ນະຄອນຫຼວງວຽງຈັນຕັ້ງໜ່ວຍງານສະເພາະກິດເລັ່ງສືບສວນສາເຫດໄຟໄໝ້ຕະຫຼາດທົ່ງຂັນຄຳ

ພາຍຫຼັງເກີດເຫດໄຟໄໝ້ຕະຫຼາດທົ່ງຂັນຄຳໃນຕອນຄ່ຳວັນທີ 26 ມີນານີ້ ອັນໄດ້ສ້າງຄວາມແຕກຕົກໃຈ ແລະ ສົ່ງຜົນຜົນເສຍຫາຍເປັນຈຳນວນຫຼວງຫຼາຍ ໃຫ້ແກ່ຊາວຄ້າ ຂາຍຊຶ່ງມາຮອດປັດຈຸບັນກໍຍັງບໍ່ທັນຮູ້ວ່າສາເຫດພາໃຫ້ ເກີດອັກຄີ ໄຟຄັ້ງນີ້ ແມ່ນຍ້ອນຫຍັງ, ແຕ່ເຖິງຢ່າງໃດອຳ ນາດການປົກຄອງນະຄອນຫຼວງ ວຽງຈັນ, ກໍໄດ້ແຕ່ງຕັ້ງ ຄະນະຮັບຜິດຊອບ ແລະ ໜ່ວຍງານສະເພາະກິດເພື່ອເລັ່ງ ສືບສວນ-ສອບສວນຫາສາເຫດເກີດອັກຄີໄພ.

         ທ່ານ ສາຍທອງ ແກ້ວດວງດີ ຮອງເຈົ້າຄອງນະຄອນຫຼວງວຽງຈັນຜູ້ຊີ້ນຳລວມຄະນະຮັບຜິດຊອບແກ້ໄຂອັກຄີໄພຄັ້ງນີ້ ກ່າວຕໍ່ສື່ມວນຊົນວ່າ: ເຫດສູນເສຍທີ່ບໍ່ເພິ່ງປາດຖະໜານີ້ເກີດຂຶ້ນໃນເວລາປະມານ 19 ໂມງ ຊຶ່ງເປັນຊ່ວງເວລາທີ່ຊາວຄ້າ ຂາຍ ທະຍອຍກັນປິດຮ້ານ ແລະ ກັບບ້ານເຮືອນຂອງໃຜລາວກ່ອນຈະເກີດອັກຄີໄພ ແລະ ເຫດ ໄຟໄໝ້ຄັ້ງນີ້ເປັນອັກຄີໄພທີ່ຮ້າຍ ແຮງທີ່ສຸດໃນນະຄອນຫຼວງວຽງຈັນ, ຜົນໃຫ້ຫ້າງຮ້ານຂາຍເຄື່ອງ ຕ່າງໆຫຼາຍກວ່າ 300 ຫ້ອງຖືກ ໄຟເຜົາກ້ຽງ, ໂດຍສ່ວນ

ໃຫຍ່ເປັນຮ້ານຂາຍເຄື່ອງແຫ້ງ, ເກີບ, ເສື້ອຜ້າ, ສ່ຳອາງ ແລະ ເຄື່ອງອຸ ປະໂພກ, ບໍລິໂພກອື່ນໆອີກ, ຊຶ່ງເປັນຕະຫຼາດໃຫຍ່ອັນ ດັບສອງໃນນະຄອນຫຼວງວຽງຈັນຖັດ ຈາກຕະຫຼາດເຊົ້າລົງມາ. ຊຶ່ງ ເຈົ້າໜ້າທີ່ຕ້ອງໃຊ້ກຳລັງລົດນ້ຳຫຼາຍເຖິງ 30 ຄັນ ຈາກ ກອງສະກັດກັ້ນ ແລະ ມອດໄຟນະຄອນ ຫຼວງວຽງຈັນ, ກົມຕຳຫຼວດ ຫຼວດມອດໄຟ, ກອງມອດໄຟ ສະໜາມບິນ, ນ້ຳປະປາ ແລະ ກອງທະຫານນະຄອນຫຼວງເພື່ອລະດົມສີດນ້ຳມອດໄຟ ແລະ  ສະ ກັດກັ້ນບໍ່ໃຫ້ໄຟບໍ່ໃຫ້ແຜ່ລາມອອກວົງກວ້າງ, ແຕ່ ເຖິງຢ່າງໃດຕ້ອງໃຊ້ເວລາຫຼາຍກວ່າ 4 ຊົ່ວໂມງຈຶ່ງສາມາດຄວບຄຸມເພີງ, ປັດຈຸບັນນີ້ກຳລັງເຈົ້າໜ້າທີ່ພວມ ຮີບຮ້ອນເກັບກຳ ຂໍ້ມູນຫຼັກຖານໃນທີ່ເກີດເຫດພ້ອມທັງສືບສວນ-ສອບສວນຜູ້ເຫັນເຫດການຊຶ່ງມີຈຳນວນ 5 ຄົນຢູ່ບ່ອນເກີດ ເຫດຄື: ທ້າວ ຄຳເຫຼັກ ພົມມະຈິດ ເຈົ້າໜ້າທີ່ປ້ອງກັນຕະຫຼາດດັ່ງ ກ່າວ ໃຫ້ການເບື້ອງຕົ້ນວ່າ: ພາຍ ຫຼັງຕະຫຼາດປິດລົງຕົນເອງກໍໄດ້ ເລາະ ກວດກາ ຄວາມເປັນລະບຽບຮຽບຮ້ອຍພາຍໃນ ແລະ ຂະ ນະນັ້ນເວລາປະມານ 19 ໂມງ ໄດ້ເຫັນໄຟລຸກໄໝ້ຂຶ້ນຢູ່ເຂດຮ້ານ ຂາຍເຄື່ອງກອງບຸນຫຼັງຈາກນັ້ນ ຕົນເອງກໍໄດ້ເອົາບັ້ງມອດໄຟມາມອດ ແລະ ມີໝູ່ປ້ອງກັນຕະຫຼາດ ນຳກັນກໍໄດ້ມາຊ່ວຍດັບ ມອດແຕ່ບໍ່ ເປັນຜົນ, ພຽງບ່ໍຮອດ 5 ນາທີ, ໄຟໄໝ້ແຮງຂຶ້ນ ແລະ ລາມໄປຫຼາຍຮ້ານກ່ອນລົດມອດໄຟຈະມາເຖິງ.

         ທ່ານ ຮອງເຈົ້າຄອງນະ ຄອນຫຼວງວຽງຈັນ ໃຫ້ຮູ້ວ່າ: ຕະ ຫຼາດທົ່ງຂັນຄຳເປັນຕະຫຼາດທີ່ ເກົ່າແກ່ສ້າງຂຶ້ນມາ 20 ກວ່າ ປີແລ້ວພາຍຫຼັງຍົກຍ້າຍຈາກຕະ ຫຼາດໜອງດ້ວງໃນເມື່ອກ່ອນ ແລະ ໄດ້ໃຫ້ນັກທຸລະກິດສຳປະທານ ຮອດປີ 2014 ນີ້ແມ່ນ ໝົດສັນຍາສຳປະທານ, ຊຶ່ງນະຄອນ ຫຼວງວຽງຈັນ ໄດ້ມີແຜນຈະປັບ ປຸງ ແລະ ພັດທະນາຕະຫຼາດດັ່ງກ່າວເປັນຕະຫຼາດທີ່ມີ ມາດຕະຖານ ແລະ ສີວິໄລ, ທ່ານ ຮອງ ເຈົ້າຄອງເວົ້າວ່າ: ການຊ່ວຍເຫຼືອໃນເບື້ອງຕົ້ນແມ່ນຈະໄດ້ຈັດສັນໃຫ້ຊາວຄ້າຂາຍໄປ ຂາຍເຄື່ອງໃນຕະຫຼາດແຫ່ງໃໝ່ຄື: ຕະຫຼາດໂພນສະຫວ່າງ ແລະ ແຫ່ງ ອື່ນໆໂດຍຈະໃຫ້ຍົກເວັ້ນການ ເກັບຄ່າເຊົ່າຫ້ອງເປັນເວ ລາ 1 ປີ.

         ເຈົ້າໜ້າທີ່ຕຳຫຼວດສະກັດກັ້ນ ແລະ ມອດໄຟ ນະຄອນຫຼວງວຽງຈັນ ໃຫ້ຮູ້ວ່າ: ພຽງ 3 ເດືອນນີ້ ຢູ່ນະຄອນຫຼວງ ວຽງຈັນມີອັກຄີໄພເກີດຂຶ້ນກວ່າ 30 ຄັ້ງ ສົ່ງຜົນໃຫ້ມີຜົນເຮືອນຊານຂອງປະ ຊາຊົນເສຍຫາຍກວ່າ 10 ຫຼັງ, ຫ້ອງແຖວ 10 ກວ່າຫ້ອງ, ໂຮງງານເຟນີເຈີ 1 ແຫ່ງ ແລະ ມີໄຟໄໝ້ຕະຫຼາດ 3 ຄັ້ງ ມີມູນຄ່າເສຍ ຫາຍເປັນຈຳນວນຫຼວງຫຼາຍ.