ການພັດທະນາຕະຫຼາດທຶນມີສ່ວນສຳຄັນຕໍ່ການພັດທະນາເສດຖະກິດ-ສັງຄົມ

  ຄະນະກຳມະການຄຸ້ມຄອງ ຫຼັກຊັບໃຫ້ຮູ້ວ່າ : ການເຄື່ອນ ໄຫວຂອງຕະຫຼາດທືນແມ່ນມີຂຶ້ນມາເປັນເວລາດົນນານແລ້ວແຕ່ ສະຕະວັດທີ 15 ຢູ່ທະວີບເອຣົບ ແລະ ມາຮອດປີ 1983 ໄດ້ມີການຈັດຕັ້ງອົງການຄຸ້ມຄອງວຽກງານຫຼັກຊັບຂຶ້ນ, ເຮັດໃຫ້ຕະ ຫຼາດທຶນຂະຫຍາຍຕົວໄວຂຶ້ນ ແລະ ຫັນໄປສູ່ທັນສະໄໝຫຼາຍ ຂຶ້ນ, ໂດຍສະເພາະແມ່ນຍຸກທີ່ມີການພັດທະນາເຕັກໂນໂລຊີຂໍ້ ມູນຂ່າວສານກໍຄືແຕ່ຊຸມປີ 1980 ເປັນຕົ້ນ ແລະ ມາຮອດຕົ້ນປີ 1990 ຕະຫຼາດທຶນໄດ້ຖືກໜູນໃຊ້ເຂົ້າໃນການພັດທະນາເສດ ຖະກິດ-ສັງຄົມ, ຕາມທິດສັງຄົມນິຍົມໂດຍ ແມ່ນ ສປ ຈີນ ເປັນຜູ້ລິເລີ່ມ, ຈາກ ພຶດຕິກຳຕົວຈິງຂອງບັນດາປະເທດທີ່ພັດທະ ນາແລ້ວກໍຄືບັນດາປະເທດທີ່ກຳລັງພັດທະນາ, ຊຶ່ງ ຜົນຄົ້ນຄວ້າຂອງຫຼາຍພາກສ່ວນສະຫຼຸບວ່າ: ການພັດທະນາຕະຫຼາດທຶນມີ ຄວາມສຳຄັນຕໍ່ກັບ ການພັດທະນາເສດຖະກິດ-ສັງ ຄົມໄລຍະຍາວຢ່າງສະໜິດແໜ້ນຄື: (1) ການພັດທະນາຕະຫຼາດທຶນຊ່ວຍ ໃຫ້ສາມາດຈັດສັນແຫຼ່ງທຶນໄລຍະກາງ ແລະ ໄລຍະຍາວ ໄດ້ໂດຍກົງຈາກສັງຄົມໃນຕົ້ນ ທຶນທີ່ສົມເຫດສົມຜົນໃຫ້ແກ່ພາກລັດ ແລະ ເອກະຊົນ, (2) ປະກອບ ສ່ວນສ້າງຄວາມອາດສາມາດ ແ່ຂ່ງຂັນໃຫ້ແກ່ຜູ້ອອກຈຳໜ່າຍ ຫຼັກຊັບຢ່າງມີປະສິດທິພາບ,

ບັນ ດາຫຼັກການ ແລະ ລະບຽບການເຮັດໃຫ້ມີການເປີດເຜີຍຂໍ້ມູນຂ່າວສານທາງດ້ານທຸລະກິດ, ການກວດສອບບັນຊີຈະ ມີ ຄວາມໂປ່ງໃສ່, (3) ເຮັດໃຫ້ຕະຫຼາດການເງິນມີຄວາມສົມບູນ ແລະ ເປັນລະບົບຄົບຊຸດຂຶ້ນກວ່າເກົ່າ, ກໍລະນີເກີດວິກິດການ ຕະຫຼາດໃດໜຶ່ງຂອງລະບົບການເງິນກໍຍັງມີລະບົບການເງິນອື່ນທີ່ຮັບຮອງ ຊົ່ວຄາວ, (4) ປະກອບສ່ວນສະໜອງຂໍ້ມູນກ່ຽວ ກັບການສະສົມທຶນ, ການລົງທຶນ ແລະ ຂໍ້ມູນ ອື່ນໆໃຫ້ແກ່ການກຳນົດນະໂຍ ບາຍທາງດ້ານການເງິນ ແລະ ເສດຖະກິດມະ ຫາພາກ, (5) ຊ່ວຍສ້າງຈິດສຳນຶກກ່ຽວກັບການສະສົມທຶນ ແລະ ການລົງທຶນໃຫ້ແກ່ບຸກຄົນ ແລະ ນິຕິບຸກຄົນໃນສັງ ຄົມ (6) ການພັດທະນາຕະຫຼາດ ທຶນຊ່ວຍສ້າງເງື່ອນໄຂໃຫ້ແກ່ ການເຊື່ອມໂຍງເສດຖະກິດກັບ ການເງິນສາກົນ, ຊຶ່ງສິ່ງດັ່ງ ກ່າວແມ່ນມີ ຄວາມສຳຄັນຫຼາຍຕໍ່ກັບການພະທະນາເສດຖະກິດ- ສັງຄົມຂອງຊາດ. ຕະຫຼາດທຶນ ແມ່ນຂະບວນການຈັດສັນທຶນໄລຍະ ຍາວແບບທາງກົງລະຫວ່າງພາກສ່ວນທີ່ຕ້ອງການນຳໃຊ້ທຶນ  ແລະ ແມ່ນສ່ວນໜຶ່ງຂອງຕະ ຫຼາດການເງິນ ແລະ ຕະຫຼາດເງິນ.