ນຳສະເໜີ ວາລະສານ ມິວສ໌

    ວັນທີ 27 ມິຖຸນານີ້, ຢູ່ໂຮງແຮມ ລັດສະໝີ ພລາຊາ, ນະຄອນຫລວງວຽງຈັນ ໄດ້ມີພິທີ ເປີດໂຕວາລະສານໃໝ່ ຊື່ວ່າ ມິວສ໌ (MUSE), ໂດຍການເຂົ້າຮ່ວມຂອງ ທ່ານ ຄຳໝັ້ນ ສິນ ສະໄໝ ຫົວໜ້າຂະແໜງຖະ ແຫລງຂ່າວນະຄອນຫລວງວຽງ ຈັນ, ທ່ານ ປີເຕີ ນາມມະວົງ ອຸດົມ ຜູ້ຈັດການບໍລິສັດນາມ ມະວົງອຸດົມສິ່ງພິມພ້ອມ ດ້ວຍພາກສ່ວນຕ່າງໆທີ່ກ່ຽວຂ້ອງ ເຂົ້າຮ່ວມເປັນຈຳນວນຫລາຍ.

     ທ່ານ ປີເຕີ ນາມມະວົງອຸດົມ ກ່າວວ່າ: ບໍລິສັດ ນາມມະວົງອຸ ດົມສິ່ງພິມ ເປັນ ບໍລິສັດທີ່ ບໍລິ ການດ້ານສິ່ງພິມ ແລະ ວາລະ ສານ ມິວສ໌ ເປັນຜະລິດຕະພັນ ທຳ ອິດຂອງບໍລິສັດພວກເຮົາ. ມິວສ໌ເປັນວາລະສານທີ່ເຈາະລຶກທຸກບັນຫາທາງດ້ານແຟຊັນ ແລະ ຄວາມງາມຂອງຜູ້ຍິງ ແລະ ຈະ ເປັນຄູ່ມືໃຫ້ກັບສາວໆທີ່ມັກແຕ່ງ ໂຕໃຫ້ທັນຍຸກ, ທັນສະໄໝ, ແນະ ນຳການໃຊ້ເຄື່ອງສຳ ອາງຍີ່ຫໍ້ ຕ່າງໆ, ວິທີແຕ່ງໜ້າທີ່ສາ ມາດເຮັດດ້ວຍໂຕເອງ. ນອກຈາກນີ້ ຍັງໃຫ້ຄວາມຮູ້ກ່ຽວກັບວິທີການຮັກສາຄວາມງາມທັງ ພາຍໃນ ແລະ ພາຍນອກ, ການ ຕົກແຕ່ງເຮືອນຊານທີ່ຢູ່ອາໄສ ແລະ ສາລະໜ້າຮູ້ອື່ນໆອີກຫລາກຫລາຍ.

     ວາລະສານ ມິວສ໌ ເກີດຂຶ້ນ ໄດ້ຈາກການຮີບໂຮມແນວ ຄວາມຄິດຂອງຄົນໜຸ່ມລາວ ທີ່ມີ ຄວາມຮັກທາງດ້ານແຟຊັນ. ສຳ ລັບຄຳວ່າ: “ມິວສ໌” ແມ່ນຊື່ຂອງ ເທບພະເຈົ້າໃນສະໄໝບູຮານ, ເຊິ່ງເທບພະເຈົ້າອົງດັ່ງກ່າວເປັນ ສັນຍາລັກທາງດ້ານແຟຊັນ, ແຮງບັນດານໃຈໃນການແຕ່ງ ໂຕ. ສະນັ້ນ ທ່ານໃດທີ່ອິດເມື່ອຍ, ອ່ອນລ້າຈາກການເຮັດວຽກເມື່ອໄດ້ອ່ານວາລະສານດັ່ງກ່າວ ຈະ ເຮັດໃຫ້ມີແຮງບັນດານໃຈໃນ ການເຮັດວຽກ, ສ້າງແສງສະຫວ່າງໃນການໃຊ້ຊີວິດຄືກັບວ່າໄດ້ຮັບພອນຈາກເທບພະ ເຈົ້າ ອົງດັ່ງກ່າວອີກດ້ວຍ ແລະ ທ່ານຍັງ ສາມາດຫາຊື້ວາລະສານມິວສ໌ ໄດ້ຕາມຮ້ານຂາຍປື້ມທົ່ວໄປ, ເຊິ່ງຈະໄດ້ວາງຂາຍໃນວັນທີ 1 ກໍລະ ກົດ 2014 ທີ່ຈະມາເຖິງນີ້.