ກອງປະຊຸມວຽກງານວິທະ ຍາສາດ ແລະ ເຕັກໂນໂລຊີ
ທົ່ວປະເທດຄັ້ງທີ 1 ໄດ້ໄຂຂຶ້ນຢ່າງ ເປັນທາງການໃນວັນທີ 25 ມິ ຖຸນານີ້, ຢູ່ສູນການຄ້າລາວໄອເຕັກ,
ນະຄອນຫລວງວຽງຈັນ ໂດຍການເປັນປະທານຂອງທ່ານ ສາດສະດາຈານ ດຣ ບໍ່ວຽງຄຳ ວົງດາລາ
ລັດຖະມົນຕີວ່າການກະຊວງວິທະຍາສາດ ແລະ ເຕັກໂນໂລຊີ.
ໃນກອງປະຊຸມ, ຜູ້ເຂົ້າຮ່ວມໄດ້ຮັບຟັງການຜ່ານບົດສະຫລຸບການ ຈັດຕັ້ງປະ ຕິບັ ວຽກງານວິທະຍາສາດ
ແລະ ເຕັກໂນໂລ ຊີ ໃນໄລຍະຜ່ານມາ ແລະ ທິດທາງ ແຜນການ 2013-2015, ການບຸກ ທະລຸສ້າງຈິນຕະນາການທາງ
ດ້ານວິທະຍາສາດ-ເຕັກ ໂນໂລຊີ ແລະ ການພັດທະນາຊັບ ພະຍາ ກອນມະນຸດເພື່ອຄົ້ນຄວ້າພັດທະນາວິທະຍາສາດ
ແລະ ເຕັກໂນໂລຊີຢູ່ ສປປ ລາວ, ການກໍ່ສ້າງ ແລະ ນຳໃຊ້ພະນັກ ງານໃນຂົງ ເຂດວິທະຍາສາດ ແລະ ເຕັກໂນ
ໂລຊີ, ວຽກງານການຄົ້ນຄວ້າວິທະຍາສາດການ ແພດ, ການພັດທະນາຊັບພະຍາ ກອນມະນຸດໃນຂົງເຂດວິທະຍາສາດ-ເຕັກໂນໂລຊີຢູ່ບັນດາແຂວງພາກເໜືອ,
ກາງ ແລະ ພາກ ໃຕ້, ການພັດທະ ນາແຮງງານ
ແລະ ສີມືແຮງງານໃຫ້ມີລະດັບວິທະຍາສາດ-ເຕັກໂນໂລຊີໃນເງື່ອນໄຂການເຊື່ອມໂຍງກັບສາ
ກົນ; ການນຳໃຊ້ວິທະຍາ ສາດ- ເຕັກໂນໂລຊີເພື່ອການພັດທະນາເສດຖະກິດ-ສັງຄົມ, ຫັນເປັນທັນສະໄໝ,
ພັດທະນາພະລັງ ງານ ແລະ ບໍ່ແຮ່, ພັດທະ ນາພື້ນ ຖານໂຄງລ່າງ, ການຂົນສົ່ງ, ສົ່ງເສີມການຜະລິດກະສິກຳ
ແລະ ປົກປັກຮັກສາປ່າໄມ້ຢູ່ ສປປ ລາວ, ພ້ອມນັ້ນຍັງໄດ້ຮັບ ຟັງ ການລາຍງານກ່ຽວກັບການນຳໃຊ້ວິທະຍາສາດ
ແລະ ເຕັກ ໂນໂລຊີເຂົ້າໃນການພັດທະນາເສດ ຖະກິດ-ສັງຄົມ ແລະ ລຶບລ້າງ ຄວາມທຸກຍາກຂອງບັນດາແຂວງໃນທົ່ວປະເທດ
ແລະ ຮັບ ຟັງການລາຍງານກ່ຽວກັບການພົວ ພັນຮ່ວມມືດ້ານວຽກງານວິ ທະຍາສາດ ແລະ ເຕັກໂລຊີ ກັບ
ບັນດາປະເທດເພື່ອນມິດ ແລະ ສາກົນ.
ທ່ານລັດຖະມົນຕີວ່າການກະຊວງວິທະຍາສາດ ແລະ
ເຕັກໂນໂລຊີ ໃຫ້ຮູ້ວ່າ:ກອງປະຊຸມຄັ້ງນີ້, ແນໃສ່ ສະຫລຸບສັງເກດຕີລາຄາສະພາບຄວາມເປັນຈິງຂອງການຄຸ້ມຄອງ
ແລະ ການຄົ້ນຄວ້າພັດທະນາໃນຂົງເຂດວຽກງານວິທະຍາສາດ ແລະ ເຕັກໂນໂລຊີຂອງລາວ,
ສ້າງໂອກາດໃຫ້ບັນດານັກບໍລິຫານລະດັບສູງ, ນັກຄົ້ນຄວ້າ, ນັກວິທະ ຍາສາດ ແລະ ນັກຄຸ້ມຄອງຂັ້ນສູນກາງ
ແລະ ທ້ອງຖິ່ນໄດ້ພົບປະແລກປ່ຽນບົດຮຽນ, ປະກອບຄຳຄິດເຫັນເພື່ອກວດກາຄືນການຈັດຕັ້ງປະຕິບັດວຽກງານວິທະ
ຍາ ສາດ-ເຕັກໂນໂລຊີ ຢູ່ບັນດາກະຊວງ, ຂະແໜງການ ແລະ ຢູ່ບັນດາພະແນກການຂັ້ນທ້ອງຖິ່ນ,
ເພື່ອລຶບລ້າງຄວາມທຸກຍາກ, ຊຸກຍູ້ສົ່ງເສີມການຜະລິດ ແລະ ຍົກສູງຊີວິດການເປັນຢູ່ຂອງປະຊາຊົນບັນດາເຜົ່າ;
ສ້າງເງື່ອນໄຂໂຄສະນາເຜີຍແຜ່ໃຫ້ບັນດາຜູ້ເຂົ້າຮ່ວມກອງປະຊຸມຈາກບັນດາຂະແໜງການຂອງກະຊວງ
ແລະ ທ້ອງຖິ່ນ ມີຄວາມເຂົ້າໃຈ ແລະ ເປັນເອກະພາບສູງຕໍ່ວຽກງານການຄົ້ນຄວ້າພັດທະ
ນາ ແລະ ນຳໃຊ້ຄວາມກ້າວໜ້າທາງດ້ານວິທະຍາສາດ-ເຕັກໂນໂລຊີ, ນະວັດຕະກຳ, ຊັບສິນທາງປັນຍາ,
ມາດຕະຖານ ແລະ ການວັດແທກເຂົ້າໃນການພັດທະນາເສດຖະກິດ-ສັງຄົມ ແລະ ການລຶບລ້າງຄວາມທຸກຍາກຂອງປະ
ຊາຊົນ; ແກ້ໄຂບັນຫາຂ້ໍຄົງຄ້າງກົນໄກການປະສານງານລະ ຫວ່າງຂະແໜງການ ແລະ
ທ້ອງຖິ່ນ ກ່ຽວກັບການຄົ້ນຄວ້າການ ພັດທະນາ ແລະ ນຳໃຊ້ວຽກງານວິທະຍາສາດ ແລະ
ເຕັກໂນໂລຊີ ໃຫ້ເປັນທ່າແຮງຂອງປະເທດເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ
ເພື່ອຫັນເປັນອຸດສາຫະກຳທັນສະໄໝ ແລະ ນຳໃຊ້ເພື່ອຮອງຮັບໜ້າທີ່ການເມືອງໃນການປົກປັກຮັກສາ
ແລະ ພັດທະນາປະເທດຊາດ, ເປັນເຈົ້າການໃນການຮ່ວມມືກັບຕ່າງປະເທດ ແລະ ເຊື່ອມໂຍງກັບສາກົນຕາມແນວ
ທາງນະໂຍບາຍຂອງພັກ ແລະ ລັດໃນຊຸມປີຕໍ່ໜ້າ.
No comments:
Post a Comment