ບຸນປີໃໝ່ລາວປີນີ້ ນະຄອນຫຼວງເນັ້ນໃຫ້ຮັບປະກັນ 3 ຄາດໝາຍ

    ວັນທີ 27 ມີນານີ້ທ່ານ ສາຍ ທອງ ແກ້ວດວງດີ, ຮອງເຈົ້າ ຄອງນະຄອນຫຼວງວຽງຈັນ ໄດ້ ຖະແຫຼງຂ່າວຕໍ່ສື່ມວນຊົນກ່ຽວ ກັບການກະກຽມສະເຫຼີມສະ ຫຼອງບຸນປີໃໝ່ລາວປະຈຳປີ 2014 ນີ້ວ່າ: ຄະນະຮັບຜິດຊອບ ການຈັດງານສະເຫຼີມສະຫຼອງປີ ໃໝ່ລາວ ພສ 2557 ຢູ່ນະ ຄອນຫຼວງວຽງຈັນແມ່ນໃຫ້ຮັບປະກັນໄດ້ສາມລະດັບຄາດໝາຍໃຫຍ່ຄື: 1. ປົກປັກຮັກສາ ແລະ ເສີມຂະ ທຫຍາຍມູນເຊື້ອວັດທະນະທຳ ແລະ ຮີດຄອງປະເພນີອັນດີງາມ ຂອງຊາດ ລາວເຮົາທີ່ມີມາແຕ່ບູຮານນະການໂດຍສະເພາະບຸນປີໃໝ່ລາວໃຫ້ຢູ່ຄຽງຄູ່ກັບຄົນລາວ ຕະ ຫຼອດໄປ, 2. ການຫຼີ້ນບຸນປີໃໝ່ ນີ້ຕ້ອງຮັບປະກັນການສົ່ງເສີມ ແລະ ປົກປັກຮັກສາຮີດ ຄອງປະເພນີອັນດີງາມຕິດພັນກັບການຜະລິດສິນຄ້າ, ການທ່ອງທ່ຽວທາງ ວັດທະນະທຳ-ທຳ ມະຊາດ ແລະ ປະຫວັດສາດ, 3. ຮັບປະກັນສະ ຖຽງລະພາບທາງດ້ານການ ເມືອງ, ຄວາມເປັນລະບຽບຮຽບ ຮ້ອຍ ແລະ ຄວາມສະຫງົບ ປອດ ໄພຮອບດ້ານ, ຮັບປະກັນໃຫ້ມີ ຄວາມເບີກບານມ່ວນຊື່ນ, ສະ ອາດ, ຈົບງາມເພື່ອຕ້ອນຮັບນັກ ທ່ອງ ທ່ຽວທັງພາຍໃນ ແລະ ຕ່າງ ປະເທດທີ່ຈະເຂົ້າມາທ່ຽວໃນນະຄອນຫຼວງວຽງຈັນ. ສຳລັບກິດຈະກຳຕ່າງໆ ແມ່ນຈະໄດ້ເລີ່ມຈັດ

ຂຶ້ນໃນວັນທີ 14-16 ຄື: ວັນທີ 14 ຢູ່ບໍລິເວນ ຫາດດອນຈັນຈະມີການຫຼິນກິ ລາ, ຕະຫຼາດນັດຂາຍສິນຄ້າ, ຕົບພະທາດຊາຍ, ແຫ່ນາງສັງ ຂານ ແລະ ຫົດສົງພະພຸດທະຮູບຕາມ ປະເພນີ, ວັນທີ 15 ຄົບງັນມ່ວນ ຊື່ນຕາມປະເພນີ ແລະ ວັນທີ 16 ຈະມີພີ ທີຕັກບາດຖວາຍສັງຄະທານ, ບາສີສູ່ຂວັນ ແລະ ຫົດສົງ ກັນຕາມປະເພນີທ່ານຮອງເຈົ້າ ຄອງເນັ້ນວ່າ: ໃນໂອກາດນີ້ຈຶ່ງ ຂໍຮຽກຮອງໃຫ້ພະນັກງານ, ທະຫານຕ່ຳຫຼວດ, ຄູອາຈານ ແລະ ປະຊາຊົນທຸກທົ່ວໜ້າຈົ່ງເປັນເຈົ້າການບອກສອນລູກ ຫຼານ ຂອງຕົນໃນການຫຼິ້ນບຸນປີໃໝ່ປີນີ້ເປັນຕົ້ນການຫົດນ້ຳຕ້ອງໃຊ້ນຳສະອາດ, ຫ້າມບໍ່ໃຫ້ເອົານ້ຳໃສ່ຖົງຢາງດຶກ ແກ້ວງໃສ່ກັນ, ເວລາ ຈະຫົດນ້ຳ ໂດຍສະ ເພາະແມ່ນນັກທ່ອງທ່ຽວຫຼືແຂກຜູ້ໃຫຍ່ຕ້ອງຂໍອະນຸຍາດຈາກເພິ່ນກ່ອນຈຶ່ງຫົດ ແລະ ຫ້າມບໍ່ໃຫ້ ຫຼິ້ນ ສິ່ງເປິະເປື້ອນຕ່າງໆ, ການນຸ່ງຖືຕ້ອງນຸ່ງໃຫ້ສຸພາ, ບໍ່ໃຫ້ໂປ້ເປືອຍຈົນເກີນໄປ, ການໄປມາຕ້ອງມີສະຕິຄອຍໄປຄອຍມາເພື່ອ ປ້ອງກັນບໍ່ໃຫ້ເກີດອຸປະ ຕິເຫດ, ສິ່ງສຳຄັນແມ່ນເມົາແລ້ວບໍ່ຄວນຂັບລົດເດັດຂາດ.