 |
| ພາບຈຳລອງໂຄງການພັດທະນະບຶງທາດຫລວງ |
ໃນກອງປະຊຸມສຳມະນາກ່ຽວກັບວິໄສທັດຮອດປີ
2030, ຍຸດທະສາດຮອດປີ 2025 ແລະ ແຜນພັດທະນາເສດຖະ ກິດ-ສັງ ຄົມ 5 ປີ ຄັ້ງທີ VIII
(2016- 2020) ໂດຍການເປັນປະທານຂອງທ່ານຮອງນາຍົກລັດຖະ ມົນຕີ ແຫ່ງ ສປປ ລາວ ສົມສະ
ຫວາດ ເລັ່ງສະຫວັດ ຢູ່ກະຊວງແຜນການ ແລະ ການລົງທຶນ ເມື່ອບໍ່ດົນມານີ້ ໄດ້ມີການຕີລາ
ຄາການຈັດຕັ້ງປະຕິບັດທ້າຍສະໄໝມະຕິກອງປະຊຸມໃຫຍ່ ຄັ້ງທີ IX ແລະ ກະກຽມໃຫ້ແກ່ກອງປະ
ຊຸມໃຫຍ່ ຄັ້ງທີ X ຂອງພັກແລ້ວ, ຍັງໄດ້ປຶກສາຫາລືກ່ຽວກັບເປົ້າ ໝາຍຂອງການພັດທະນາປະເທດໃຫ້ເຊື່ອມໂຍງເສດຖະກິດກັບພາກພື້ນ
ແລະ ສາກົນນັບມື້ເຂົ້າສູ່ລວງເລິກ ເຊິ່ງສິ່ງສຳຄັນກ່ອນອື່ນໝົດຕ້ອງໄດ້ສືບຕໍ່ບຸກທະລຸການຈັດຕັ້ງປະ ຕິບັດບັນດາຄາດໝາຍສະຫັດສະວັດດ້ານການພັດທະນາ
ເພື່ອເປັນພື້ນຖານໃຫ້ປະເທດເຮົາຫລຸດພົ້ນອອກຈາກສະຖານະພາບຄວາມດ້ອຍພັດທະນາໃນປີ
2020.
ທ່ານຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ
ໄດ້ກ່າວຕໍ່ກອງປະຊຸມວ່າ: ວິໄສທັດຮອດປີ 2030 ສ້າງໃຫ້ ສປປ ລາວ ກາຍເປັນປະເທດກຳລັງພັດທະນາລະດັບປານກາງ,
ຫລຸດພົ້ນອອກຈາກປະເທດລາຍຮັບປານກາງຕ່ຳເລີ່ມກ້າວເຂົ້າ ສູ່ປະເທດລະດັບປານກາງສູງຕາມທິດເຕີບໃຫຍ່ແບບສະເໝີພາບ,
ເສດຖະກິດແຫ່ງຊາດຂະຫຍາຍຕົວຕໍ່ເນື່ອງ ແລະ ໝັ້ນ ທ່ຽງດ້ວຍຈັງຫວະສະເລ່ຍບໍ່ຫລຸດ
8% ຕໍ່ປີ, ຜະລິດຕະພັນພາຍໃນໃຫ້ໄດ້ປະມານ 9.500 ໂດລາສະຫະລັດ ຕໍ່ຄົນໝາຍວ່າລື່ນລະດັບປີ
2015 ປະມານ 6 ເທົ່າ.
ສຳລັບເປົ້າໝາຍລວມຂອງແຜນພັດທະນາເສດຖະກິດ-ສັງ
ຄົມ 5 ປີ ຄັ້ງທີ VIII (2016- 2020) ຄືການນຳເອົາປະເທດ
ຊາດຫລຸດພົ້ນອອກຈາກສະຖາ
ນະພາບຄວາມເປັນດ້ອຍພັດທະ ນາ ໃນປີ 2020 ໂດຍຈະຕ້ອງບັນ ລຸເງື່ອນໄຂຕາມມາດຕະ
ຖານການຫລຸດພົ້ນອອກຈາກສະຖາ ນະພາບປະເທດດ້ອຍພັດທະນາ ຄືລວມຍອດລາຍຮັບແຫ່ງຊາດຕໍ່ຫົວຄົນ
(GNI) ໃຫ້ໄດ້ 2.740 ໂດລາ (ຄາດໝາຍສາກົນກຳນົດໄວ້ແມ່ນຕ້ອງສູງກວ່າ 1.574 ໂດລາຕໍ່ຄົນຕໍ່ປີ
(ໃນປີ 2018) ຫລື ປະມານ 1.810 ໂດລາຕໍ່ຄົນຕໍ່ປີ (ໃນປີ 2021. ສະນັ້ນ ຕ້ອງເຮັດໃຫ້ລວມຍອດຜະລິດຕະພັນພາຍໃນຂະຫຍາຍຕົວບໍ່ຫລຸດ
8% ຕໍ່ປີ; ດັດຊະນີໝາຍດ້ານຊັບສິນມະນຸດ (HAI) ຕ້ອງສູ້ຊົນໃຫ້ໄດ້ບໍ່ຕ່ຳກວ່າ
68; ດັດຊະນີຄວາມບອບບາງທາງດ້ານເສດຖະກິດ (EVI) ໃຫ້ບັນລຸບໍ່ສູງກວ່າ 32 ໃນປີ
2020.
No comments:
Post a Comment