ໂຮງໝໍແມ່ ແລະ ເດັກ ໄດ້ຮັບໃບຢັ້ງຢືນໜ່ວຍພັກແຂງ-ຮູ້ນຳພາຮອບດ້ານສະໄໝທີ III.

     ໃນວັນທີ 13 ມີນານີ້, ຢູ່ໂຮງໝໍແມ່ ແລະ ເດັກນະຄອນຫລວງວຽງຈັນໄດ້ມີພິທີ ມອບໃບຢັ້ງຢືນໜ່ວຍພັກແຂງ-ຮູ້ນຳພາ ຮອບດ້ານສະໄໝທີ III ໃຫ້ໜ່ວຍ ພັກໂຮງ ໝໍດັ່ງກ່າວໂດຍການເຂົ້າຮ່ວມ ແລະ ມອບໃບຢັ້ງຢືນຂອງ ສະຫາຍ ແສງຈ້ອຍ ປັນຍາວົງ ຄະນະພັກ, ຫົວໜ້າກົມຈັດຕັ້ງກະຊວງສາທາລະນະສຸກ, ສະຫາຍ ດຣ. ນາງ ຄຳເສດ ຈິດຕະວົງ ເລຂາໜ່ວຍພັກ, ສະຫາຍ ຮອງສາ ສະດາຈານ ດຣ. ບົວວັນ ແສນສະຖິດ ຮອງເລຂາໜ່ວຍພັກ, ອຳນວຍການໂຮງໝໍແມ່ ແລະ ເດັກ ພ້ອມສະມາ ຊິກພັກຂອງໂຮງໝໍ ດັ່ງກ່າວເຂົ້າຮ່ວມຢ່າງພ້ອມ ພຽງ.

      ໜ່ວຍພັກໂຮງໝໍແມ່ ແລະ ເດັກແມ່ນຂຶ້ນກັບອົງຄະນະພັກກະຊວງສາທາລະນະສຸກ, ມີບົດບາດຊີ້ນຳ-ນຳພາການ ຈັດຕັ້ງລັດ ເຮັດໜ້າທີ່ບໍລິການກວດພະຍາດ, ບົ່ງມະຕິ, ປິ່ນປົວສຸຂະພາບແມ່ ແລະ ເດັກໃນທົ່ວປະເທດໃຫ້ມີ ຄຸນນະພາບ, ມີ

ສະມາຊິກພັກທັງໝົດ 27 ສະຫາຍ, ຍິງ 17 ສະຫາຍ ແລະ ໃນໜຶ່ງປີຜ່ານມາ, ໜ່ວຍພັກໄດ້ສຸມໃສ່ປັບປຸງເພື່ອຍົກສູງ ຄຸນນະພາບການປິ່ນປົວໂດຍຖືເອົາການສຶກສາອົບຮົມແນວຄິດຂອງສະມາຊິກພັກໃຫ້ເປັນຜູ້ນຳ ພາມະຫາຊົນລົງເລິກດ້ານວິຊາ ສະເພາະແບບແຜນການດຳລົງຊີວິດ, ວິທີເຮັດວຽກ ແລະ ແລກປ່ຽນບົດຮຽນດ້ານວິຊາການນຳກັນຈົນສາມາດເຮັດໃຫ້ ປະຊາຊົນ ກໍຄືສັງຄົມມີຄວາມພໍໃຈ ແລະ ເຊື່ອໝັ້ນໃນການບໍລິການນັບມື້ເພີ່ມຂຶ້ນ ເຊິ່ງສະແດງອອກຄືມີຜູ້ ມາກວດເຂດນອກ 65 ພັນກວ່າ ເທື່ອຄົນ, ຄົນເຈັບນອນໃນ 6 ພັນກວ່າຄົນ, ຜ່າຕັດ 1 ພັນກວ່າ ຄົນ, ຈຳນວນເກີດລູກ 4.900 ກວ່າຄົນ ໃນນີ້ຜ່າຕັດອອກ 1 ພັນ ກວ່າຄົນ. ນອກຈາກນີ້ຍັງໄດ້ປະ ຕິບັດນະໂຍບາຍຕໍ່ຄົນເຈັບທຸກ ຍາກເປັນມູນຄ່າ 28 ລ້ານກວ່າ ກີບ ລວມທັງເອົາໃຈໃສ່ກໍ່ສ້າງ, ບຳລຸງຍົກລະດັບໃຫ້ແກ່ພະນັກ ງານພາຍໃນໂຮງໝໍ ແລະ ຕ່າງ ແຂວງທັງໃນໄລຍະສັ້ນ ແລະ ໄລ ຍະຍາວເພື່ອຮັບປະກັນໃຫ້ການ ກວດສຸຂະພາບ ແລະ ການປິ່ນ ປົວຄົນເຈັບຂອງແພດໝໍມີຄຸນນະພາບດີຂຶ້ນເທື່ອລະກ້າວ.