ເຖິງວ່າທ່ານນາຍົກລັດ ຖະມົນຕີຈະມີມະຕິຕົກລົງໃຫ້ຢຸດ
ຕິການຄ້າຂາຍ ແລະ ເຄື່ອນຍ້າຍໄມ້ຫວງຫ້າມໃນໄລຍະສອງປີກວ່າຜ່ານມາ, ແຕ່ມາຮອດປັດຈຸ
ບັນ ສະພາບການຄ້າຂາຍໄມ້ດັ່ງ ກ່າວຍັງມີຂຶ້ນຢູ່ໃນຫລາຍແຂວງຢ່າງໜ້າເປັນຫ່ວງ.
ຕາມການລາຍງານຂອງກະຊວງກະສິກຳ ແລະ ປ່າໄມ້
ໃຫ້ຮູ້ວ່າ: ສະເພາະໄລຍະເດືອນເມສາຜ່ານມາ ທາງກົມກວດກາປ່າໄມ້ ກະຊວງກະສິກຳ-ປ່າໄມ້
ສົມທົບກັບພາກສ່ວນກ່ຽວຂ້ອງ ລົງເຄື່ອນໄຫວກວດກາລາດຕະເວນຕິດຕາມການຄ້າຂາຍໄມ້ເຖື່ອນຢູ່ບັນດາເຂດແຂວງຕ່າງໆ
ໂດຍສະເພາະແມ່ນບັນດາແຂວງພາກກາງ ແລະ ພາກໃຕ້ ແລະ ສາມາດຢຶດໄມ້ຜິດກົດໝາຍຢູ່ແຂວງຄຳມ່ວນ,
ແຂວງສະຫວັນນະເຂດ, ແຂວງສາລະວັນ ແລະ ແຂວງເຊກອງ ໄດ້ທັງໝົດ 1.632 ຕັບ, ມີບໍລິມາດ
140 ແມັດກ້ອນ, ໄມ້ທ່ອນຈຳນວນ 1.590 ທ່ອນ, ມີບໍລິບາດ 90 ແມັດກ້ອນ, ຢຶດລົດໃຫຍ່ໄດ້
11 ຄັນ ແລະ ໄມ້ຖ່ານ 1.365 ກະສອບ. ໃນຂະນະດຽວກັນ ພາກສ່ວນກ່ຽວຂ້ອງຍັງໄດ້ດຳເນີນຄະດີຕໍ່ຜູ້ລັກລອບ
ຊັບພະຍາກອນປ່າໄມ້
23 ຄະດີ, ສາມາດແກ້ໄຂໄດ້ 15 ຄະດີ ແລະ ປັບໄໝຜູ້ກະທຳຜິດເປັນເງິນ
71.669.000 ກີບ, ສ່ວນທີ່ຍັງເຫລືອ 8 ຄະດີ ທາງເຈົ້າໜ້າທີ່ກ່ຽວ ຂ້ອງຍັງສືບຕໍ່ສອບສວນ-ສືບສວນຫາຂໍ້ແທ້ຈິງ
ແລະ ຜູ້ກະທຳຜິດເພື່ອລົງໂທດຕາມລະບຽບກົດໝາຍ.
ມະຕິຕົກລົງໃຫ້ຢຸດຕິການຄ້າຂາຍໄມ້ເຖື່ອນຂອງທ່ານນາ
ຍົກລັດຖະມົນຕີທີ່ຖືກນຳມາເຜີຍແຜ່ໃນໄລຍະ 2 ປີກ່ອນ, ແຕ່ມາຮອດດຽວນີ້ ສະພາບຄ້າຂາຍດັ່ງ
ກ່າວຍິ່ງນັບມື້ແຜ່ຂະຫຍາຍຢ່າງກວ້າງຂວາງ ເປັນຕົ້ນແມ່ນການຂຸດຄົ້ນ-ຄ້າຂາຍໄມ້ດູ່,
ໄມ້ຂະຍຸງ ແລະ ໄມ້ມີຄ່າອື່ນໆ ເຊິ່ງສ່ວນໃຫຍ່ແມ່ນຈະຢູ່ບັນດາແຂວງພາກໃຕ້ເຊັ່ນ:
ເຊກອງ ແລະ ອັດຕະປື ອັນໄດ້ສ້າງຄວາມກັງວົນໃຈໃຫ້ປະຊາຊົນຜູ້ປົກປັກຮັກສາ ແລະ
ຄຸ້ມຄອງປ່າໄມ້ດັ່ງກ່າວເປັນຈຳນວນບໍ່ໜ້ອຍ.
No comments:
Post a Comment