່ງການຊ່ວຍ ເຫຼືອ ທາງດ້ານເຕັກນິກວິຊາການໄດ້ຫຼາຍຂຶ້ນກວ່າ ເກົ່າ, (3) ເປັນໂອກາດຂະຫຍາຍຖານແຫຼ່ງທຶນໃຫ້ກວ້າງອອກ ແລະ (4) ເປັນ
ໂອກາດທີ່ຈະຍົກສະຖານະພາບຕະຫຼາດການເງິນຂອງລາວທຶນໃນເວທີທືນສາກົນ, ທັງສ້າງເງື່ອນໄຂໃຫ້ການເຊື່ອມໂຍງເສດ ຖະກິດ-ການເງິນກັບສາກົນ, ແຕ່ຄຽງຄູ່ກັບສິ່ງດັ່ງກ່າວກໍ່ມີສິ່ງທ້າທາຍຫຼາຍດ້ານທີ່ຈະຕ້ອງໄດ້ເອົາໃຈໃສ່ຄື: ການຄຸ້ມຄອງຂະ

ບວນການເຄື່ອນໄຫວໃນຕະຫຼາດຫຼັກຊັບ ແລະ ຕະຫຼາດທຶນຖ້າບໍ່ມີຄວາມຮັດກຸມພຽງພໍອາດຈະພາໃຫ້ເກີດຄວາມສ່ຽງຕໍ່ລະ ບົບການເງິນ ແລະ ເສດຖະກິດໂດຍລວມໄດ້, ສະນັ້ນຕ້ອງເອົາໃຈໃສ່ສ້າງຄວາມອາດສະມາດໃນການຄຸ້ມຄອງວຽກງານຕະ    ຫຼາດທຶນຢ່າງຮັດກຸມ ແລະ ສອດຄ່ອງກົມກ່ຽວກັນ, ຂະຫຼາຍຖານແຫຼ່ງທຶນຈາກພາຍໃນໄປສູ່ຕ່າງປະເທດສາມາດປະຕິບັດໄດ້ ດ້ວຍຫຼາຍວິທີການຊຶ່ງແຕ່ລະວິທີ່ຈະສາງຜົນໄດ້ຮັບ ແລະ ຄວາມສ່ຽງທີ່ແຕກຕ່າງກັນສະນັ້ນ ຈຶ່ງຈຳເປັນຕ້ອງມີການຄົ້ນຄວ້າ ຢ່າງເລິກເຊິ່ງລະຫວ່າງວິທີການຂະຫຍາຍຖານແຫຼ່ງທຶນສາກົນຈາກທາງໃນອອກສູ່ທາງນອກ. ກັບການຂະຫຼາຍແຫຼ່ງທຶນສາ ກົນຈາກທາງນອກສູ່ທາງໃນ ແລະ ສ້າງບຸກຄະລາກອນພາຍໃນໃຫ້ທັນກັບຄວາມຮຽກຮ້ອງຕ້ອງການ ແລະ ອັນສຳຄັນອີກຢ່າງ ໜຶ່ງທີ່ຈະຕ້ອງປະສານສົມທົບຫຼາຍວິທີການກໍ່ສ້າງ, ແຕ່ບັນດາໂອກາດ ແລະ ສິ່ງທ້າຍທາຍດັ່ງກ່າວເຫຼົ່ານີ້ມັນຈະເຮັດປະເທດ ລາວເຮົາມີຖານແຫຼ່ງທຶນທີ່ໝັ້ນຄົງຫຼາຍຂຶ້ນ.