ລາວເດີນອາກາດເພີ່ມບໍລິການສາຍການບິນພາຍໃນປະເທດ ດ້ວຍເຮືອບິນ MA60.

        ໃນວັນທີ 7 ມີນານີ້, ລັດວິສາຫະກິດລາວເດີນອາກາດໄດ້ຖະແຫຼງຂ່າວຕໍ່ສື່ ມວນຊົນກ່ຽວ ກັບການເພີ່ມບໍລິການ ສາຍການບິນພາຍໃນປະເທດດ້ວຍເຮືອບິນ MA60 ແລະ ການປ່ຽນຊື່ຈາກ ລາວແອ ມາເປັນ ລາວສະກາຍ ເພື່ອເຮັດໃຫ້ສັງຄົມ ມີຄວາມເຂົ້າໃຈໃນການບໍລິການຂອງບໍລິສັດຫຼາຍຂຶ້ນຂະນະດຽວກັນ ກໍເພື່ອກຽມ ຄວາມພ້ອມໃນການກ້າວ ເຂົ້າສູ່ ປະຊາຄົມເສດຖະກິດອາຊຽນໃນປີ 2015.

        ທ່ານ ບຸນມາ ຈັນທະວົງ ສາອຳນວຍການລັດວິສາຫະກິດລາວເດີນອາກາດ ໃຫ້ເຫັນວ່າ: ເພື່ອໃຫ້ບັນດາລູກຄ້າ, ນັກ ທ່ອງທ່ຽວ ແລະ ປະຊາຊົນ ທັງພາຍໃນ ແລະ ຕ່າງປະເທດຮູ້ກ່ຽວກັບການປ່ຽນຊື່ ພາສາອັງກິດຂອງບໍລິສັດ ຈາກ LAO Air(ລາວແອ) ໃນເມື່ອກ່ອນມາ ເປັນ Lao Skyway (ລາວສະກາຍເວ) ໃນປັດຈຸບັນ

ແລະ ການເພີ່ມເສັ້ນບິນ ຂອງບໍລິສັດດ້ວຍການນຳໃຊ້ ເຮືອບິນ MA60 ທີ່ສາມາດບັນ ຈຸຜູ້ໂດຍສານໄດ້ 56 ຄົນ. ໃນໄລຍະ ຜ່ານມາ ບໍລິສັດ ລາວເດີນອາ ກາດ ໄດ້ນຳໃຊ້ເຮືອບິນຂະໜາດ 19 ບ່ອນນັ່ງ ບິນຮັບໃຊ້ແບບ ສາຍການບິນໄປ 3 ແຂວງ ພາກ ເໜືອ ຄື: ແຂວງ ຜົ້ງສາລີອາ ທິດລະສອງຖ້ຽວ, ແຂວງໄຊຍະ ບູລີ ອາທິດລະສອງຖ້ຽວ ແລະ ແຂວງຫົວພັນ ອາທິດລະສາມ ຖ້ຽວ, ທ່ານ ຜູ້ອຳນວຍການບໍລິ ສັດດັ່ງກ່າວໃຫ້ຮູ້ວ່າ: ໂດຍເຫັນ ໄດ້ຄວາມຕ້ອງການໃນການເດີນທາງຢູ່ໃນລາວເພີ່ມຂື້ນ, ກະຊວງ ປ້ອງກັນປະເທດຈຶ່ງໄດ້ຕົກລົງມອບເຮືອບິນຊະນິດ MA60 ຈຳນວນ 2 ລຳທີ່ອອກແບບເປັນ ເຮືອບິນຂົນສົ່ງຜູ້ໂດຍ ສານ ສອດຄ່ອງກັບມາດຕະຖານສາກົນ ໃຫ້ ບໍລິສັດ ລາວເດີນອາກາດບົວລະ ບັດຮັກສາ ແລະ ນຳໃຊ້ເພື່ອດຳ ເນີນທຸລະກິດ.

        ທ່ານ ບຸນມາ ກ່າວວ່າ: ເພື່ອນຳໃຊ້ເຮືອບິນດັ່ງກ່າວໃຫ້ສອດຄ່ອງກັບລະບຽບຂໍ້ກຳນົດ ຂອງການບິນພົນລະເຮືອນ ຂອງລາວ ກໍຄືສາກົນ, ບໍລິສັດລາວ ເດີນອາກາດໄດ້ໃຊ້ເວລາເກືອບ 1 ປີເພື່ອລົງທຶນກະກຽມທຸກຢ່າງທີ່ຈຳເປັນເຊັ່ນ: ການສ້າງ ແລະ ເຝິກອົບຮົມບຸກຄະລາກອນ, ການ ຈັດຊື້ອຸປະກອນ ແລະ ລະບົບ, ການສ້າງລະບຽບຄູ່ມືວິຊາການດ້ານຕ່າງໆ ແລະ ອື່ນໆມາຮອດ ປັດຈຸບັນຖືມີຄວາມພ້ອມທີ່ຈະບິນຮັບໃຊ້ສັງຄົມແລ້ວໂດຍຮູບແບບການບິນແມ່ນຈະເປັນຖ້ຽວເຊົ່າ ເໝົາລຳ ຈາກນະຄອນຫຼວງວຽງຈັນໄປຍັງບັນດາແຂວງຕ່າງໆ ດັ່ງນີ້: ນະຄອນຫຼວງວຽງຈັນ- ແຂວງຫຼວງພະບາງຈະເລີ່ມບິນ ວັນທີ 15 ມີນາ 2014 3 ຖ້ຽວຕໍ່ອາທິດມື້ບິນແມ່ນວັນຄານ, ພະຫັດ, ວັນເສົາ, ເວລາບິນອອກຈາກ ວຽງຈັນ 10 ໂມງ 30 ນາທີ ແລະ ກັບຈາກຫຼວງພະບາງ ເວລາ 11 ໂມງ 55 ນາທີ ດ້ວຍລາຄາເລີ່ມ ຕົ້ນ 299,000 ກີບຕໍ່ຄົນ, ນະຄອນຫຼວງວຽງຈັນ-ແຂວງບໍ່ ແກ້ວ ຈະເລີ່ມບິນ ວັນທີ 21 ມີນາ 2014, 2 ຖ້ຽວຕໍ່ອາທິດມື້ບິນແມ່ນວັນຈັນ ແລະ ວັນສຸກ ເວລາບິນອອກຈາກ ວຽງຈັນ 14 ໂມງ ແລະ ກັບຈາກ ແຂວງບໍ່ແກ້ວເວລາ 15 ໂມງ 35 ນາທີ ດ້ວຍລາຄາເລີ່ມຕົ້ນ 399,000 ກີບຕໍ່ຄົນ,  ນະຄອນຫຼວງວຽງ ຈັນ-ແຂວງອຸດົມໄຊ ຈະເລີ່ມບິນວັນທີ 26 ມີນາ 2014, 2 ຖ້ຽວຕໍ່ອາທິດມື້ບິນແມ່ນວັນພຸດ ແລະ ວັນອາທິດເວລາບິນອອກ ຈາກວຽງຈັນ 9 ໂມງເຊົ້າ ແລະ ກັບຈາກແຂວງ ອຸດົມໄຊເວາລາ 10 ໂມງ 35 ນາທີ ດ້ວຍລາຄາ ເລີ່ມຕົ້ນ 499,000 ກີບ ຕໍ່ຄົນ, ນະ ຄອນຫຼວງວຽງຈັນ-ແຂວງຫຼວງນ້ຳທາຈະເລີ່ມບິນວັນທີ 4 ເມສາ 2014, 2 ຖ້ຽວຕໍ່ອາທິດມື້ບິນ ແມ່ນວັນຈັນ 

ແລະ ວັນສຸກ ເວລາ ບິນອອກຈາກວຽງຈັນ 9 ໂມງ ເຊົ້າ ແລະ ກັບຈາກຫຼວງນ້ຳທາ 10 ໂມງ 35 ນາທີ ດ້ວຍລາຄາ ເລີ່ມຕົ້ນ 499,000 ກີບຕໍ່ຄົນ, ສ່ວນແຂວງຊຽງຂວາງ, ປາກເຊ ແລະ ຈຸດອື່ນໆ ຍັງກຳນົດຕາຕະ ລາງບິນບໍ່ທັນໄດ້ເທື່ອແຕ່ກໍຈະ ເລີ່ມບິນໃນໄວໆນີ້.

         ລັດວິສາຫະກິດ ລາວເດີນອາກາດ ໃຫ້ຮູ້ວ່າ: ການຂະຫຍາຍກິດຈະການດ້ວຍການເພີ່ມຊະນິດເຮືອບິນ ແລະ ເພີ່ມເສັ້ນ ບິນໃໝ່ນີ້ແມ່ນເພື່ອເປັນການປະກອບສ່ວນແກ່ການພັດທະນາເສດຖະກິດ-ສັງຄົມ, ເພີ່ມທາງເລືອກ ແລະ ສິ່ງອຳນວຍຄວາມ ສະດວກໃຫ້ແກ່ການເດີນທາງ ແລະ ການຄ້າຂາຍຂອງພໍ່-ແມ່ປະຊາຊົນ, ນັກທຸລະກິດ ແລະ ຕະຫຼອດຮອດ ນັກທ່ອງທ່ຽວ ຢູ່ພາຍໃນປະເທດ, ເປັນການປະກອບສ່ວນເພີ່ມຄວາມສາມາດດ້ານການຂົນສົ່ງທາງອາກາດ ແລະ ເພີ່ມຄວາມສາມາດ ແຂ່ງຂັນໃຫ້ແກ່ບໍລິສັດເພື່ອຄວາມພ້ອມຂອງຕົນໃນເງື່ອນໄຂເຂົ້າສູ່ປະຊາຄົມເສດຖະກິດອາຊຽນ, ລາວເດີນອາກາດໄດ້ເລີ່ມ ສ້າງຕັ້ງ ແລະ ບໍລິການສາຍການບິນມາແຕ່ປີ 2002 ແລະ ມີການເຕີບໃຫຍ່ຂະຫຍາຍຕົວໂດຍສະເພາະແມ່ນ ການບໍລິການ ຫຮັບໃຊ້ພາຍໃນປະ ເທດຊຶ່ງມີເຮືອບິນຫຼາຍກວ່າ 10 ລຳເພື່ອໃຫ້ບໍລິການ.