ສິ່ງທ້າທາຍໃນການສຳຫລວດພົນລະເມືອງ ແລະ ທີ່ຢູ່ອາໄສ

      ການສຳຫລວດພົນລະເມືອງ ແລະ ທີ່ຢູ່ອາໄສ ທົ່ວປະເທດຄັ້ງທີ IV ປີ 2015 ຈະໄດ້ເລີ່ມຈັດຕັ້ງປະ ຕິບັດໃນວັນ ທີ 1 ມີນາ 2015 ນັ້ນ ຍັງມີສິ່ງທ້າທາຍຫລາຍດ້ານເປັນຕົ້ນ:ງົບປະມານບໍ່ພຽງພໍ, ພະນັກ ງານທີ່ຈະຈັດຕັ້ງປະຕິບັດມີຈຳກັດ ໂດຍ ສະເພາະຢູ່ໃນລະດັບ ແຂວງ ແລະ ເມືອງ ພ້ອມກັນນີ້ ກໍຍັງຕ້ອງການການຊ່ວຍເຫລືອດ້ານວິຊາການໃນການສຳຫຼວດ.

      ທ່ານ ດຣ ສະໄໝຈັນ ບຸບຜາ ຫົວໜ້າສູນສະຖິຕິແຫ່ງຊາດ, ກະ ຊວງແຜນການ ແລະ ການລົງ ທຶນ, ທັງເປັນຄະນະຊີ້ນຳ ການສຳຫລວດພົນລະເມືອງ ແລະ ທີ່ຢູ່ອາໄສໄດ້ໃຫ້ຮູ້ໃນກອງປະຊຸມແຫ່ງຊາດເພື່ອລະດົມການຮ່ວມມືໃນການຈັດຕັ້ງ ປະຕິ ບັດການສຳຫລວດພົນລະເມືອງ ແລະ ທີ່ຢູ່ອາໄສ ຄັ້ງທີ IV ປີ 2015 ກ່ຽວ ກັບສະພາບລວມຂອງການສຳຫລວດພົນລະ ເມືອງ ແລະ ທີ່ຢູ່ອາໄສ, ຜົນສຳເລັດ ແລະ ສິ່ງ ທ້າທາຍໂດຍທ່ານໄດ້ຍົກໃຫ້ເຫັນບາງເນື້ອໃນສຳຄັນວ່າ: ສປປ ລາວ ໄດ້ດຳເນີນ ການສຳຫລວດພົນລະເມືອງ ແລະ ທີ່ຢູ່ອາໄສ ທຸກໆ 10 ປີ ໂດຍ ອີງໃສ່ກົດໝາຍ ວ່າດ້ວຍສະຖິຕິ ແລະ ໄດ້ດຳເນີນການສຳ ຫລວດມາແລ້ວ 3 ຄັ້ງຄື: ຄັ້ງທຳອິດໃນປີ 1985, ຄັ້ງທີ 2 ປີ 1995 ແລະ ຄັ້ງທີ 3 ປີ 2005 ໂດຍ ແມ່ນສູນສະຖິຕິແຫ່ງ ຊາດກະຊວງແຜນການ ແລະ ການລົງທຶນເປັນຜູ້ຈັດຕັ້ງປະຕິບັດ, ຊຶ່ງການສຳຫລວດດັ່ງກ່າວນີ້ເປັນ ແຫລ່ງດຽວຂອງຂໍ້ມູນ

ທີ່ສາມາດເຫັນພາບໃດ້ທີ່ສົມບູນຂອງປະຊາຊົນລາວໃນການສ້າງແຜນພັດ ທະນາເສດຖະກິດ-ສັງຄົມຄັ້ງທີ VIII ຊຶ່ງເປັນບູ ລິມະສິດຂອງການພັດທະນາປະເທດຊາດ, ເປັນແຫລ່ງຂໍ້ມູນທີ່ສຳຄັນໃນປະເທດສຳລັບການວາງແຜນ, ການຕິດຕາມ, ການ ຕັດສິນໃຈ, ການສ້າງນະໂຍບາຍດ້ານປະຊາກອນ, ການດຳເນີນທຸລະກິດ, ການຕະຫລາດ, ຂະແໜງອຸດສາ ຫະກຳ, ແຮງງານ ແລະ ອື່ນໆ.

     ພາຍຫລັງສຳເລັດການສຳ ຫລວດພົນລະເມືອງ ແລະ ທີ່ຢູ່ອາໄສທົ່ວປະເທດຄັ້ງທີ IV ປີ 2015 ແລ້ວ ຈະສາມາດສະ ໜອງຂໍ້ມູນເຂົ້າໃນການວາງແຜນລະ ດັບຊາດ, ສະໜອງຕົວຊີ້ວັດພື້ນຖານສຳລັບການສ້າງແຜນພັດທະນາເສດຖະກິດ-ສັງຄົມ ຄັ້ງທີ VIII ແລະ ຕິດຕາມບັນດາໂຄງ ການພັດທະນາຂອງລັດເຖະບານກ່ຽວກັບການສຶກສາ, ສຸຂະພາບ, ທີ່ຢູ່ອາໄສ ແລະ ອື່ນໆ, ສະໜອງຕົວຊີ້ວັດການຕິດຕາມຄວາມຄືບໜ້າຂອງເປົ້າໝາຍສະຫັດສະວັດດ້ານການພັດທະນາ, ເຮັດໃຫ້ປະເທດມີ ໂອກາດໃນການປັບປຸງການເລືອກຕົວຢ່າງລະດັບປະເທດ, ພ້ອມນີ້ ຍັງເປັນຂໍ້ມູນພື້ນຖານໃຫ້ແກ່ການສຳຫລວດ ຕ່າງໆ ແລະ ການວາງແຜນນະໂຍບາຍຕໍ່ການພັດທະນາຊັບພະຍາກອນມະນຸດ.