ຄະນະແມ່ຍິງແຂວງວຽງຈັນຢ້ຽມຢາມສະຖານທີ່ສຳຄັນໃນນະຄອນຫລວງວຽງຈັນ

      ໃນວັນທີ 5 ມີນາຜ່ານມານີ້, ທ່ານ ນາງ ສິງຄຳ ຄົງສະຫວັນ  ຮອງເຈົ້າແຂວງໆວຽງຈັນ ໄດ້ ນຳພາຄອບຄົວການນຳ ແລະ ເອື້ອຍນ້ອງແມ່ຍິງຫ້ອງວ່າການປົກຄອງແຂວງວຽງຈັນ ເພື່ອທັດສະນະສຶກສາຢູ່ສະຖານທີ່ສຳຄັນໃນນະຄອນຫລວງວຽງຈັນ ເປັນຕົ້ນ:ເຂດອຸດສາຫະກຳຫລັກ 21 ໂນນທອງ (VITA Park), ຫໍພິພິທະພັນກອງທັບ ແລະ ຫໍມູນ ເຊື້ອແມ່ຍິງລາວ ແນໃສ່ໃຫ້ເອື້ອຍນ້ອງແມ່ຍິງໄດ້ມີໂອກາດແລກປ່ຽນບົດຮຽນເຊິ່ງກັນ ແລະ ກັນ, ໄດ້ຮຽນຮູ້ສິ່ງໃໝ່, ຍົກລະດັບຄວາມຮູ້ຄວາມ ສາມາດເພື່ອພັດທະນາຕົນເອງ ແລະ ກົມກອງໃຫ້ມີຄວາມກ້າວໜ້າ.

      ໃນການຢ້ຽມຢາມເຂດອຸດສາຫະກຳຫລັກ 21 ໂນນທອງ, ທ່ານ ທອງຂັນ ວົງພະຈັນ ຮອງປະທານບໍລິສັດ ໄດ້ອະທິບາຍ ວ່າ: ນິຄົມອຸດສາຫະກຳ ແລະ ການຄ້າຫລັກ 21 ບ້ານໂນນທອງ ເປັນໂຄງການຮ່ວມມືລະຫວ່າງລັດຖະບານລາວ ກໍຄື ກະຊວງ ອຸດສາຫະກຳ ແລະ ການຄ້າ ກັບບໍລິສັດ ໜຳເວ (Nam Wei) ພັດທະນາ ຈຳກັດໂດຍລັດຖະບານລາວຖື ຫຸ້ນ 30% ແລະ ບໍລິສັດ ໜຳເວ (Nam Wei) ຖືຫຸ້ນ 70% ໂດຍ ໄດ້ເຊັນ MOU ມາແຕ່ປີ 2009, ໄລຍະສຳປະທານ 75 ປີ. ປັດຈຸບັນ

ໜ້າວຽກຕ່າງໆມີຄວາມຄືບໜ້າຫລາຍຄື: ບຸກເບີກເນື້ອ ທີ່ໄດ້ 90% ແລະ ພື້ນຖານໂຄງ ລ່າງໄດ້ 40%. ຖ້າໂຄງການນີ້ສຳເລັດ ຈະສ້າງວຽກເຮັດງານທຳ ໃຫ້ແກ່ແຮງງານລາວໂດຍສະເພາະນະຄອນຫລວງ ແລະ ແຂວງວຽງຈັນ ໃນອະນາຄົດ. ຕໍ່ດ້ວຍການ ຢ້ຽມຊົມຫໍພິພິທະພັນກອງທັບທີ່ໄດ້ຮວບຮວມວັດຖຸ ຂອງເຄື່ອງໃຊ້ຂອງບຸກຄົນສຳ ຄັນໃນອະດີດ ແລະ ຜົນງານ ຕ່າງໆຂອງ ກອງທັບໃນແຕ່ລະໄລຍະຜ່ານມາ.ຕອນທ້າຍແມ່ນຢ້ຽມຊົມຫໍມູນເຊື້ອແມ່ຍິງລາວໂດຍໄດ້ຮັບຟັງການບັນຍາຍຂອງ ພະນັກ ງານປະຈຳຫໍດັ່ງກ່າວກ່ຽວກັບປະຫວັດຄວາມເປັນມາຂອງແມ່ຍິງລາວລວມທັງຜະລິດຕະພັນ, ເຄ່ືອງມືທີ່ເຮັດຈາກສີໄມ້ ລາຍມືເອື້ອຍນ້ອງແມ່ຍິງລາວທີ່ສື່ໃຫ້ເຫັນເຖິງມູນເຊື້ອຄວາມດຸໝັ່ນຂະຫຍັນພຽນ ແລະ ຜົນງານ ທີ່ໜ້າຍົກຍ້ອງຂອງເອື້ອຍ ນ້ອງແມ່ຍິງລາວ.