ສຳມະນາກ່ຽວກັບນະວັດຕະກຳໃໝ່ເພື່ອວັດແທກຜົນຂອງການຮຽນການສອນ

           ວັນທີ 12  ມີນານີ້ບໍລິສັດໃບນາລີກຣາຟິກໄດ້ຈັດສຳມະນາກ່ຽວກັບການ ນຳໃຊ້ນະວັດຕະກຳໃໝ່ຂອງ ການວັດແທກຜົນຂອງການຮຽນການສອນຂຶ້ນທີ່ວິທະ ຍາໄລເຕັກນິກວິຊາຊີບມິດຕະພາບວຽງຈັນ ຮ່າໂນ່ຍໂດຍການເຂົ້າຮ່ວມຂອງທ່ານ ອຸ ໄທ ບັນນະວົງ, ຜູ້ອຳນວຍການວິທະຍາໄລດັ່ງກ່າວ ແລະ ທ່ານ ປະພຶດ ບັງຄົມຄຸນ, ກຳມະການຜູ້ຈັດການບໍລິສັດໃບນາ ລີກຣາ ຟິກ, ພ້ອມດວ້ຍພະນັກງານ ແລະ ອາ ຈານຈາກໂຮງຮຽນອາຊະວິສຶກສາທັງພາຍລັດ ແລະ ເອກະຊົນເຂົ້າຮ່ວມເປັນຈຳ ນວນຫຼາຍ.

   ອຳນວຍການວິທະຍາໄລ ເຕັກນິກວິຊາຊີບມິດຕະພາບວຽງຈັນຮ່າໂນ່ຍກ່າວວ່າ: ການຈັດສຳມະນາຄັ້ງນີ້ຂື້ນກໍເພື່ອໃຫ້ຄູອາ ຈານໄດ້ຮັບຮູ້ເຖິງຄຸນສົມບັດ ແລະ ການນຳໃຊ້ນະວັດຕະກຳ ແລະ ເຕັກໂນໂລຢີໃໝ່ເປັນເຄື່ອງ ກວດ ແລະ ປະເມີນຜົນຂອງ

ການຮຽນການສອນໃຫ້ມີການພັດທະນາດີຂື້ນ ແລະ ຈະຊ່ວຍໃຫ້ການ ກວດຜົນຂອງການສອບເສັງ ແລະ ປະເມີນຜົນຂອງ ການຮຽນການສອນ, ມີຄວາມໄວ, ທ່ຽງທຳ ແລະ ໂປ່ງໃສຫຼາຍຂຶ້ນ, ພ້ອມນີ້ເທັກໂນໂລຢີໃໝ່ດັ່ງກ່າວຍັງສາມາດ ແຍກນັກ ຮຽນເກັ່ງກັບນັກຮຽນອອ່ນໄດ້ຢ່າງຊັດ ເຈນ, ຜ່ານມາແມ່ນພວກເຮົາຈະໃຊ້ຄູອາຈານເປັນຜູ້ວິເຄາະ ແລະ ກວດຜົນການ ສອບ ເສັງ, ແຕ່ປັດຈຸບັນບໍລິສັດໃບນາລີກຣາຟິກໄດ້ພັດທະນາເປັນຊອບແວນີ້ຂຶ້ນມາເພື່ອຊ່ວຍໃນການກວດຜົນຂອງ ການສອບເສັງ ແລະ ປະເມີນຜົນການຮຽນການສອນໃຫ້ປະຢັດເວລາ ມີຄວາມວ່ອງໄວ ແລະ ຊັດ ເຈນກວ່າ, ຊຶ່ງເຄື່ອງກວດດັ່ງກ່າວສາມາດ ກວດ ຜົນຂອງການສອບໄດ້ 6 ພັນແຜນຕໍ່ 1 ຊົ່ວ   ໂມງ, ຊອບແວດັ່ງກ່າວຖືກພັດ ທະນາຂື້ນຢູ່ທີ່ປະເທດໄທ ແລະ ປັດຈຸບັນ ຖືກນຳໃຊ້ຢ່າງແຜ່ຫຼາຍໃນບັນດາປະເທດອາຊຽນເຊັ່ນ: ປະເທດອິນໂດເນເຊຍ, ມາເລເຊຍ ແລະ ສິງກະໂປ ເປັນຕົ້ນ.