ບປລ ມອບສິນທົດແທນປະກັນໄພທຸລະກິດຂະໜາດນ້ອຍໃຫ້ຜູ້ເສຍຫາຍ

          ເຊົ້າວັນທີ 24 ມີນານີ້, ບໍລິສັດ ອາລິອັນສ໌ ປະກັນໄພລາວ (ບປລ) ຢູ່ສຳນັກ ງານໃຫຍ່ໃນ ນະຄອນຫລວງວຽງຈັນໄດ້ມີພິທີມອບສິນທົດແທນປະກັນໄພ ທຸລະ ກິດຂະໜາດນ້ອຍໃຫ້ແກ່ທ່ານ ຄຳປານ ແລະ ທ່ານນາງ ຕຸກຕາ ປະສົບ ໂຊກເຊິ່ງ ເປັນເຈົ້າຂອງຮ້ານຂາຍເຄື່ອງກໍ່ສ້າງຢູ່ບ້ານໜອງໄຮເມືອງຫາດຊາຍຟອງ ນະຄອນ ຫຼວງວຽງຈັນ ທີ່ໄດ້ຮັບຜົນກະ ທົບຈາກເຫດການໄຟໄໝ້ ໃນຄັ້ງວັນທີ 10/12/2013 ທີ່ຜ່ານ ມາ.

         ທ່ານ ຄຳປານ ແລະ ທ່ານ ນາງ ຕຸກຕາ ປະສົບໂຊກ ໄດ້ເຮັດ ປະກັນໄພເພື່ອຄຸ້ມກັນທຸລະກິດ ຂອງເພິ່ນໄວ້ກັບ ບໍລິສັດ ອາລິ ອັນສ໌ ປະກັນໄພລາວມາແຕ່ປີ 2010 ແລະ ໄດ້ຈ່າຍຄ່າທໍານຽມ ປະກັນໄພ 7,710,000 ກີບ/ປີ. ແຕ່ ຍ້ອນເຫດການ ອັກຄີໄພທີ່ບໍ່ຄາດຄິດໄດ້ເກີດຂຶ້ນເຮັດໃຫ້ອາຄານ ແລະ ຊັບສິນຖືກທຳລາຍຢ່າງ ຫຼວງຫຼາຍ, ແຕ່ພາຍຫຼັງວິຊາ ການຂອງ ບປລ ໄດ້ທຳການກວດກາເຫດການດັ່ງກ່າວ ແລະ ໄດ້ປະເມີນຄວາມເສຍຫາຍເປັນທີ່ຮຽບຮ້ອຍແລ້ວຈຶ່ງໄດ້ຕົກລົງ ມອບສິນທົດ

ແທນປະກັນໄພໃຫ້ ແກ່ຜູ້ເສຍຫາຍເປັນຈຳນວນເງິນ 2.375 ລ້ານກີບ ຕາມສັນຍາປະ ກັນໄພທີ່ເພິ່ນໄດ້ເຮັດໄວ້ກັບ ບປລ ເຊິ່ງມອບໂດຍທ່ານ ກີ ອາໂປວີ ຜູ້ອຳນວຍການ ບປລ.“ ປະກັນໄພທຸລະກິດຂະໜາດ ນ້ອຍແມ່ນຜະລິດຕະພັນໜຶ່ງຂອງ ບໍລິ ສັດ ອາລິອັນສ໌ ປະກັນໄພລາວທີ່ໃຫ້ການຄຸ້ມກັນ ຄວາມເສຍຫາຍທີ່ອາດຈະເກີດຂຶ້ນຈາກໄພຕ່າງໆ ເຊັ່ນ: ອັກຄີໄພ, ຄວາມ ຮັບຜິດຊອບທາງແພ່ງຂອງເຈົ້າ ຂອງທຸລະກິດ, ຄວາມຮັບຜິດຊອບຕໍ່ເຮືອນຂ້າງຄຽງ, ຄວາມເສຍຫາຍຍ້ອນນ້ຳ-ລົມພະຍຸ, ຄວາມເສຍຫາຍຂອງເຄື່ອງໃຊ້ ໄຟຟ້າ, ຄວາມເສຍ ຫາຍຈາກແກ້ວແວ່ນແຕກ, ສິນຄ້າໃນຮ້ານຖືກລັກ ແລະ ອື່ນໆອີກ”.