ສະມາຄົມນັກທຸລະກິດໜຸ່ມລາວຮ່ວມກັບສູນກາງຊາວໜຸ່ມປະຊາຊົນປະຕິວັດລາວ,
ຈະຈັດກອງປະຊຸມພົບປະລະ ຫວ່າງທະນາຄານ ແລະ ນັກທຸລະກິດໃນ ຫົວຂໍ້ “ການສ້າງ ຄວາມ ພ້ອມໃຫ້ແກ່ນັກທຸລະກິດລາວກ້າວສູ່ປະຊາຄົມເສດຖະກິດ
ອາຊຽນ AEC” ໃນວັນທີ 28 ມີນາທີ່ຈະເຖິງນີ້, ຢູ່ຫໍປະຊຸມແຫ່ງຊາດ ແລະ ພິທີຖະ ແຫລງຂ່າວໄດ້ມີຂຶ້ນໃນວັນທີ
18 ມີນາ ນີ້, ຢູ່ສູນກາງຊາວໜຸ່ມປະຊາຊົນປະຕິວັດລາວ, ໂດຍທ່ານ ນາງ ວາລີ ເວດສະພົງ ປະທານສະມາຄົມ ນັກທຸລະກິດໜຸ່ມ, ທ່ານ ອາລຸນໄຊ ສຸນນະລາດ ຫົວໜ້າຫ້ອງການສູນກາງຊາວໜຸ່ມປະຊາ ຊົນປະຕິວັດລາວ.
ທ່ານນາງ ນາລີ ເວດສະພົງ ກ່າວວ່າ: ກອງປະຊຸມດັ່ງກ່າວຈະນຳສະເໜີຫົວຂໍ້ທີ່ໃຫ້ປະ ໂຫຍດແກ່ນັກທຸລະກິດ ລາວ, ປຶກ ສາຫາລື ແລະ ຖາມຕອບລະຫວ່າງຜູ້ປະກອບການ
ແລະ ພາກສ່ວນທະນາຄານກ່ຽວກັບ ຊ່ອງ ທາງຕ່າງໆທີ່ຈະເຂົ້າຫາແຫລ່ງທຶນເປັນຕົ້ນແມ່ນເຄັດລັບການກຽມໂຕເພື່ອສະໝັກຂໍເປັນລູກຄ້າສິນເຊື່ອຂອງທະນາ ຄານ,
ເງື່ອນ ໄຂຂອງຜູ້ປະກອບ ການທີ່ຈະສາມາດນຳໃຊ້ແຫລ່ງທຶນດອກເບ້ຍຕ່ຳ, ພ້ອມດຽວກັນນີ້ບັນດາຜູ້ປະກອບການ
ທຸລະກິດຂະໜາດກາງ
ແລະ ນ້ອຍ (SME) ຂອງ ລາວຍັງຈະໄດ້ປະກອບຄຳຄິດ ເຫັນ ແລະ ແລກປ່ຽນປະສົບ ການນຳຜູ້ ຊ່ຽວຊານດ້ານທຸລະກິດ
SME ແລະ ຍັງຈະໄດ້ຮັບ ຮູ້ນະໂຍບາຍການສະໜັບສະໜູນທຸລະກິດຂະໜາດນ້ອຍ ແລະ ກາງ ຂອງພາກລັດໃນຮູບແບບຕ່າງໆເພື່ອສ້າງ
ຄວາມເຂັ້ມແຂງໃຫ້ SME ໃນການກຽມຄວາມພ້ອມການເຊື່ອມໂຍງປະຊາຄົມເສດ ຖະກິດອາຊຽນນອກນີ້ ພາຍ ໃນງານຍັງມີ
ການນຳສະເໜີ ແລະ ວາງສະແດງຜະລິດຕະພັນຂອງທະນາຄານ ແລະ ກອງປະຊຸມ ດັ່ງກ່າວຈະເປັນໂອກາດດີໃນການກະກຽມ
ຄວາມພ້ອມໃຫ້ຜູ້ປະກອບການທຸລະກິດຂະໜາດນ້ອຍ ແລະ ກາງໄດ້ມີຄວາມຮູ້ ກ່ຽວກັບການເຂົ້າຫາແຫລ່ງທຶນເພື່ອພັດທະນາທຸລະກິດຕົນເອງກ້າວເຂົ້າສູ່ປະຊາຄົມເສດຖະກິດອາຊຽນໄດ້ຢ່າງມີປະສິດ ທິພາບຍິ່ງຂຶ້ນ.
No comments:
Post a Comment