ໃນກອງປະຊຸມ, ບັນດາຜູ້ເຂົ້າຮ່ວມໄດ້ຮັບຟັງການສະເໜີພ້ອມທັງປະກອບຄຳຄິດຄຳເຫັນໃສ່ແຜນແມ່ບົດ
ແລະ ບົດປະ ເມີນຜົນກະທົບເບື້ອງຕົ້ນພ້ອມດ້ວຍນິຕິກຳທີ່ກ່ຽວຂ້ອງ, ເປັນຕົ້ນບົດວິພາກເສດຖະກິດ-ເຕັກນິກ,
ນະໂຍບາຍ ແລະ ການ
ຄຸ້ມຄອງເຂດເສດຖະກິດພິເສດ, ການພັດທະນາ ແລະ ດຶງດູດການລົງທຶນ, ແຜນການເງິນສ້າງພື້ນຖານໂຄງລ່າງເພື່ອໃຫ້
ມີເນື້ອໃນຄົບຖ້ວນສົມບູນກ່ອນຈະສະຫລຸບລາຍງານໃຫ້ແກ່ລັດຖະບານເພື່ອຂໍທິດຊີ້ນຳ. ຊຶ່ງໂຄງການພັດທະນາເຂດທ່ອງ
ທ່ຽວດອນໂຂງຄອນ ພະເພັງ ກວມເນື້ອທີ່ 7.075 ເຮັກ ຕາ, ແບ່ງອອກເປັນ 4 ເຂດຄື: ເຂດ A ມີເນື້ອທີ່
480 ເຮັກຕາ, ເຂດ B ມີ 797 ເຮັກຕາ, ເຂດ C ມີ 2.120 ເຮັກຕາ ແລະ ເຂດ D ມີ ເນື້ອທີ່
3.678 ເຮັກຕາ. ການພັດ ທະນາເຂດ ຕົວເມືອງທ່ອງທ່ຽວດອນໂຂງຄອນພະເພັງ ແມ່ນອີງຕາມແຜນຍຸດທະສາດການພັດ
ທະນາເຂດເສດຖະກິດພິເສດ ແຕ່ນີ້ ຮອດປີ 2020, ແຜນພັດທະນາເສດຖະກິດ-ສັງຄົມຂອງ ແຂວງຈຳປາສັກ,
ແຈ້ງການຂອງຄະນະເລຂາທິການລັດຖະ ບານສະບັບເລກທີ 2171/ຄລບ, ລົງວັນທີ 23 ພະຈິກ 2009 ແລະ
ໜັງສືສະເໜີຂອງເຈົ້າແຂວງຈຳປາສັກ ສະບັບເລກ ທີ 013/ ຈຂ.ຈສ ລົງວັນທີ 30 ມັງກອນ 2004 ເພື່ອພັດທະນາໃຫ້ເປັນ
ເມືອງໃໝ່ທີ່ທັນສະໄໝຕິດພັນກັບທຳມະຊາດ ແລະ ວັດທະນະທຳ ທີ່ອຸດົມສົມບູນຂອງລາວໃຕ້ກໍຄື ແຂວງຈຳປາສັກ,
ເປັນບ່ອນດຶງດູດການລົງທຶນຈາກພາຍໃນ ແລະ ຕ່າງປະ ເທດເຂົ້າໃນຂະແໜງການຕ່າງໆເປັນຕົ້ນ: ການ
ທ່ອງທ່ຽວ, ການຄ້າ, ການບໍລິການ, ການຂົນສົ່ງ ແລະ ກິດຈະການອື່ນໆ ທີ່ຕິດພັນກັບທ່າແຮງດ້ານທີ່ຕັ້ງ,
ຂອບເຂດໂດຍນຳໃຊ້ນະໂຍບາຍພິເສດຂອງເຂດເສດຖະກິດພິເສດເປັນຕົວຍູ້ແຮງການພັດ ທະນາໃຫ້ເປັນຕົວເມືອງໃນຊົນນະບົດໂດຍສະເພາະແມ່ນນະໂຍບາຍການຄຸ້ມຄອງແບບພິ
ເສດໂດຍນຳໃຊ້ກົນໄກໜ່ວຍບໍລິ ຫານນ້ອຍ-ສັງຄົມກວ້າງເປັນປະຕູດຽວບໍລິການພາຍໃນເຂດດັ່ງ ກ່າວ
ແລະ ສ້າງຄວາມເຂັ້ມແຂງໃຫ້ແກ່ທ້ອງຖິ່ນຕາມທິດ 3 ສ້າງ ທັງສ້າງວຽກເຮັດງານທຳໃຫ້ແກ່ປະຊາຊົນໃນເຂດທ້ອງຖິ່ນດັ່ງກ່າວໃຫ້ມີອາຊີບ
ແລະ ລາຍໄດ້ທີ່ໝັ້ນຄົງ ເພື່ອແກ້ ໄຂຄວາມທຸກຍາກ.
No comments:
Post a Comment