ເກີດໄຟໄໝ້ເຮືອນຫ້ອງແຖວເຂດບ້ານໜອງດ້ວງເມືອງສີໂຄດຕະບອງ

           ເຈົ້າໜ້າທີ່ສະກັດກັ້ນ ແລະ ຕ້ານອັກຄີໄພນະຄອນຫລວງ ວຽງຈັນ ລາຍງານໃຫ້ຮູ້ວ່າ: ໃນ ເວລາປະມານ 10:00 ໂມງ ຂອງວັນທີ 19 ມີນານີ້, ໄດ້ເກີດເຫດ ໄຟໃໝ້ເຮືອນຫ້ອງແຖວຊັ້ນດຽວແຄມທາງໃນເຂດບ້ານໜອງດ້ວງ, ເມືອງສີໂຄດຕະ ບອງ, ນະຄອນຫລວງວຽງຈັນ, ເຊິ່ງທ້າວ ຄຳຜາງ ອາຍຸ 51 ປີ ເປັນເຈົ້າຂອງແຕ່ໃຫ້ຄົນເຊົ່າຂາຍສີນຄ້າປະເພດອາໄຫລ່ລົດ ໃຫຍ່, ສ້ອມແປງລົດ, ຕັດແກ້ວ, ແຕ້ມປ້າຍ ແລະ ຂາຍເຄື່ອງຍ່ອຍຕ່າງໆມີທັງໝົດ 6 ຫ້ອງ, ໂດຍສາເຫດ ຂອງອັກຄີໄພຄັ້ງນີ້ ແມ່ນເກີດຈາກໄຟຟ້າຊອດຢູ່ເທິງເພດານຂອງອາຄານ ແລະ ໄຟໄດ້ລຸກລາມໄໝ້ຢ່າງໄວວາເຊິ່ງເຈົ້າໜ້າ ທີ່ມອດໄຟໃຊ້ເວລາປະ ມານ 1 ຊົ່ວໂມງຈຶ່ງສາມາດຄວບຄຸມເພີງໄວ້ໄດ້, ສ່ວນອາ ຄານຫ້ອງແຖວດັ່ງກ່າວແມ່ນຖືກໄຟເຜົາຜານໝົດກ້ຽງ ແລະ ມູນຄ່າ ຄວາມເສຍຫາຍຢູ່ໃນຂັ້ນຕອນການປະເມີນຕໍ່ໄປ.