ວັນທີ 27ພຶດສະພານີ້ ພະແນກສາທາລະນະສຸກນະຄອນ
ຫຼວງວຽງຈັນ, ໄດ້ຈັດກອງປະ ຊຸມປຶກສາຫາລືເພື່ອວາງ ແຜນປັບປຸງຖານລະຂໍ້ມູນລະບົບເຝົ້າລະວັງພະຍາດຢູ່
9 ຕົວເມືອງ ໃນນະຄອນຫຼວງຂຶ້ນ, ທີ່ພະແນກ ດັ່ງກ່າວ, ໂດຍການເຂົ້າ ຮ່ວມ ຂອງທ່ານ ດຣ ພອນປະເສີດ
ອຸ ນາພົມ, ຮອງຫົວໜ້າພະແນກສາທາລະນະສຸກນະຄອນຫຼວງວຽງ ຈັນ ແລະ ແພດໝໍ, ພ້ອມດ້ວຍ ໜ່ວຍງານລະບາດວິທະຍາຈາກ
9 ຕົວເມືອງ ເຂົ້າຮ່ວມຢ່າງພ້ອມພຽງ.
ຮອງຫົວໜ້າພະແນກສາທານະຄອນຫຼວງກ່າວໃນກອງປະ ຊຸມວ່າ:
ຖານຂໍ້ມູນລະບົບການເຝົ້າລະວັງພະຍາດແມ່ນມີຄວາມ ສຳຄັນຫຼາຍ, ໂດຍສະເພາະແມ່ນການສະໜອງຂໍ້ມູນທີ່ຈຳເປັນ
ແລະ ເອກະພາບ ກ່ຽວກັບພະ ຍາດຕິດຕໍ່ທີ່ອາດ ເກີດຂຶ້ນໃໝ່ ໃຫ້ສູນກາງ, ເນື່ອງຈາກບົດຮຽນການເຝົ້າລະວັງໃນປີ
2013 ຜ່ານ ມາເຫັນວ່າການຈັດຕັ້ງປະຕິບັດວຽກງານດັ່ງກ່າວຢູ່ 9 ຕົວ ເມືອງ ດັ່ງກ່າວຍັງບໍ່ມີຄວາມເປັນເອກະພາບໃນການລາຍງານ,
ບາງ ເມືອງຍັງບໍ່ມີຖານຂໍ້ມູນເຮັດໃຫ້ການລາຍງານມີຄວາມຊັກ ຊ້າ ແລະ ສັບສົນ, ດັ່ງນັ້ນກອງປະຊຸມຄັ້ງນີ້ຈຶ່ງເຫັນວ່າມັນມີຄວາມຈຳເປັນຫຼາຍໃນການສ້າງ
ແລະ ປັບປຸຸງຖານຂໍ້ມູນດັ່ງກ່າວ ເພື່ອການເຝົ້າລະວັງພະຍາດຢູ່ 9 ຕົວເມືອງ, ແນ່ໃສ່ຕອບໂຕ້ພະຍາດຕ່າງໆໃຫ້ທັນການ
ແລະ ເພື່ອ ໃຫ້ວຽກງານເຝົ້າລະວັງ ແລະ ການສະໜອງຂໍ້ມູນຈາກ 9 ຕົວເມືອງເປັນເອກະພາບ, ວ່ອງໄວທັນເວລາເມື່ອມີພະຍາດລະບາດໃດໜຶ່ງເກີດຂຶ້ນຈະ
ໄດ້ຕອບໂຕ້ ຢ່າງມີປະສິດທິຜົນ.
No comments:
Post a Comment