laophatthananewspaper: ລາວ-ສ.ຕວກກີ ລົງນາມບົດບັນທຶກການຮ່ວມມືຫລາຍດ້ານ

ໃນວັນທີ 18 ມີນານີ້, ຢູ່ສູນເຝິກອົບຮົມ ແລະ ຮ່ວມມືສາກົນ, ນະຄອນ ຫລວງວຽງຈັນ, ທ່ານ ບຸນເກີດ ສັງສົມສັກ ລັດຖະມົນຕີຊ່ວຍວ່າການກະຊວງການຕ່າງ ປະເທດລາວ, ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານ ເອີແມ ເອີຮ່ອນ (Omer ONHON) ຮອງຜູ້ຊ່ວຍລັດຖະມົນຕີວ່າການກະຊວງການຕ່າງປະເທດ ສ. ຕວັກກີ ພ້ອມຄະນະ ໂດຍສອງຝ່າຍໄດ້ປືກສາຫາລືການຮ່ວມມືເພື່ອຮັດແໜ້ນ ແລະ ເສີມຂະຫຍາຍການຮ່ວມມືໃຫ້ກວ້າງຂວາງຂຶ້ນຕື່ມ. ພ້ອມທັງຮ່ວມລົງນາມບົດບັນທຶກຄວາມເຂົ້າໃຈ MOU ວ່າດ້ວຍການຮ່ວມມືລະຫວ່າງ ທ່ານ ບຸນເກີດ ສັງສົມສັກ ລັດຖະມົນຕີຊ່ວຍວ່າການກະຊວງການຕ່າງ ປະເທດລາວ, ທ່ານ ຢົງ ຈັນທະລັງສີ ຫົວໜ້າສະຖາບັນການຕ່າງປະເທດກັບ ທ່ານ ເອີແມ ເອີຮ່ອນ ຮອງຜູ້ຊ່ວຍລັດຖະມົນຕີວ່າການກະຊວງການຕ່າງປະເທດ ສ.ຕວກກີ ໃນການຮ່ວມມືທາງດ້ານການເມືອງ, ເສດຖະກິດ, ການຄ້າ ແລະ ການພັດທະ ນາ, ລວມທັງການຮ່ວມມືທາງດ້ານຄວາມໝັ້ນຄົງ, ພະລັງງານ, ການປົກປັກຮັກສາສິ່ງແວດລ້ອມ, ວັດທະນາທຳ, ສຶກ ສາ ແລະ ທ່ອງທ່ຽວ, ວຽກງານກໍ່ສ້າງພະນັກງານທູດ, ການເຝິກອົບຮົມ ແລະ ການແລກປ່ຽນ ຂອງຄະນະຜູ້ແທນ, ຄູອາຈານຮ່ວມກັນ. ໂດຍຊ່ອງໜ້າເຂົ້າ ຮ່ວມເປັນສັກຂີພະຍານຂອງບັນດາພະນັກງານຂອງກະຊວງການຕ່າງປະເທດທັງສອງ ຝ່າຍ.

ໃນວັນດຽວກັນຍັງໄດ້ມີການຈັດປາຖະກະຖາໃນຫົວຂໍ້ : ນະໂຍບາຍການຕ່າງປະເທດ ສ. ຕວກກີ ແລະ ການຮ່ວມມືລະ ຫວ່າງ ສປປ ລາວ ແລະ ສ.ຕວັກກີ ໂດຍການບັນລະຍາຍຂອງ ທ່ານເອີແມ ເອີຮ່ອນ ຮອງຜູ້ຊ່ວຍລັດຖະມົນຕີວ່າການກະຊວງການຕ່າງປະເທດ ສ. ຕວກກີ, ມີບັນດາຄະນະສະຖາບັນ, ຄະນະກົມ, ຄະນະພະແນກ ແລະ ພະ ນັກງານວິຊາການກະຊວງ ແລະ ຂະແໜງອ້ອມຂ້າງສູນກາງທີ່ກ່ຽວຂ້ອງເຂົ້າຮ່ວມ.

ເພື່ອເປັນການສ້າງຄວາມຮັບຮູ້ ແລະ ເຂົ້າໃຈເຖິງນະໂຍບາຍການຕ່າງປະເທດຂອງ ສ.ຕວກກີ ທີ່ມີຕໍ່ບັນດາປະເທດຕ່າງໆໃນພາກພື້ນ ແລະ ສາກົນ. ທ່ານ ເອີແມ ເອີຮ່ອນໄດ້ຍົກໃຫ້ເຫັນການພົວພັນຮ່ວມມືສອງຝ່າຍລາວ-ຕວກກີ ໃນແຕ່ລະໄລ ຍະນັບຕັ້ງແຕ່ທັງສອງຝ່າຍປະເທດສ້າງຕັ້ງສາຍພົບພັນການທູດນຳກັນໃນປີ 1958. ການມາເຮັດວຽກ ແລະ ຢ້ຽມຢາມ ສປປ ລາວ ຂອງຄະນະຜູ້ແທນຂັ້ນສູງຂອງຕວັກກີຄັ້ງນີ້, ທັງນີ້ເພື່ອເສີມຂະ ຫຍາຍການພົວພັນຮ່ວມມືລະ ຫວ່າງກະຊວງການຕ່າງປະເທດ ຂອງ ສປປ ລາວ ແລະ ສ.ຕວກກີ ກໍຄືສອງສະຖາບັນລາວ-ຕວັກກີ ໃຫ້ນັບມື້ນັບແໜ້ນແກ່ນ, ຊອກຮູ້ບົດຮຽນ ແລະ ປະສົບການຊຶ່ງກັນ ແລະ ກັນ ໃນວຽກງານກໍສ້າງນັກການທູດອາຊີບ, ໂດຍສະເພາະແມ່ນວຽກງານການເຝິກອົບຮົມນັກການທູດ.

ວິທະຍາການທູດຕວັກກີ, ໄດ້ຖືກສ້າງຕັ້ງຂຶ້ນໃນປີ 1967 ຊຶ່ງຂຶ້ນກັບກະຊວງການາຕ່າງປະເທດ ສ.ຕວກກີ ຊຶ່ງມີຈຸດປະສົງໃນການກໍສ້າງນັກການທູດອາ ຊີບ ແລະ ພະນັກງານລັດຖະ ກອນທີ່ມາຈາກບັນດາສະຖາບັນຕ່າງໆຂອງລັດທີ່ເຮັດໜ້າທີ່ພົວ ພັນຕ່າງປະເທດ ແລະ ຄົ້ນຄວ້າບັນຫາພາກພື້ນ ແລະ ສາກົນ.