ທະນາຄານຮ່ວມທຸລະກິດລາວຫວຽດ(Lao-viet Bank) ຊ່ວຍສະໜັບສະໜູນຍົກສູງຄວາມສາມາດດ້ານວິຊາການຂອງ ພະນັກງານອົງການກວດສອບແຫ່ງລັດ.

      ເມື່ອມໍ່ໆມານີ້, ທະນາຄານ ຮ່ວມທຸລະກິດລາວຫວຽດ ໄດ້ຕ້ອນຮັບຄະນະຜູ້ ແທນອົງການກວດສອບແຫ່ງລັດ ສປປ ລາວ ແລະ ສສ ຫວຽດນາມ ຊຶ່ງນຳໂດຍ ສະຫາຍ ຫງວ້ຽນ ຮຶວ ວ້ານ ກຳມະການສູນກາງພັກ, ປະທານອົງການ ກວດສອບ ແຫ່ງລັດຫວຽດນາມເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງທ້າຍ ເດືອນກຸມພາຜ່ານມານີ້. ເນື່ອງ ໃນໂອກາດດັ່ງກ່າວ, ພາຍໃຕ້ການ ເປັນສັກຄີພິຍານຂອງທ່ານ ນ. ປານີ ຢາທໍ່ຕູ້ ປະທານສະພາ ແຫ່ງຊາດ; ທ່ານ ຫງວັຽນ ແມັງ ຮຸ້ງ ເອກອັກຄະລັດຖະທູດຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ສປປ ລາວ; ທ່ານ ເຈີ້ນ ບັກ ຮ່າ ປະທານສະ ພາບໍລິຫານ ທະນາຄານຮຸ້ນສ່ວນລົງທຶນ ແລະ ພັດທະນາຫວຽດນາມ (BIDV) ທັງເປັນປະທານ ສະມາຄົມ
ນັກລົງທຶນ ຫວຽດນາມຢູ່ ສປປ ລາວ; ທ່ານ ຫງວ້ຽນ ຮຶວ ວ້ານ ກຳມະການສູນກາງພັກ, ປະທານອົງການກວດສອບແຫ່ງ ລັດຫວຽດນາມ; ທ່ານ ດຣ. ນາງ ວຽງທອງ ສີພັນດອນ ປະທານອົງການກວດສອບແຫ່ງລັດ ສປປ ລາວ, ທະນາຄານຮ່ວມ ທຸລະກິດລາວ- ຫວຽດ ໄດ້ມອບເງິນຊ່ວຍເຫຼືອ ຈຳນວນ 1 ແສນໂດລາສະຫະລັດ ໃຫ້ແກ່ອົງການກວດສອບແຫ່ງລັດແນ່ໃສ່ ຊ່ວຍເຫຼືອວຽກງານບຳລຸງກໍ່ສ້າງພະນັກງານ ແລະ ຍົກລະດັບຄວາມສາມາດດ້ານວຽກງານວິຊາສະເພາະຂອງອົງການກວດ ສອບແຫ່ງລັດ ສປປ ລາວ.

      ຜູ້ອຳນວຍການໃຫຍ່ທະນາຄານຮ່ວມທຸລະກິດລາວຫວຽດ ໃຫ້ຮູ້ວ່າ: ຜ່ານໄລຍະເວລາ 15 ປີ ແຫ່ງການເຕີບໃຫຍ່  ແລະ ຂະຫຍາຍຕົວ, Laoviet Bank ໄດ້ມີບາດກ້າວຂະຫຍາຍຕົວຢ່າງເຂັ້ມແຂງ, ໄດ້ກາຍເປັນໜຶ່ງໃນບັນ ດາທະນາຄານທຸລະກິດ ທີ່ຈັດຢູ່ ອັນດັບແຖວໜ້າໃນ ສປປ ລາວ, ທະນາຄານ Lao-viet Bank ໄດ້ປະຕິບັດໜ້າບົດບາດຂອງຕົນເປັນຢ່າງດີ “ ເປັນ ຂົວຕໍ່ໃນການຊຳລະສະສາງທີ່ສຳຄັນປະກອບສ່ວນຊຸກຍູ້ສາຍພົວພັນດ້ານການຄ້າ ແລະ ການລົງທຶນລະຫວ່າງສອງປະເທດ ລາວ-ຫວຽດນາມ” ຄຽງຄູ່ກັບໜ້າທີ່ທາງດ້ານທຸລະກິດ, Lao-viet Bank ຍັງມີບົດ ບາດສຳຄັນໃນການຊ່ວຍເຫຼືອວຽກງານ ສັງຄົມຢູ່ ສປປ ລາວ, ຊຶ່ງໄລ່ມາຮອດປັດຈຸບັນລວມຍອດ ມູນຄ່າການອຸປະຖຳສັງຄົມມີຫຼາຍກວ່າ 500.000 ໂດລາສະ ຫະລັດ, ໂດຍສະເພາະແມ່ນການຊ່ວຍເຫຼືອບັນດາຂົງເຂດວຽກ ງານທີ່ສຳຄັນເຊັ່ນ: ຂົງເຂດການ ສຶກສາ, ສາທາລະນະສຸກ, ຊ່ວຍ ເຫຼືອຜູ້ທຸກຍາກ ແລະ ອື່ນໆ. ພິ ເສດໃນປີ 2014 ເປັນປີທີ່ Lao- viet Bank ມີອາຍຸຄົບຮອບ 15ປີ ແລະ ໄດ້ຖືສຳຄັນ ວຽກງານຊ່ວຍ ເຫຼືອສັງຄົມສະແດງໃຫ້ເຫັນ ຄວາມຮັບຜິດຊອບຂອງວິສາຫະກິດຕໍ່ກັບປະຊາຊົນລາວ