ເຈົ້າຫນ້າທີ່ ປກສ ແຂວງສະຫວັນນະເຂດ ລາຍງານໃຫ້ຮູ້ວ່າ
: ໃນວັນທີ 4 ມີນາຜ່ານມານີ້, ກຳລັງ ເຈົ້າຫນ້າທີ່ຂອງຕົນໄດ້ຈັບໂຕ ທ້າວ ພູດ່ອນ
ອາຍຸ 27 ປີ ຢູ່ບ້ານໂພນສະຫວ່າງໃຕ້, ທ້າວ ເດາະ ອາຍຸ 28 ປີ, ທ້າວ ນະລົງ ສິນ ອາຍຸ
30 ປີ ແລະ ນາງສັນ ທະນາ ອາຍຸ 27 ປີ ຢູ່ບ້ານລັດ ຕະນະລັງສີ ເມືອງໄກສອນພົມ ວິຫານ
ແຂວງສະຫວັນນະເຂດ, ໂດຍພວກກ່ຽວໄດ້ກໍ່ເຫດງັດເຮືອນທີ່ພວມກໍ່ສ້າງຫລັງຫນຶ່ງ
ຢູ່ບ້ານໂພນສະຫວ່າງ ເມືອງໄກ ສອນ ພົມວິຫານ ແລະ ລັກເອົາດອກໄຟນິອອນ 40 ຊຸດ ແລະ
ອຸ ປະກອນ ອື່ນໆອີກຈຳນວນຫນຶ່ງ ໂດຍພວກກ່ຽວຮັບສາລະພາບວ່າຈະເອົາເຄື່ອງທີ່ລັກໄດ້ທັງຫມົດໄປຂາຍເພື່ອເອົາ
ເງິນມາຊື້ຢາບ້າມາເສບ, ສ່ວນເຄື່ອງທີ່ເກັບກູ້ຄືນໄດ້ນັ້ນ ເຈົ້າຫນ້າທີ່ໄດ້ມອບຄືນໃຫ້ເຈົ້າຂອງເປັນທີ່ຮຽບ
ຮ້ອຍແລ້ວ.
ເມື່ອບໍ່ດົນມານີ້ ສານປະ ຊາຊົນນະຄອນຫຼວງວຽງຈັນ
ໄດ້ຕັດສິນລົງໂທດຕັດອິດສະຫຼະພາບກຸ່ມໄວລຸ້ນທີ່ເຄື່ອນໄຫວ ລັກ ຊັບ ຄື: ທ້າວ ເອກະລັກ ອາຍຸ 21 ປີ ອາຊີບ ນັກສຶກສາ ຢູ່ບ້ານ
ວັດຈັນ ເມືອງຈັນທະບູລີ ນະ ຄອນຫຼວງວຽງຈັນ, ທ້າວ
ວຽງ ສະໄໝ ອາຍຸ 19 ປີ ຢູ່ບ້ານ ນາ ແຊງ
ເມືອງເຟືອງ ແຂວງ ວຽງ ຈັນ ຖືກກັກຕົວໃນວັນທີ 17 ພະ ຈິກ 2011 ຂໍຫາລັກຊັບ ພົນ ລະ ເມືອງ,
ທ້າວ ອໍລະຫັນ ອາຍຸ 21 ປີ ຢູ່ບ້ານ ຫົວຊ້າງ ເມືອງນາຊາຍ ທອງ ນະຄອນຫຼວງວຽງຈັນ ແລະ ທ້າວ
ໄຊຍະ ພອນ ອາຍຸ 21 ປີ ອາຊີບ ນັກສຶກສາຢູ່ບ້ານຫົວ ຊ້າງ ເມືອງນາຍຊາຍທອງ ນະ ຄອນຫຼວງວຽງຈັນ
ຖືກກັກຕົວ ໃນວັນທີ 22 ທັນວາ 2011 ຂໍ້ຫາ ຊື້-ຂາຍຊັບທີ່ລັກລອບມາໄດ້.
ໃນບົດສະຫຼຸບສຳນວນຄະດີ ໃຫ້ຮູ້ວ່າ: ທ້າວ ເອກະລັກ
ໄດ້ ຮ່ວມກັບພັກພວກເລາະລັກຊັບ ຂອງພົນລະເມືອງມາຕັ້ງແຕ່ ເດືອນ ພະຈິກປີ 2011 ກວ່າ 5 ຄັ້ງ
ແລະ ໃນໄລຍະທ້າຍເດືອນ ພະ ຈິກຜູ້ກ່ຽວໄດ້ຮ່ວມກັບ ທ້າວ ອໍລະຫັນ ໄປລັກເອົາລົດ ຈັກ ຂອງປະຊາຊົນຢູ່ບ້ານຕານມີໄຊ
ເມືອງຈັນທະບູລີ ນະຄອນຫຼວງ ວຽງຈັນຫຼັງຈາກນັ້ນກໍໄດ້ນຳເອົາລົດດັ່ງກ່າວ ນຳໄປຂາຍ ແລະ ຄະດີອື່ນໆ ກ່ອນຈະຖືກ ສານຕັດ ສິນລົງໂທດຕັດອິດສະຫຼະພາບ ທ້າວ ເອກະລັກ ແລະ
ທ້າວ ວຽງ ສະໄໝຈຳຄຸກຜູ້ລະ 3 ປີ 6 ເດືອນ ໃນສະຖານ ລັກ ຊັບພົນລະເມືອງ, ລົງໂທດຕັດອິດສະຫຼະພາບ
ທ້າວ ອໍລະຫັນ ແລະ ທ້າວ ໄຊຍະພອນ ຈຳຄຸກຜູ້ລະ 1 ປີ 6 ເດືອນ ໃນສະ ຖານຊື້-ຂາຍຊັບພົນລະເມືອງທີ່ລັກລອບມາ.
No comments:
Post a Comment