ກົມກວດກາການເງິນ, ກະຊວງການເງິນລາວ-ຫວຽດນາມ
ຈັດຝຶກອົບຮົມວຽກງານກວດກາການເງິນໃຫ້ພະນັກງານຈຳ ນວນ 75 ຄົນ ໃນວັນທີ 28
ພຶດສະພາ ນີ້, ຢູ່ໂຮງແຮມແສງແກ້ວ, ນະ ຄອນຫລວງວຽງຈັນ.
ໂດຍມີທ່ານ ຈັນທະສິດ ເສນາພັນຮັກສາການຫົວໜ້າກົມກວດກາການເງິນ,ກະຊວງການເງິນ,ທ່ານ
ດັ່ງ ງ໋ອກ ຕ້ຽນ ຮອງຫົວໜ້າກົມ ກວດກາການເງິນກະ ຊວງການເງິນ ສສ ຫວຽດນາມ, ມີບັນດາຮອງຫົວໜ້າກົມ,
ວິທະຍາກອນຈາກ ສສ ຫວຽດນາມ, ພ້ອມດ້ວຍນັກສຳມະນາກອນໃນທົ່ວປະເທດເຂົ້າຮ່ວມ.
ທ່ານ ຈັນທະສິດ ເສນາພັນ ກ່າວວ່າ: ຊຸດອົບຮົມຄັ້ງນີ້ຈະໃຊ້ເວລາ
2 ວັນ ຊຶ່ງບັນດານັກສຳມະນາກອນທີ່ເຂົ້າຮ່ວມຈະໄດ້ຮຽນຮູ້ໃນຫົວຂໍ້:ກວດກາການເງິນໃນຂົງເຂດຄັງເງິນແຫ່ງຊາດ
ແລະ ສ່ວຍສາອາກອນມູນຄ່າເພີ່ມ, ແລະ ຈະມີການທົດສອບຄວາມຮູ້ດ້ວຍການສອບເສັງ.
ໃນໄລຍະຜ່ານມາກໍຄືກົມກວດກາການເງິນ ສສ ຫວຽດ ນາມ ຍາມໃດກໍໄດ້ເອົາໃຈໃສ່ຊ່ວຍ
ເຫລືອກົມກວດກາການເງິນ
ສປປ ລາວ ໃນການບຳລຸງສ້າງ ແລະ ໄດ້ຮັບການຍົກລະດັບຄວາມຮູ້, ຄວາມສາມາດທາງດ້ານວິຊາສະເພາະໃຫ້ມີຄວາມຊຳນິຊຳນານງານ
ກ້າວໄປເຖິງສ້າງຄວາມເຂັ້ມແຂງດ້ານວິຊາສະເພາະໃຫ້ອົງກອນ, ຊຸດອົບ ຮົມຄັ້ງນີ້ຈະໄດ້ຮັບການເຜີຍແຜ່ແນະນຳຈາກວິທະຍາກອນຈາກ
ສສ ຫວຽດນາມ ທີ່ຈະໄດ້ເອົາໜ້າທີ່ວຽກງານໃນຕົວຈິງມາເປັນບັນຫາຄົ້ນຄວ້າເພື່ອຊ່ວຍໃຫ້ສາມາດເອົາໄປນຳໃຊ້ໃຫ້ເກີດປະໂຫຍດໃນວຽກງານທີ່ຕົນຮັບຜິດຊອບ.
No comments:
Post a Comment