ລັດຖະມົນຕີຕ່າງປະເທດນິວຊີແລນຢ້ຽມຢາມລາວ

      ໂດຍຕອບສະໜອງຕາມການເຊີນຂອງທ່ານຮອງນາຍົກລັດຖະມົນຕີ, ລັດຖະ ມົນຕີວ່າການກະຊວງການຕ່າງປະເທດ ແຫ່ງ ສປປ ລາວ ທອງລຸນ ສີສຸລິດ, ທ່ານ ເມີເຣ ແມັກຄູລລີ ລັດຖະມົນຕີວ່າການກະຊວງການຕ່າງປະເທດນິວຊີແລນພ້ອມ ຄະນະໄດ້ເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນວັນ ທີ 25 ມີນານີ້, ໂດຍພິທີຕ້ອນຮັບ ແລະ ພົບປະສອງຝ່າຍຢ່າງເປັນທາງການໄດ້ມີຂຶ້ນ ຢູ່ກະຊວງການຕ່າງປະເທດ. ນະຄອນຫຼວງວຽງຈັນໂດຍທັງສອງຝ່າຍ ຕີລາຄາສູງຕໍ່ ໝາກຜົນຂອງການຮ່ວມມືໃນໄລຍະຜ່ານມາທີ່ມີການຂະຫຍາຍຕົວຢ່າງຕໍ່ເນື່ອງຊຶ່ງສະແດງອອກໃນການແລກ ປ່ຽນການຢ້ຽມ ຢາມຂອງຄະນະຜູ້ແທນລະດັບສູງຢ່າງເປັນປົກກະຕິລວມທັງການຮ່ວມມືໃນຂົງເຂດເສດຖະກິດ, ວັດທະນະທຳ, ໂດຍສະ ເພາະໃນດ້ານການພັດທະນາຊັບພະຍາກອນມະນຸດ, ການ ຊ່ວຍເຫລືອດ້ານມະນຸດສະທຳ, ການທ່ອງທ່ຽວ ແລະ ອື່ນໆ.

    

        ໃນໂອກາດນີ້, ທ່ານ ຮອງ ນາຍົກລັດຖະມົນຕີ, ລັດຖະມົນຕີຕ່າງປະເທດທອງລຸນ ສີສຸລິດ ໄດ້ສະແດງຄວາມຂອບ ໃຈ ແລະ ຕີ ລາຄາສູງຕໍ່ການຊ່ວຍເຫລືອຂອງນີວຊີແລນໃຫ້ແກ່ ສປປ ລາວ ໂດຍສະເພາະການຊ່ວຍເຫລືອ ເກັບກູ້ລະເບີດທີ່ຍັງບໍ່ ທັນແຕກໂດຍຜ່ານບ້ວງຫລາຍຝ່າຍ; ໂຄງການພັດທະນາການທ່ອງທ່ຽວ ແບບອະນຸລັກແລະປະຊາຊົນມີ ສ່ວນຮ່ວມຢູ່ 4 ແຂວງຂອງລາວ ຄື: ຫລວງນ້ຳທາ, ຊຽງຂວາງ, ບໍລິຄຳໄຊ ແລະ ຄຳມ່ວນ; ການຊ່ວຍເຫລືອດ້ານການສຶກສາໂດຍສະເພາະການ ຍົກລະດັບພາສາອັງກິດໃຫ້ແກ່ພະນັກງານລັດຖະກອນ ແລະ ພະນັກງານອາວຸ ໂສ. ພ້ອມດຽວກັນນັ້ນກໍໄດ້ສະ ເໜີໃຫ້ຊຸກຍູ້ ແລະ ສົ່ງເສີມດ້ານການຄ້າ ແລະ ການລົງທຶນໂດຍສະເພາະສະເໜີຊຸກຍູ້ໃຫ້ນັກທຸລະກິດນີວຊີແລນມາລົງທຶນຢູ່ລາວ ໃຫ້ຫລາຍ ຂຶ້ນເປັນຕົ້ນໃນຂະແໜງກະສິກຳ: ການແປຮູບຜະ ລິດຕະພັນ ແລະ ມາດຕະຖານ ຂອງອາຫານ.ພ້ອມທັງສະແດງຄວາມຂອບ ໃຈອີກເທື່ອໜຶ່ງຕໍ່ ຝ່າຍນີວຊີແລນທີ່ໄດ້ໃຫ້ການສະໜັບສະໜູນແລະຊ່ວຍເຫລືອ ສປປ ລາວ ໃນໄລຍະກະກຽມ ກອງປະຊຸມ ສຸດຍອດອາຊີ-ເອີຣົບ ຄັ້ງທີ 9 ທີ່ນະຄອນຫລວງວຽງຈັນ ໃນປີ 2012 ແລະ ສະໜັບສະ ໜູນ ສປປ ລາວ ໃນການເຂົ້າເປັນ ສະມາຊິກຂອງອົງການ ການຄ້າໂລກໃນປີ 2013.

           ດ້ານການຮ່ວມມືໃນຂອບ ອາຊຽນ ແລະ ຂອບຫລາຍຝ່າຍ, ທ່ານຮອງນາຍົກລັດຖະມົນຕີ ທອງລຸນ ສີສຸລິດ ໄດ້ສະ ແດງຄວາມຍິນດີຕໍ່ຜົນສຳເລັດຂອງ ກອງປະຊຸມເຈົ້າໜ້າທີ່ອາວຸໂສ ອາຊຽນ-ນີວຊີແລນ ໃນເດືອນ ກຸມພາ 2014 ທີ່ຜ່ານມາ ຊຶ່ງ ທັງສອງຝ່າຍໄດ້ມີຄວາມເພິ່ງພໍໃຈ ຕໍ່ສາຍພົວພັນອາຊຽນ-ນີວຊີແລນ ໂດຍສະເພາະຄວາມຄືບໜ້າຂອງການຈັດຕັ້ງປະຕິບັດສັນ ຍາເຂດ ການຄ້າເສລີອາຊຽນ-ອົດສະ ຕຣາລີ-ນີວຊີແລນ (ASEAN- Australia-New Zea land FTA), ແຜນປະຕິບັດ ງານເພື່ອຈັດຕັ້ງປະຕິບັດຖະແຫລງການ ຮ່ວມວ່າດ້ວຍການເປັນຄູ່ຮ່ວມ ຮອບດ້ານອາຊຽນ-ນີວຊີແລນ ສົກປີ 2010-2015 ກໍ ຄືແຜນວຽກບູລິມະສິດສຳລັບສົກປີ 2013- 2014 ໂດຍກວມເອົາທັງ 3 ເສົາ ຄ້ຳຄື: ການເມືອງຄວາມໝັ້ນຄົງ, ເສດຖະກິດ ແລະ ວັດທະນະທຳ- ສັງຄົມ. ພ້ອມນັ້ນ, ກໍໄດ້ສະແດງຄວາມຂອບໃຈຢ່າງຈິງໃຈຕໍ່ກະຊວງການຕ່າງປະເທດກໍຄືລັດຖະບານ ນິວຊີແລນທີ່ໄດ້ຕົກລົງ ຈະໃຫ້ການຊ່ວຍເຫລືອໃນການ ຝຶກອົບຮົມພະນັກງານການທູດ ໜຸ່ມຂອງລາວເພື່ອສ້າງຄວາມ ກຽມ ພ້ອມໃນການກ້າວເຂົ້າສູ່ປະຊາຄົມເສດຖະກິດອາຊຽນ ໃນປີ 2015 ແລະ ການກະກຽມເປັນ ປະທານອາຊຽນ ໃນປີ 2016     ໃນຖານະ ສປປ ລາວ ເປັນປະ ເທດປະສານງານໃຫ້ແກ່ການພົວພັນອາຊຽນ-ນີວຊີແລນ (2012- 2015), ຝ່າຍລາວໄດ້ສະ ແດງຄວາມພ້ອມທີ່ຈະເຮັດວຽກຢ່າງ ໃກ້ຊິດກັບບັນດາປະເທດສະມາຊິກອາຊຽນ ແລະ ນິວຊີແລນໃນການກະກຽມຈັດກອງ ປະຊຸມສຸດຍອດສະເຫລີມສະຫລອງຄົບຮອບ 40 ປີ ແຫ່ງການພົວພັນອາ ຊຽນ-ນີວຊີແລນໃນປີ 2015.

         ທ່ານລັດຖະມົນຕີ ເມີເຣ ແມັກຄູນລີ ກໍໄດ້ສະແດງຄວາມ ຂອບໃຈຕໍ່ການຕ້ອນຮັບອັນອົບ ອຸ່ນຂອງຝ່າຍລາວ ແລະ ໄດ້ເນັ້ນເຖິງຈຸດປະສົງຂອງການຢ້ຽມ ຢາມຂອງທ່ານຄັ້ງນີ້ແມ່ນເພື່ອ ເສີມຂະຫຍາຍສາຍພົວພັນມິດຕະພາບ ແລະ ເພີ່ມທະວີ ການຮ່ວມມືໃນດ້ານຕ່າງໆລະຫວ່າງ ນີວຊີແລນ ແລະ ສປປ ລາວ ໂດຍ ສະເພາະທ່ານໄດ້ຕົກລົງທີ່ຈະໃຫ້ ການຊ່ວຍເຫລືອມູນ ຄ່າ 5 ລ້ານ ໂດລານີວຊີແລນສຳລັບການສົ່ງ ເສີມດ້ານການທ່ອງທ່ຽວແບບ  ອະນຸລັກ ໃນໄລຍະ 5 ປີ ແລະ 1,5 ລ້ານໂດລາ ນີວຊີແລນສຳລັບເກັບກູ້ລະເບີດບໍ່ທັນແຕກໃນໄລຍະ 3 ປີ, ພ້ອມທັງເຫັນດີຈະສືບຕໍ່ໃຫ້ການຊ່ວຍເຫກລືອດ້ານການພັດ ທະນາຊັບພະຍາກອນມະນຸດ, ການສົ່ງເສີມການຄ້າ, ການລົງທຶນ ແລະ ຂົງເຂດອື່ນໆຕາມ ການສະເໜີຂອງຝ່າຍລາວ, ທັງ ນີ້ກໍເພື່ອເປັນການສືບຕໍ່ຜັນຂະ ຫຍາຍຜົນສຳເລັດຂອງການ ຢ້ຽມຢາມ ສປປ ລາວ ທາງລັດ ຖະກິດຂອງຜູ້ສຳເລັດຣາຊະການ ນີວຊີແລນ ໃນເດືອນສິງຫາ 2013 ທັງເປັນການສືບຕໍ່ຜັນຂະຫຍາຍ ຜົນຂອງກອງປະຊຸມເຈົ້າໜ້າທີ່ ອາວຸໂສອາຊຽນ-ນີວຊີ ແລນໃນ ເດືອນກຸມພາ 2014 ທີ່ຜ່ານມາ. ພ້ອມດຽວກັນນັ້ນ, ຝ່າຍນີວຊີ ແລນກໍໄດ້ສະແດງຄວາມຂອບ ໃຈມາຍັງ ສປປ ລາວ ໃນຖານະ ເປັນປະເທດປະສານງານອາ ຊຽນ-ນີວຊີແລນທີ່ໄດ້ເຮັດວຽກ ຢ່າງຫ້າວຫັນ ແລະ ສະແດງ ຄວາມເພິ່ງພໍໃຈ ຕໍ່ການຮ່ວມມືໃນໄລຍະຜ່ານມາພ້ອມທັງຢືນຢັນ ວ່ານີວຊີແລນໃນຖານະເປັນປະເທດຄູ່ຮ່ວມເຈລະຈາອາຊຽນຈະ ສືບຕໍ່ ໃຫ້ ການສະໜັບສະໜູນ ແລະ ຊ່ວຍເຫລືອອາຊຽນ ກໍຄື ສປປ ລາວ ຕໍ່ໄປໃນການກະກຽມເປັນປະທານອາຊຽນໃນປີ 2016. ນອກຈາກນັ້ນ, ທັງສອງຝ່າຍຍັງໄດ້ແລກປ່ຽນຄຳເຫັນ ກ່ຽວກັບບັນຫາສາກົນ ແລະ ພາກພື້ນທີ່ມີຄວາມສົນໃຈນຳກັນ.    ໃນ ຕອນບ່າຍຂອງວັນດຽວກັນ, ທ່ານລັດຖະມົນຕີຕ່າງປະເທດນີຊີແລນໄດ້ເຂົ້າຢ້ຽມຂຳ່ນັບທ່ານ ນາຍົກລັດຖະມົນຕີ ທອງສິງ ທຳ ມະວົງຢູ່ຫ້ອງວ່າການລັດຖະ ບານ ແລະ ເຂົ້າຢ້ຽມຂຳ່ນັບທ່ານ ປະເທດສະພາແຫ່ງຊາດປານີ ຢາທໍ່ຕູ້ ຢູ່ສະພາແຫ່ງຊາດ ນຳອີກ.