ປັດຈຸບັນນີ້ ພະແນກກະ ສິກຳ ແລະ ປ່າໄມ້
ແຂວງຄຳມ່ວນ ແລະ ແຂວງຈຳປາສັກ ໄດ້ມອບຄວາມຮັບຜິດຊອບໃຫ້ຂະແໜງການລ້ຽງສັດ
ແລະ ການປະມົງ ສົມທົບກັບກະສິກຳແຕ່ລະເມືອງຍົກສູງຄວາມເປັນເຈົ້າໃນການສືບຕໍ່ເຝົ້າລະວັງການລະບາດຂອງພະຍາດສັດລ້ຽງ, ໂດຍສະເພາະແມ່ນງົວ ແລະ ຄວາຍພາຍ ຫຼັງປະສົບກັບການລະບາດຂອງ
ພະຍາດປາກເປື່ອຍລົງເລັບໃນປີທີ່ຜ່ານມາ ແລະ ແກ່ຍາວມາຮອດຕົ້ນປີ 2014, ເປັນເຫດໃຫ້ສັດ
ລ້ຽງຕາຍຍ້ອນພະຍາດດັ່ງກ່າວເປັນຈຳ ນວນຫຼາຍ.
ລາຍງານຈາກແຂວງຄຳມ່ວນໃຫ້ຮູ້ວ່ານັບແຕ່ລະດູຝົນເດືອນມີຖຸນາ
2013 ເປັນຕົ້ນມາໄດ້ມີສັດລ້ຽງປະເພດງົວ, ຄວາຍຕິດເຊື້ອພະຍາດປາກເປື່ອຍລົງເລັບຢູ່
3 ບ້ານ ໃນເມືອງຫີນບູນ ສົ່ງຜົນໃຫ້ສັດລ້ຽງເຈັບໂຊ ແລະ ຕາຍເປັນຈຳນວນ ຫຼາຍຈົນ, ມາຮອດດຽວນີ້ ພະນັກງານສັດຕະ ວະແພດຂັ້ນບ້ານຍັງສືບຕໍ່ເຝົ້າລະວັງ
ແລະ ປິ່ນປົວສັດທີ່ຕິດ ເຊື້ອພະຍາດ ດັ່ງກ່າວຢ່າງໃກ້ຊິດ. ຂະນະດຽວກັນຢູ່ແຂວງຈຳປາສັກກໍເກີດການລະບາດຂອງພະ
ຍາດປາກເປື່ອຍລົງເລັບເຊັ່ນກັນ, ຊຶ່ງນັບແຕ່ກາງເດືອນທັນວາ 2013 ເປັນຕົ້ນມາໄດ້ມີງົວ,
ຄວາຍຂອງປະຊາຊົນບ້ານຕ່າງໆ ໃນ 3 ເມືອງຄື: ເມືອງຈຳປາສັກ, ສຸຂຸມາ ແລະ ເມືອງ ປະທຸມພອນ
ຕິດເຊື້ອພະຍາດນີ້ຫຼາຍຮ້ອຍໂຕ ແລະ ຕາຍໄປແລ້ວ 192 ໂຕ ແລະ ຕໍ່ມາທ້າຍເດືອນມັງກອນ
2014 ນີ້, ພະ ຍາດດັ່ງກ່າວໄດ້ເກີດລະ ບາດຂຶ້ນອີກເປັນຮອບສອງສົ່ງ ຜົນໃຫ້ສັດລ້ຽງຂອງປະຊາຊົນໃນ
5 ຕົວເມືອງຄື: ເມືອງຈຳປາສັກ, ໂຂງ, ສຸຂຸມາ, ປະທຸມພອນ ແລະ ເມືອງຊະນະສົມບູນຕິດ
ເຊື້ອ ແລະ ຕາຍແລ້ວ 38 ໂຕ. ມາຮອດດຽວນີ້ສະພາບການລະ ບາດຂອງພະຍາດດັ່ງກ່າວເຫັນ
ວ່າມີທ່າອ່ຽງຫຼຸດຜ່ອນລົງແລ້ວ ໂດຍທາງແຂວງໄດ້ສຸມໃສ່ການປິ່ນປົວ ແລະ ປ້ອງກັນໂດຍສະ
ເພາະແມ່ນກົມລ້ຽງສັດ ແລະ ການປະມົງໄດ້ສົ່ງຢາມາໃຫ້ເປັນ ຈຳນວນຫຼາຍເພື່ອນຳໃຊ້ເຂົ້າໃນການຄວບຄຸມພະຍາດຢູ່ໃນເຂດກັນຊົນທີ່ມີຄວາມສ່ຽງຂອງເຊື້ອພະຍາດຂະແໜງລ້ຽງສັດຈຳປາສັກຕີລາຄາວ່າ:
ຈຳນວນສັດທີ່ເຈັບ ແລະ ຕາຍສ່ວນໃຫຍ່ແມ່ນສັດທີ່ເກີດໃໝ່ພວມຢູ່ໃນໄລຍະດູດນົມແມ່
ແລະ ສັດໃຫຍ່ຈຳນວນໜຶ່ງ ຍ້ອນວ່າມີການແຊກຊ້ອນຂອງເຊື້ອພະຍາດເຕົ້າໂຮມເລືອດ,
ຈຶ່ງເຮັດໃຫ້ອັດຕາການຕາຍຂອງສັດເພີ່ມຂຶ້ນ. 
No comments:
Post a Comment