ອາທິດຜ່ານມາຢູ່ນະຄອນຫຼວງວຽງຈັນມີປາກົດການຫຍໍ້ທໍ້ເກີດຂຶ້ນຫຼາຍກວ່າ 50 ເລື່ອງ

         ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ໃນອາທິດຜ່ານມານີ້ ຢູ່ນະຄອນຫຼວງວຽງຈັນ, ມີປາກົດການ ຫຍໍ້ທໍ້ເກີດຂຶ້ນ 50 ກວ່າເລື່ອງທຽບໃສ່ອາທິດຜ່ານມາເພີ່ມຂຶ້ນຫຼາຍ ກ່ວາ 10 ເລື່ອງ, ສ່ວນໃຫຍ່ແມ່ນຄະດີລັກຊັບພົນລະ ເມືອງ, ຊີງຊັບ, ມົ້ວສຸມຢາເສບຕິດ ແລະ ອຸປະຕິເຫດອື່ນໆ, ຊຶ່ງເຮັດໃຫ້ມີຜົນ ເສຍຫາຍລົດຈັກ 14 ຄັນ ແລະ ຊັບສິນອື່ນໆ ອີກຈຳນວນໜຶ່ງ ແລະ ຮ້າຍແຮງໄປກ່ວານັ້ນແມ່ນມີຜູ້ເສຍຊີວິດຈາກອຸປະຕິເຫດ 2 ຄົນ.  ເຈົ້າໜ້າທີ່ຕຳຫຼວດໃຫ້ທັດສະນາວ່າ: ເຖິງວ່າໃນໄລຍະຜ່ານມາ. ກຳລັງເຈົ້າໜ້າທີ່ໄດ້ສຸມໃສ່ ປະຕິບັດຄຳສັ່ງຂອງທ່ານນາຍົກລັດຖະມົນຕີວ່າດ້ວຍການສະກັດກັ້ນ ແລະ ແກ້ໄຂປາກົດການຫຍໍ້ທໍ້ທົ່ວສັງຄົມດ້ວຍຄວາມຕັ້ງໜ້າເພື່ອຮັບປະກັນໃຫ້ນະຄອນຫຼວງວຽງຈັນມີຄວາມສະຫງົບ, ແຕ່ ເຫັນວ່າສະພາບຫຍໍ້ທໍ້ດັ່ງກ່າວຍັງເພີ່ມທະວີເກີດຂຶ້ນ, ໂດຍສະເພາະແມ່ນປະກົດການລັກຊັບພົນລະເມືອງຍັງເກີດຂຶ້ນຫຼາຍກໍ ລະນີ ຄື: ໃນວັນທີ 20 ມີນານີ້ ໄດ້ມີຄົນຮ້າຍ 2 ຄົນເຂົ້າໄປລັກເອົາລົດ ຈັກໃນເຮືອນຂອງປະຊາຊົນຜູ້ໜຶ່ງຢູ່ເຂດບ້ານສົມສະ ຫງ່າ, ເມືອງໄຊເສດຖາ, ນະຄອນຫຼວງວຽງຈັນ ແລະ ວັນທີ 19 ມີນາ ຜ່ານມານີ້ມີຄົນຮ້າຍໄດ້ເຂົ້າໄປລັກເອົາລົດຈັກໃນເຮືອນ ຂອງປະຊາຊົນຢູ່ບ້ານສົມສະຫງ່າແລ້ວຫຼົບໜີໄປ, ຊຶ່ງຈາກການສັງລວມ ຂອງເຈົ້າໜ້າທີ່ທີ່ໄດ້ຮັບແຈ້ງຈາກພົນລະເມືອງສ່ວນ ໃຫຍ່ລົດທີ່ເສຍຫາຍແມ່ນປະເພດລົດຈັກເວບໄທ.