ໃນວັນທີ 10 ມິຖຸນານີ້, ສານປະຊາຊົນນະຄອນຫລວງວຽງຈັນ
ໄດ້ຕັດສິນລົງໂທດນາງ ແຖວ ອາຍຸ 59 ປີ ຢູ່ບ້ານນາໄຫ ເມືອງຫາດຊາຍຟອງ ແລະ ນາງ
ຄອນ ອາຍຸ 40 ປີ ຢູ່ບ້ານຈອມເພັດເໜືອ ເມືອງສີສັດຕະນາກ ນະຄອນຫລວງວຽງຈັນ ໃຫ້ຈຳຄຸກຜູ້ລະ
15 ປີ ພ້ອມປັບໄໝເງິນ 100 ລ້ານກີບ, ຫລັງຈາກພວກກ່ຽວຖືກເຈົ້າໜ້າທີ່ກັກຕົວໄດ້ໃນຕົ້ນເດືອນກັນຍາ
2011 ຜ່ານມາ ໃນຂໍ້ຫາຄ້າມະນຸດຂ້າມຊາດ.
ເຈົ້າໜ້າທີ່ໃຫ້ຮູ້ວ່າ: ພວກກ່ຽວແມ່ນຂະບວນການຄ້າຂາຍມະ
ນຸດທີ່ເປັນໄພອັນຕະລາຍຮ້າຍແຮງໃນສັງຄົມ ໂດຍໄດ້ຕົວະຍົວະເອົາຍິງສາວລາວສົ່ງໄປຂາຍເຂົ້າຊ່ອງໂສເພນີຢູ່ປະເທດໄທ
ນັບແຕ່ປີ 2010 ເປັນຕົ້ນມາ ມີຍິງສາວຕົກເປັນເຫຍື່ອແລ້ວຫລາຍລາຍ ແລະ ສ່ວນໃຫຍ່ແມ່ນແມ່ຍິງມີອາຍຸຕ່ຳກວ່າ
18 ປີລົງມາ ເຊິ່ງພວກເຂົາໃຊ້ກົນອຸ ບາຍຕົວະວ່າຈະພາໄປເຮັດວຽກເປັນພະນັກງານເສີບ,
ຂາຍເຄື່ອງ ແລະ ອື່ນໆ, ພ້ອມທັງເປັນຜູ້ວິ້ງເຕັ້ນແລ່ນເອກະ
ສານໃຫ້ເຫຍື່ອ ເພື່ອສາມາດເດີນທາງເຂົ້າປະເທດໄທໄດ້,
ແຕ່ຫລັງຈາກນັ້ນກໍໄດ້ສົ່ງໃຫ້ຮ້ານບໍລິການໂສເພນີ ແລະ ຖືກບັງຄັບໃຫ້ຄ້າປະເວນີຂາຍບໍລິການທາງເພດ
ເພື່ອເອົາເງິນມາແທນຄືນຄ່າໃຊ້ຈ່າຍການເດີນທາງ ແລະ ອື່ນໆ, ຖ້າບໍ່ຍອມຂາຍຕົວຕ້ອງໄດ້ເອົາເງິນມາໃຊ້ແທນການໃຊ້ຈ່າຍຕ່າງໆຄືນໃຫ້ພວກເຂົາເປັນຈຳນວນຫລາຍ,
ແຕ່ຍິງສາວເຫລົ່ານັ້ນບໍ່ມີເງິນ ຈຶ່ງຍອມຂາຍບໍລິການ ແລະ ໃນການຂາຍບໍລິການແຕ່ລະຄັ້ງແມ່ນບໍ່ໄດ້ຮັບເງິນມີແຕ່ເຈົ້າ
ຂອງຮ້ານເອົາໝົດ ແລະ ຕ້ອງຈຳນົນໃຊ້ຊີວິດໃນສະຖານທີ່ຮ້ານນາລົກແຫ່ງນັ້ນຢ່າງທໍລະ
ມານ ແລະ ຈົນຕົກມາຮອດໄລ ຍະໜຶ່ງ ຍິງສາວເຫລົ່ານັ້ນຈຶ່ງໄດ້ຮັບການຊ່ວຍເຫລືອຈາກເຈົ້າໜ້າທີ່ຕຳຫລວດໄທ
ແລະ ສົ່ງກັບຄືນມາລາວ ແລ້ວເຈົ້າໜ້າທີ່ຕຳ ຫລວດລາວຈຶ່ງໄດ້ດຳເນີນການສືບສວນນຳຈັບກຸມຂະບວນການດັ່ງກ່າວມາດຳເນີນຄະດີຕາມກົດ
ໝາຍ.
No comments:
Post a Comment