ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວມອບບັດສະມາຊິກພັກສົມບູນຊຸດທີ II.

        ຄະນະພັກກະຊວງຖະແຫລງ ຂ່າວ, ວັດທະນາທຳ ແລະ ທ່ອງທ່ຽວ, ໄດ້ຈັດ ພິທີມອບ-ຮັບບັດສະມາຊິກພັກສົມບູນ ຊຸດທີ II ຈຳ ນວນ 459 ສະຫາຍ, ຍິງ 140 ສະຫາຍ, ມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນຳພາຮອບດ້ານປະຈຳປີ 2013 ໃຫ້ 40 ໜ່ວຍພັກ ແລະ ໃບຍ້ອງຍໍໜ່ວຍພັກທີ່ມີຜົນງານໃນການສ້າງ ໜ່ວ ຍພັກເຂັ້ມແຂງ-ຮູ້ນຳພາຮອບດ້ານແຕ່ 2 ຄັ້ງ ຫາ 4 ຄັ້ງຕິດຕໍ່ກັນຈຳນວນ 21 ໜ່ວຍພັກ, ໃນວັນ ທີ 18 ມີນານີ້ຢູ່ກະຊວງດັ່ງກ່າວພາຍໃຕ້ການເປັນປະທານ ແລະ ມອບໂດຍສະຫາຍ ສຈ.ດຣ. ບໍ່ແສງຄຳ ວົງດາລາກຳມະການສູນກາງພັກ, ເລຂາຄະນະພັກ, ລັດຖະມົນຕີວ່າການກະຊວງຖະ ແຫລງຂ່າວ, ວັດທະ ນະທຳ ແລະ ທ່ອງ ທ່ຽວ, ມີບັນດາສະຫາຍຄະນະພັກກະຊວງ, ເລຂາຄະນະພັກຮາກຖານ, ເລຂາຄະນະ ໜ່ວຍພັກທີ່ຂຶ້ນກັບອົງຄະນະພັກກະຊວງດັ່ງກ່າວເຂົ້າຮ່ວມ.

        ໃນໂອກາດນີ້, ສະຫາຍ ສຈ.ດຣ. ບໍ່ແສງຄຳ ວົງດາລາ ກ່າວວ່າ:ການມອບບັດສະມາຊິກພັກນີ້ແມ່ນປະຕິບັດຕາມ ກົດລະບຽບຂອງພັກ, ປະຕິບັດຕາມມະຕິຂອງກົມການເມືອງສູນກາງພັກທີ່ມອບບັດໃຫ້ແກ່ສະມາຊິກພັກສົມບູນເພື່ອເປັນ ສະຕິເຕືອນໃຈໃຫ້ບັນດາສະຫາຍສະມາຊິກພັກໝົດທຸກຄົນໄດ້ມີສະຕິພັກສູງຂຶ້ນຍາມໃດກໍຍຶດໝັ້ນຢູ່ໃນກົດລະບຽບຂອງພັກ, ປະ ຕິບັດຕາມກົດລະບຽບຂອງພັກຢ່າງເຂັ້ມງວດໂດຍສະເພາະແມ່ນອີງຕາມມະຕິກອງປະຊຸມໃຫຍ່ຄັ້ງທີ IX ຂອງພັກທີ່ໄດ້ ຮຽກ ຮ້ອງໃຫ້ບັນດາສະມາຊິກພັກທັງໝົດຈົ່ງສືບຕໍ່ນຳພາດ້ວຍຄວາມເປັນແບບຢ່າງ. ພາຍຫລັງທີ່ພວກເຮົາໄດ້ຮັບບັດສະ ມາຊິກພັກ ແລ້ວກໍໃຫ້ສືບຕໍ່ນຳພາດ້ວຍຄວາມເປັນແບບຢ່າງແທ້ໆ,ເປັນແກນນຳໃນທຸກໜ້າທີ່ວຽກງານຢູ່ໃນທຸກບ່ອນ, ທຸກສະຖານທີ່ໆ ພວກເຮົາໄດ້ເຮັດວຽກຢູ່. ພ້ອມນີ້, ສະຫາຍຍັງໄດ້ເນັ້ນໃຫ້ສະມາຊິກພັກຢູ່ໃນແຕ່ລະໜ່ວຍ, ແຕ່ລະຈຸ ແລະ ແຕ່ລະຮາກຖານຈົ່ງເພີ່ມສະຕິໃນການຊີ້ນຳໆພາທຸກວຽກງານດ້ວຍຄວາມເປັນແບບຢ່າງທັງເປັນແກນນຳຢູ່ໃນທຸກວຽກງານໂດຍສະເພາະແມ່ນ ການຈັດຕັ້ງປະຕິບັດວຽກງານພາຍໃນອົງຄະນະພັກກະຊວງພ້ອມທັງຮຽກຮ້ອງໃຫ້ສະມາຊິກພັກທຸກສະຫາຍຈົ່ງເຊີດຊູຄວາມ ເປັນສະມາຊິກພັກໃຫ້ສູງ ຂຶ້ນ ແລະ ບັນຫາສຳຄັນອື່ນໆຈຳນວນໜຶ່ງໂດຍສະເພາະແມ່ນການເຮັດທົດລອງ 3 ສ້າງໃນຂົງເຂດ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ.