ເຖິງແມ່ນວ່າລະບຽບການໄດ້ກຳນົດແຈ້ງວ່າ:
ບັນດາຮ້ານອາຫານ, ຮ້ານບັນເທີງຕ້ອງຢຸດບໍລິການບໍ່ໃຫ້ເກີນ 23:30 ໂມງ, ແຕ່ຕົວຈິງແລ້ວຜ່ານມານີ້ຍັງ
ເຫັນວ່າຍັງມີຮ້ານອາຫານ, ຮ້ານບັນເທີງຫລາຍແຫ່ງຝ່າຝືນ ແລະ ສວຍໂອກາດເປີດບໍລິການຈົນຮອດ
2-3 ໂມງເຊົ້າ ຈົນກາຍເປັນບ່ອນມົ້ວສຸມຫລິ້ນກິນຟຸມເຟືອຍ ຂອງໄວໜຸ່ມ ອັນເປັນສາເຫດຕົ້ນຕໍກໍ່ໃຫ້ເກີດປາກົດການຫຍໍ້ທໍ້ທາງສັງຄົມເຊັ່ນ:
ອຸປະຕິເຫດ, ປຸ້ນຈີ້ຊີງຊັບ, ກໍ່ຄວາມວຸ້ນວາຍອາລະວາດຕີກັນ ຄືດັ່ງທີ່ເຄີຍເກີດຂຶ້ນໃນຜ່ານມາ
ອັນເປັນທີ່ໜ້າໜັກໃຈໃຫ້ແກ່ເຈົ້າໜ້າທີ່ຮັກ ສາຄວາມສະຫງົບ ແລະ ໃນປັດ ຈຸບັນນີ້
ກໍແມ່ນສະພາບຂີ່ລົດເປັນເພຶ່ງເປັນແພຫລາຍຮ້ອຍຄັນໃນຍາມເດິກດື່ນກໍ່ຄວາມເນື່ອງນັນໃຫ້ກັບສັງຄົມ
ແລະ ສິ່ງນີ້ກໍມາຈາກຮ້ານບັນເທີງທີ່ໃຫ້ບໍລິການກາຍໂມງເວລາດັ່ງກ່າວ. ດັ່ງນັ້ນ
ເພື່ອແກ້ໄຂສະພາບດັ່ງກ່າວ, ເຈົ້າ ໜ້າທີ່ກ່ຽວຂ້ອງຕ້ອງໄດ້ເອົາໃຈໃສ່ຄຸ້ມຄອງກວດກາຕັກເຕືອນຜູ້ປະກອບການທຸລະກິດເຫລົ່ານັ້ນໃຫ້ປະຕິບັດລະບຽບທີ່ວາງອອກຢ່າງເຂັ້ມງວດ,
ຖ້າໃຜລ່ວງລະເມີດ ແລະ ບໍ່ນັບຖືລະບຽບການ ວາງອອກ ກໍຕ້ອງມີມາດຕະການສັ່ງປິດ
ດັ່ງທີ່ເຄີຍປະຕິບັດໃນຜ່ານມາ.
No comments:
Post a Comment