ໂຈນດຶງກະເປົາຕົວອັນຕະລາຍຖືກສານຕັດສິນລົງໂທດຈຳຄຸກ 4 ປີ

    ເມື່ອບໍ່ດົນມານີ້, ສານປະຊາ ຊົນນະຄອນຫລວງວຽງຈັນ ໄດ້ ຕັດສິນລົງໂທດ ທ້າວ ໄກ່ແກ້ວ ອາຍຸ 19 ປີ ແລະ ທ້າວ ລັດ ສະໝີ ອາຍຸ 26 ປີ ທັງສອງຢູ່ບ້ານທາດ ຫລວງໃຕ້ ເມືອງໄຊເສດຖາ ນະຄອນຫລວງວຽງຈັນ ໃຫ້ຈຳຄຸກ ເປັນເວລາ 4 ປີ 6 ເດືອນ ພ້ອມປັບໄໝເງິນຜູ້ລະ 6 ລ້ານກີບ ພາຍຫລັງຖືກເຈົ້າໜ້າທີ່ຈັບຕົວ ໄດ້ເມື່ອ ເດືອນຕຸລາ 2013 ຜ່ານ ມາໃນຂໍ້ຫາຊີງ ຊັບພົນລະເມືອງ ເຊິ່ງທັງສອງໄດ້ກໍ່ເຫດດຶງ ກະເປົາຢູ່ເສັ້ນທາງຕ່າງໆໃນຕົວ ເມືອງຫລາຍກວ່າ 15 ຄັ້ງ ອັນໄດ້ ກໍ່ໃຫ້ເກີດຄວາມ ສູນເສຍດ້ານຊັບສິນ ແລະ ສຸຂະພາບຂອງຜູ້ຕົກເປັນເຫຍື່ອຫລາຍສົມຄວນ ທັງ​ເປັນ​ການ​ກໍ່​ຄວາມ​ບໍ່​ສະຫງົບ ແລະ ບໍ່​ເປັນ​ລະ ບຽບ​ຮຽບຮ້ອຍ​ໃນ​ສັງຄົມ, ກ່ອນຖືກເຈົ້າໜ້າທີ່ກັກຕົວໄດ້ພວກກ່ຽວໄດ້ກໍ່ເຫດ ດຶງກະເປົາຂອງຍິງຄົນໜຶ່ງຢູ່ເສັ້ນທາງເຂດບ້ານ ສະພານທອງເມືອງສີສັດຕະນາກໄດ້ເງິນໄປເກືອບ 3 ລ້ານກີບ, 2 ພັນບາດ (ສະກຸນເງິນໄທ) ແລະ ໂທລະສັບ ໄອໂຟນໜຶ່ງ ໜ່ວຍ ແລະ  ດຶງກະ ເປົາຍິງຄົນໜຶ່ງຢູ່ເສັ້ນທາງເຂດ ບ້ານດອນກອຍ ເມືອງ ຫາດຊາຍຟອງ ໂດຍໄດ້ເງິນ 120.000 ກີບ, ກັບ 500 ບາດ (ສະກຸນເງິນໄທ).

        ຂ່າວໃຫ້ຮູ້ຕື່ມວ່າ: ໃນວັນທີ 19 ມິຖຸນານີ້, ກອງບັນຊາການ ປກສ ເມືອງຈັນທະບູລີ ນະຄອນ ຫລວງວຽງຈັນ ກໍໄດ້ນຳ ຕົວ ຊາວໜຸ່ມ 30 ຄົນ ທີ່ພາກັນມົ້ວ ສຸມຢາເສບຕິດໃນເຮືອນຫລັງ ໜຶ່ງຢູ່ບ້ານດົງປ່າແຫລບ ແລະ ຖືກເຈົ້າໜ້າທີ່ ປກສ ກຸ່ມ 4 ໂພນ ຕ້ອງສະຫວາດເຂົ້າກັກຕົວໃນວັນທີ 18 ມິຖຸນານີ້ ພ້ອມຂອງກາງ ຢາບ້າ 200 ກວ່າເມັດ ເຊິ່ງເປັນ ຂອງທ້າວ ຄຳສອນ ແລະ ທ້າວ ກິ່ງທອງ ອາຍຸ 28 ຢູ່ບ້ານດົງ ນາໂຊກ ເມືອງສີໂຄດຕະບອງ ໂດຍຜູ້ຕ້ອງຫາທັງສອງແມ່ນຖືກນຳຕົວໄປດຳ ເນີນຄະ ດີຕາມລະບຽບກົດໝາຍ, ສ່ວນຊາວໜຸ່ມ 30 ຄົນທີ່ເສບຢາແມ່ນຖືກສຶກ ສາອົບຮົມ ແລະ ເຮັດບົດບັນທຶກເພື່ອບໍ່ໃຫ້ກັບມາ ພົວພັນຫຍຸ້ງກ່ຽວກັບຢາເສບຕິດອີກ.