ຍົກ​ລະດັບ​ໃຫ້ຄູ​ເຝິກ​ປະ​ເມີນຜົນວິທະຍຸ​ຊຸມ​ຊົນ

     ໃນລະຫວ່າງວັນທີ 18-21 ມີນານີ້,​ ຕົວ​ແທນ​ຈາກ​ວິທະຍຸ 2 ແຂວງ​ພາກ​​ເໜືອ ​ແລະ 1 ​ແຂວງ​ພາກ​ໃຕ້ຄື: ແຂວງ ອຸດົມໄຊ, ຊຽງ ຂວາງ ແລະ ແຂວງເຊກອງ ກວ່າ 30 ຄົນໄດ້ເຂົ້າຮ່ວມເຝິກອົບຮົມຄູ ເຝິກກ່ຽວກັບການຕິດຕາມປະ ເມີນຜົນສຳລັບ ວິທະຍຸຊຸມຊົນຢູ່ສະຖາບັນສື່ມວນຊົນ ແລະ ວັດທະນະທຳນະຄອນຫລວງວຽງຈັນ. ໂດຍການເປັນປະທານກ່າວ ເປີດ ພິທີຂອງທ່ານ ປິ່ນປາຖະໜາ ພັນທະມາລີ ຫົວໜ້າ ກົມສື່ມວນຊົນກະຊວງຖະແຫລງຂາ່ວ, ວັດ ທະນະທຳແລະທອງທ່ຽວ, ທັງເປັນປະ ທານຊີ້ນຳແຜນງານສະໜັບສະໜູນສົ່ງເສີມການມີສ່ວນຮ່ວມ ແລະ ສື່ຊຸມຊົນ.

            ຕະຫລອດໄລຍະ 4 ວັນ ຜູ້ ເຂົ້າຮ່ວມຈະໄດ້ຮຽນຮູ້ບົດຮຽນ ຕ່າງໆຈາກວິທະຍາກອນຜູ້ຊ່ຽວຊຽນປະເທດເນປານ
ໂດຍສະເພາະການສະເໜີສັງເຂບກ່ຽວກັບຄວາມສຳຄັນຂອງການອົບຮົມ, ບັນດາຄຳສັບກ່ຽວກັບກາ ຕິດຕາມປະເມີນຜົນ,

ຄຸນລັກສະນະພື້ນຖານຂອງການຕິດຕາມປະເມີນຜົນ, ການວິເຄາະຄູ່ຮ່ວມ ພັດທະນາ, ຂະບວນການວັດປະເມີນຜົນ ແບບຄຸນນະພາບ, ການຄຸ້ມຄອງທີ່ເລັ່ງໃສ່ຜົນໄດ້ຮັບໃນການຕິດຕາມປະເມີນຜົນ, ຕົວຊີ້ບອກການຕິດຕາມປະເມີນຜົນ, ແຫລ່ງຂໍ້ມູນ ແລະ ການວິເຄາະຂໍ້ມູນ, ລວມທັງກອບວຽກຂອງການຕິດຕາມປະເມີນຜົນ, ເຄື່ອງມືເກັບກຳຂໍ້ມູນປະຈຳເດືອນ ຂອງວິທະຍຸຊຸມຊົນ ແລະ ແນວທາງການດຳເນີນງານຂອງວິທະຍຸຊຸມຊົນໃນອະນາຄົດ.

             ທ່ານ ປິ່ນປາຖະໜາ ພັນທະມາລີ ກ່າວວ່າ: ການເຝິກອົບຮົມຄັ້ງນີ້ມີຄວາມສຳຄັນຍິ່ງທີ່ບັນດາຄູເຝິກຈະໄດ້ຮັບ ການຖ່າຍຖອດບົດຮຽນກ່ຽວກັບຕິດຕາມປະເມີນຜົນສຳລັບວິທະຍຸຊຸມຊົນຈາກຊ່ຽວຊານຕ່າງປະເທດຊຶ່ງ ວຽກງານນີ້ກໍເປັນ ກະບອກສຽງສຳຄັນຂອງພັກ-ລັດຖະບານ ໃນ ການສະເໜີຂໍ້ມູນຂ່າວສານກ່ຽວກັບການສ້າງສາພັດທະນາເສດຖະກິດ-ສັງ ຄົມລົງສູ່ຊຸມຊົນເຂດຫ່າງໄກສອກຫລີກໃຫ້ທົ່ວເຖິງ. ວຽກງານການຕິດຕາມປະເມີນຜົນເປັນເຄື່ອງມືໃນການຄຸ້ມຄອງບໍລິ ຫານທີ່ມີຄວາມເຂັ້ມແຂງໄວ້ໃຈໄດ້ທັງເປັນຕົວຊີ້ທິດໃຫ້ແກ່ທີມງານຄຸ້ມຄອງ ແລະ ຜູ້ມີອຳນາດຕັດສິນໃຈໂດຍຜ່ານຂໍ້ມູນ ແລະ ຫລັກຖານຕ່າງໆທີ່ໄດ້ມາຈາກການຕິດຕາມເພື່ອປະຕິບັດວຽກງານທີ່ເປັນປົກກະຕິ ແລະ ການປະເມີນຜົນຕາມແຕ່ລະໄລຍະ ຊຶ່ງຈະເປັນປະໂຫຍດຕໍ່ການດັດແກ້ການວັດຜົນ ແລະ ການລິເລີ່ມແຜນງານໃໝ່.