ຊາວໜຸ່ມຈຳນວນໜຶ່ງຊົມໃຊ້ສື່ອອນລາຍໄປໃນທາງບໍ່ເໝາະສົມ

      ຄືຮູ້ນຳກັນແລ້ວວ່າ: ເຕັກໂນໂລຊີລະບົບຂໍ້ມູນຂ່າວສານປັດຈຸບັນນີ້ແມ່ນມີ ຄວາມທັນສະໄໝ ແລະ ຫລາຍຮູບແບບອັນ ໄດ້ຊ່ວຍໃຫ້ການຕິດຕໍ່ຂອງຄົນໃນ ສັງຄົມມີຄວາມສະດວກວ່ອງໄວ ຢ່າງບໍ່ມີຂີດຈຳກັດ, ໜຶ່ງໃນນັ້ນກໍແມ່ນສື່ສັງຄົມ ອອນລາຍ (Social Media) ເນື່ອງຈາກວ່າສື່ຮູບແບບນີ້ແມ່ນຊົມໃຊ້ຢ່າງງ່າຍດາຍ ແລະ ເກືອບວ່າຄົນທຸກເພດໄວ ກໍສາມາດໃຊ້ໄດ້ພຽງ ແຕ່ມີໂທລະສັບມືຖື ຫລື ອຸປະກອນທີ່ສາມາດຮອງຮັບລະບົບອິນເຕີເນັດກໍແມ່ນສາມາດຮັບຮູ້ຂໍ້ມູນ ຫລື ເຜີຍແຜ່ຂ່າວສານ ຜ່ານໂລກສື່ອອນລາຍ ດັ່ງກ່າວໄດ້. ແນວໃດກໍຕາມ, ຄຽງຄູ່ກັບດ້ານດີມັນກໍມີດ້ານລົບຕາມມາເຊັ່ນກັນເຊິ່ງຕົ້ນຕໍ່ກໍ ແມ່ນເກີດ ຈາກກະໂຕຂອງ ຜູ້ຊົມໃຊ້ ແລະ ປັດຈຸບັນນີ້ ກໍເຫັນວ່າ ໄວໜຸ່ມຊາວໜຸ່ມລາວຈຳນວນໜຶ່ງກໍພວມນຳໃຊ້ເຄື່ອງມືນີ້ໄປ ໃນທາງທີ່ບໍ່ເໝາະສົມ, ເປັນຕົ້ນນຳໃຊ້ສື່ອອນລາຍໃນການເຜີຍແຜ່ຮູບພາບລາມົກອານາຈານເພີ່ມຂຶ້ນ, ມີການສະແດງຄຳຄິດ ຄຳເຫັນທີ່ບໍ່ເໝາະ ສົມຢາບຄາຍ, ໃຊ້ເປັນເວທີໃສ່ຮ້າຍປ້າຍສີເຊິ່ງກັນ ແລະ ກັນລວມໄປເຖິງການນຳໃຊ້ເພື່ອສະແຫວງຫາ ຜົນປະໂຫຍດແບບ ບໍ່ຊອບທຳ, ຕົວະຍົວະຫລອກລວງ ແລະ ອື່ນໆ, ເຊິ່ງບໍ່ດົນມານີ້ກໍສະແດງໃຫ້ເຫັນແລ້ວໃນພຶດຕິກຳຂອງໄວ ໜຸ່ມຍິງຄົນ ໜຶ່ງທີ່ຖ່າຍວີດີໂອຕົນເອງເວົ້າກ່ຽວກັບເລື່ອງສ່ວນຕົວທີ່ບໍ່ເໝາະສົມ ແລະ ອີກຫລາຍກໍລະ ນີທີ່ມີຮູບຖ່າຍຂອງ ໄວໜຸ່ມ ຍິງ-ຊາຍກອດຈູບກັນ ແລະ ເມື່ອມໍ່ໆນີກໍມີພາບນັກສຶກສາຍິງຄົນໜຶ່ງ ຂອງມະຫາວິທະຍາໄລແຫ່ງໜຶ່ງຢູ່ນະຄອນ ຫລວງວຽງຈັນຖືກ ເຜີຍແຜ່ໃນສື່ອອນລາຍນອນເປືອຍກາຍສ່ວນເທິງຢູ່ຕຽງແຫ່ງໜຶ່ງ ແລະ ອື່ນໆ ອັນກໍໃຫ້ເກີດມີສຽງ ວິພາກວິຈານຈາກສັງຄົມເຖິງພຶດຕິກຳອັນບໍ່ເໝາະສົມດັ່ງກ່າວເປັນຈຳນວນບໍ່ໜ້ອຍ. ນີ້ກໍເນື່ອງມາຈາກຜູ້ໃຊ້ສື່ອອນລາຍຢູ່ ປະເທດເຮົສ່ວນໜຶ່ງຍັງຮູ້ເທົ່າບໍ່ເຖິງການ,ຄິດພຽງແຕ່ຄວາມມ່ວນຊື່ນສະໜຸກເຮຮາ ໂດຍບໍ່ຄຳນຶງເຖິງຈັນ ຍາບັນຂອງຕົນເອງ ສ້າງຜົນສະທ້ອນອັນບໍ່ດີຕາມມາ.