ໃນວັນທີ 25 ເມສາຜ່ານມານີ້, ຢູ່ຫໍປະຊຸມແຫ່ງຊາດ,
ນະຄອນຫລວງວຽງຈັນ, ກະຊວງແຮງງານ ແລະ ສະຫວັດດີການ-ສັງຄົມ ຮ່ວມກັບ ບໍລິສັດ ໄອຈ໋ອບ
ຈຳກັດ ຈັດງານມະຫະກຳນັດພົບແຮງງານປະຈຳປີ 2014 ໂດຍມີທ່ານນາງ ອ່ອນຈັນ ທຳມະວົງ
ລັດຖະມົນຕີວ່າການກະຊວງ ແຮງງານ ແລະ ສະຫວັດດີການ-ສັງຄົມ, ທ່ານນາງ ບົວທາ ຂັດທິຍະ
ຮອງປະທານ, ຫົວ ໜ້າກອງເລຂາຄະນະກຳມະການແຫ່ງຊາດລາວ ເພື່ອຄຸ້ມຄອງເຂດເສດຖະກິດພິເສດ
ແລະ ເຂດເສດຖະກິດສະເພາະ (ຄຂ ພສ), ມີ ຜູ້ຕາງໜ້າຈາກສະຖາບັນການສຶກສາ ແລະ ສູນເຝິກອົບຮົມ,
ພ້ອມດ້ວຍຄູ-ອາຈານ, ນັກຮຽນ, ນັກສຶກສາເຂົ້າຮ່ວມ ຢ່າງຫລວງຫລາຍ.
ທ່ານ ພູວັນ ຈັນທະວົງ ຫົວ ໜ້າກົມພັດທະນາສີມືແຮງງານ
ແລະ ຈັດຫາງານກ່າວວ່າ: ການຈັດງານມະຫະກຳນັດພົບແຮງງານປະຈຳປີ 2014 ແມ່ນກິດຈະກຳໜຶ່ງຂອງການຊຸກຍູ້ສົ່ງເສີມວຽກງານຈັດຫາງານໃຫ້ພົນລະເມືອງລາວ
ແລະ ການສ້າງໂອ ກາດໃຫ້ຜູ້ອອກແຮງງານໄດ້ເຂົ້າເຖິງຂໍ້ມູນຂ່າວສານຕະຫລາດແຮງງານຢ່າງກວ້າງຂວາງ
ເພື່ອສາມາດຕອບສະໜອງຄວາມຕ້ອງ
ການແຮງງານໃນສັງຄົມ. ທັງເປັນການເປີດໂອ ກາດໃຫ້ບັນດາຜູ້ໃຊ້ແຮງງານ
ແລະ ຜູ້ອອກແຮງງານ ຫລື ພວມຊອກຫາວຽກເຮັດງານທຳ, ຜູ້ຕ້ອງການປ່ຽນວຽກໃໝ່ ແລະ
ບັນດານັກສຶກສາໃໝ່ທີ່ຮຽນຈົບຈາກສະຖາບັນການສຶກສາຕ່າງໆກັບບັນດາບໍລິ ສັດຜູ້ປະກອບການຕ່າງໆທີ່ຕ້ອງການພະນັກງານ
ໄດ້ພົບປະໃນການສະໝັກງານ. ນອກນັ້ນ ຍັງສ້າງໂອ ກາດໃຫ້ບັນດາສູນເຝິກວິຊາຊີບ,
ຜູ້ຕ້ອງການເຝິກອົບຮົມໄດ້ຮັບການຍົກລະດັບສີມືແຮງງານຂອງຕົນ. ພ້ອມນີ້ ຍັງເປີດໂອ
ກາດໃຫ້ຜູ້ຜະລິດສິນຄ້າຫັດຖະກຳ ແລະ ຜະລິດສິນຄ້າອື່ນໆໄດ້ມາວາງສະແດງຜະລິດຕ່າງໆ
ເພື່ອຈຳໜ່າຍ ຫລື ຂາຍຜະລິດຕະພັນຂອງຕົນ. ປີນີ້ຈັດ ຂຶ້ນເປັນຄັ້ງທີ IV ມີບັນດາບໍລິສັດ,
ຫົວໜ່ວຍທຸລະກິດ, ຫ້າງຮ້ານພາກລັດ ແລະ ເອກະຊົນ ເຂົ້າຮ່ວມ 70 ກວ່າຫ້ອງ.
ກະຊວງແຮງງານໃຫ້ຮູ້ວ່າ: ການຊຸກຍູ້ສົ່ງເສີມແຮງງານເປັນ
ວຽກງານທີ່ສຳຄັນຕໍ່ການມີວຽກເຮັດງານທຳຂອງພົນລະເມືອງລາວ, ການມີລາຍຮັບ,
ມີຊິວິດການເປັນຢູ່່ ແລະ ຫລຸດຜ່ອນ ຄວາມທຸກຍາກຂອງປະຊາຊົນບັນດາເຜົ່າທຸກເພດໄວໃນການສົ່ງເສີມຄວາມຍຸຕິທຳ
ແລະ ສິດທິທາງດ້ານແຮງງານຢ່າງເໝາະສົມ ແລະ ໝັ້ນຄົງ.
No comments:
Post a Comment