ໃນວັນທີ
9 ມີນານີ້, ນັກສຶກສາລາວ ຈໍານວນ 24 ຄົນ ແລະ ຜູ້ນໍາພາ 1 ຄົນ ໄດ້ອອກເດີນທາງຈາກສະໜາມບິນ
ສາກົນວັດໄຕ ໄປປະເທດຍີ່ປຸ່ນເພື່ອເຂົ້າຮ່ວມ ໂຄງການແລກປ່ຽນຊາວໜຸ່ມ ທີ່ ເອີ້ນວ່າ: “ໂຄງການ
JENESYS 2.0: ຫົວຂໍ້ “ສິລະປີນໄວໜຸ່ມ- ວັດ ທະນາທຳພື້ນເມືອງ-ມໍລະດົກ- ສິລະປະ”. ໂດຍຈະເຄື່ອນໄຫວ
ຢູ່ປະເທດຍີ່ປຸ່ນ ແຕ່ວັນທີ 10- 18 ມີນາ 2014.
ໂຄງການນີ້
ມີຈຸດປະສົງ ເພື່ອໃຫ້ນັກສຶກສາໄດ້ມີໂອກາດ ຮຽນຮູ້ວັດທະນາທຳຂອງຍີ່ປຸ່ນ ໃນຂະແໜງການສິລະປະກໍາ
ເຊັ່ນ: ການແຕ້ມຮູບ, ການອອກແບບ, ແກະສະຫລັກຕ່າງໆ. ນັກສຶກສາ 24 ຄົນ ແມ່ນຄັດເລືອກ ໂດຍກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ແລະ ອົງການ JICA ປະຈຳລາວ ເຊິ່ງໄດ້ຄັດເລືອກນັກສຶກສາທີ່ດີເດັ່ນໃນ ນະຄອນຫລວງວຽງຈັນ ແລະ ແຂວງຕ່າງໆ.
ໂອກາດນີ້,
ນັກສຶກສາລາວ ຈະໄດ້ໄປຢ້ຽມຢາມນະຄອນ ຫລວງໂຕກຽວ ແລະ ແຂວງນາ ກາໂນະ (ຕັ້ງຢູ່ໃກ້ກັບໃຈກາງ ຂອງປະເທດຍີ່ປຸ່ນເຊິ່ງອຸດົມສົມບູນໄປດ້ວຍທໍາມະຊາດ
ແລະ ພູມພາບທີ່ສວຍງາມ) ເພື່ອສຶກສາຮຽນຮູ້ກ່ຽວກັບວັດທະນະທຳ ແລະ ປະຫວັດສາດຕ່າງໆຂອງ ຍີ່ປຸ່ນໂດຍສະເພາະແມ່ນສິລະປະ
ໃນເຂດນັ້ນ. ຢ້ຽມຢາມບັນດາບໍ ລິສັດຍີ່ປຸ່ນ, ບ້ານຄົນຍີ່ປຸ່ນ ແລະ ການແລກປ່ຽນກັບນັກຮຽນຢູ່
ໂຮງຮຽນຂອງຍີ່ປຸ່ນນຳອີກ.
No comments:
Post a Comment