laophatthananewspaper: ການຈັດສັນບ່ອນຈອດລົດຕາມສາຍທາງຕ່າງໆຄວນຄຳນຶ່ງເຖິງຄວາມເປັນລະບຽບຂອງຕົວເມືອງ

ເມື່ອບໍ່ດົນມານີ້ ກະຊວງໂຍທາທິການ ແລະ ຂົນສົ່ງ, ໄດ້ດຳເນີນໂຄງການປັບປຸງຊ່ອງທາງຈະລາຈອນຢູ່ຕາມຖະໜົນສາຍຫຼັກຫຼາຍເສັ້ນລວມໄປເຖິງໄຟອຳນາດຕາມແຍກຕ່າງໆໃນນະຄອນຫຼວງວຽງຈັນສາມາດ ຊ່ວຍຫຼຸດຜ່ອນສະພາບແອອັດ ຂອງຍານພາຫະນະທີ່ແລ່ນຕາມສາຍທາງຕ່າງໆໃຫ້ໄປມາສະດວກ ແລະ ຄ່ອງໂຕກວ່າເກົ່າ. ແຕ່ຂະນະດຽວກັນຍັງມີສຽງຈົ່ມ ຈາກສັງຄົມຕໍ່ກັບກໍລະນີການຈັດສັນບ່ອນຈອດລົດຢູ່ໃນເຂດຊຸມຊົນຄວນສຳນຶກເຖິງລະບຽບການຈະ ລາຈອນ ແລະ ຄວາມເປັນລະບຽບຮຽບຮ້ອຍຂອງຕົວເມືອງ, ໃຫ້ສົມກັບຄຳຂວັນ 6 ສ ຂອງນະຄອນຫຼວງໄດ້ກຳນົດໄວ້.

ໃນປັດຈຸບັນສະພາບການຈັດສັນບ່ອນຈອດລົດເພື່ອເກັບປີ້ຢູ່ຕາມຖະໜົນສາຍສຳຄັນຕ່າງໆໃນນະຄອນຫຼວງວຽງຈັນມີ ຄວາມສັບສົນຫຼາຍ ແລະ ກໍບໍ່ຮູ້ ວ່າຮ່ວງເງິນທີ່ເກັບໄດ້ດັ່ງກ່າວ ແມ່ນພາກສ່ວນໃດນຳ ໃຊ້ຄື: ເຂດຕະຫຼາດເຊົ້າກັບຕະຫຼາດຂົວດິນຕາມສຶບຮູ້ແມ່ນພາກສ່ວນກ່ຽວຂ້ອງໄດ້ແບ່ງຄວາມຮັບຜິດ ຊອບໃຫ້ເມືອງເປັນຜູ້ຈັດສັນ ໃນຮູບແບບສຳປະທານໂດຍເລີ່ມ

ມາແຕ່ໂຮງໝໍມະໂຫສົດລົງໄປເຖິງ 4 ແຍກໄຟແດງວັດທາດຝຸ່ນ, ເບື້ອງຕະຫຼາດຂົວດິນແມ່ນນອນຢູ່ໃນເຂດເມືອງສີສັດຕະນາກຮັບ ຜິດຊອບ ແລະ ເບື້ອງຕະຫຼາດເຊົ້າແມ່ນເມືອງຈັນທະບູລີເປັນຜູ້ຮັບ ຜິດຊອບ, ເຊິ່ງໃນນີ້ມີຫາງສຽງຟົດນັນກ່ວາໝູ່ແມ່ນການຈັດສັນບ່ອນຈອດລົດເພື່ອເກັບເງິນເລີ່ມແຕ່ທາງເຂົ້າສະຖານີລົດເມເບື້ອງຕະຫຼາດຂົວດິນໄປເຖິງ 4 ແຍກໄຟແດງວັດໜອງບອນ ແລະ ພົບວ່າຍັງມີຄວາມສັບສົນບໍ່ເປັນລະ ບຽບຮຽບຮ້ອຍ, ແຕ່ລະວັນເຮົາ ຍັງພົບເຫັນລົດທຸກປະເພດຈອດລຽບຕາມແຄມທາງຢ່າງຊະຊາຍ ຂະນະທີ່ເບື້ອງຕະຫຼາດຂົວດິນຊ້ຳ ພັດອະນຸຍາດໃຫ້ຜູ້ປະກອບການເຊົ່າສະຖານທີ່ແຄມທາງຍ່າງ ເພື່ອເປັນບ່ອນເກັບປີ້ຝາກລົດຈັກ, ລົດຖີບ, ຊຶ່ງມັນຂັດຕໍ່ກັບລະບຽບຈະລາຈອນ ແລະ ກົດໝາຍທາງ ຫຼວງ, ຫ້າມນຳໃຊ້ແຄມ ທາງຍ່າງໄປເຮັດສິ່ງບໍລິການອື່ນໆ.

ຂະນະດຽວກັນເບື້ອງເຂດເມືອງຈັນທະບູລີ ກໍຍັງມີສຽງຈົ່ມຕໍ່ການຈັດສັນບ່ອນຈອດລົດຢູ່ໃນເຂດປູສະນະນິຍະສະຖານອັນເກົ່າແກ່ເຂດວັດສີສະເກດ, ຫໍພະແກ້ວ ຜູ້ທຽວທາງຂໍຮ້ອງໃຫ້ພາກ ສ່ວນກ່ຽວຂ້ອງຄວນຈັດສັນບ່ອນຈອດລົດຂອງນັກທ່ອງທ່ຽວທີ່ມາທ່ຽວຊົມປູສະນິຍະສະຖານທັງສອງແຫ່ງດັ່ງກ່າວໄປຢູ່ທາງອື່ນຈະເປັນການດີກ່ວາ ແລະ ບໍ່ສ້າງຄວາມສັບສົນໃຫ້ການສັນຈອນໄປມາຕາມເສັ້ນທາງດັ່ງກ່າວ ແລະ ອີກບັນຫາໜຶ່ງແມ່ນການ ຈັດສັນບ່ອນຈອດລົດຕາມເສັ້ນ ທາງຊອຍບ່ອນແອອັດເຂດບ້ານຫັດສະດີເຊື່ອມໃສ່ຖະໜົນລ້ານຊ້າງ ແລະ ອີກຈຸດໜຶ່ງທີ່ຍັງແກ້ບໍ່ຕົກແມ່ນເສັ້ນທາງຊອຍຈາກ 3 ແຍກແຄມທະນາຄານການຄ້າການຕ່າງປະເທດເຊື່ອມໃສ່ເສັ້ນ ທາງເສດຖາທິລາດນ້ຳພຸກໍເຫັນ ວ່າ ການຈອດລົດຢູ່ເຂດນີ້ກໍຍັງບໍ່ທັນເຂົ້າສູ່ລະບຽບສົ່ງຜົນໃຫ້ເກີດສະພາບລົດຕິດອັ່ງຢູ່ຕະຫຼອດເວ ລາ ແລະ ຈຸດອື່ນໆອີກ. ຊຶ່ງເຫັນວ່າພາກສ່ວນກ່ຽວຂ້ອງຄວນຈະມີວິທີການແກ້ໄຂໃຫ້ເໝາະສົມເພື່ອຕ້ອນຮັບການສະຫຼອງປີໃໝ່ລາວທີ່ຈະມາເຖິງນີ້ມີບັນຍາ ກາດເບີກບານມ່ວນຊື່ນ ແລະ ສ້າງໃຫ້ນະຄອນຫຼວງວຽງຈັນມີຄວາມເປັນລະບຽບຮຽບຮ້ອຍສະອາດຈົບງາມ.