ສະຫຼອງຄົບຮອບ 111 ປີ ສ້າງ ຕັ້ງບໍລິສັດຟອດພ້ອມນຳສະເໜີ ລົດຟອດຮຸ້ນໃໝ່

          ໃນວັນທີ 27 ມິຖຸນາ ນີ້ ບໍລິສັດລາວຟອດຈຳກັດ ໄດ້ຈັດ ກິດຈະກຳສະ ເຫຼີມສະຫຼອງວັນ ສ້າງຕັ້ງບໍລິສັດຟອດມໍເຕີ ຄົບຮອບ 111 ປີ ພ້ອມເປີດໂຕ ລົດຟອດ ຮຸ້ນໃໝ່ຄື: ຟອດ Escape SUV ລົດອະເນກປະສົງໃຊ້ງານ ໄດ້ຫຼາຍຮູບແບບ ແລະ ເປັນລົດມີຂະໜາດ 5 ບ່ອນນັ່ງ ໂດຍການ ເຂົ້າຮ່ວມຂອງທ່ານ ດີລິບ ເຈຊູທາ ຊານ ຜູ້ຈັດການຝ່າຍ ຂາຍ ລາວຟອດ ຊີຕີ ແລະ ມີສື່ມວນຊົນເຂົ້າຮ່ວມຈຳນວນ ຫຼາຍ.

          ທ່ານ ວິໄລສັກ ບໍລິບູນ ຜູ້ ຊ່ວຍຜູ້ຈັດການຝ່າຍຂາຍ ບໍລິສັດ ລາວຟອດ ກ່າວໃນງານ ວ່າ: ບໍລິ ສັດ ຟອດມໍເຕີ ສ້າງຕັ້ງ ຂຶ້ນທຳອິດໃນປີ 1903 ໂດຍແມ່ນທ່ານ Henry Ford, ຕະຫຼອດໄລຍະ 111 ປີ ຜ່ານມາຈົນເຖີງປັດຈຸບັນ ບໍລິສັດ ຟອດມໍເຕີ ແມ່ນໄດ້ຕົກ ທອດ ມາເຖິງຮຸ້ນທີ 4 ແລ້ວ, ແຕ່ ກໍຍັງຜະລິດລົດທີ່ມີຄຸນນະພາບ ຮັບໃຊ້ສັງຄົມ ໂດຍເນັ້ນຄື: ສິນ ຄ້າມີຄຸນນະ ພາບ, ເທັກໂນໂລຢີ ທັນສະໄໝ, ຮັກສາສິ່ງແວດລ້ອມ ແລະ ມີຄວາມປອດ ໄພເປັນເລີດ ໃນການຜະລິດລົດ, ຊຶ່ງໄດ້ເຮັດ ໃຫ້ກາຍເປັນບໍລິສັດລາຍໃຫຍ່, ເປັນຜູ້ຜະລິດ ລົດອັນດັບ 5 ຂອງ ໂລກ ແລະ ມີໂຮງງານລົດຍົນ ຫຼາຍຫຼາຍກວ່າ 90 ປະເທດ ທົ່ວໂລກ ແລະ ໄດ້ຜະລິດລົດຫຼາຍ ກວ່າ 5,5 ລ້ານຄັນ.

          ທ່ານ ວິໄລສັກ ບໍລິບູນ ໃຫ້ ຮູ້ວ່າ: ບໍລິສັດ ຟອດ ເລີ່ມເຂົ້າມາ ເປີດໂຕ ແລະ ຈຳ ໜ່າຍລົດຍົນ ຢູ່ ລາວ ໃນປີ 2004 ແລະ ເຫັນວ່າ ການຕອບຮັບຂອງສັງຄົມແມ່ນມີສູງ, ໂດຍສະເພາະແມ່ນຍອດ ຂາຍລົດເພີ່ມຂຶ້ນເທົ່າຕົວນັບແຕ່ປີ 2010 ເປັນ ຕົ້ນມາ, ນອກນີ້ ບໍລິ ສັດຍັງໄດ້ຂະຫຍາຍສາຂາໄປບັນດາແຂວງຕ່າງໆຄື: ຫຼວງພະ ບາງ, ສະຫວັນນະເຂດ, ຈຳປາ ສັກ ແລະ ແຂວງອື່ນໆ ໂດຍຕັ້ງ ເປົ້າຍອດຂາຍໃນປີ 2014 ປະ ມານ 1.500 ກວ່າຄັນ. ຂະນະ ດຽວກັນເພື່ອເປັນການສະເຫຼີມ ສະຫຼອງ ວັນສ້າງຕັ້ງບໍລິສັດຟອດ ຄົບຮອບ 111 ປີ, ບໍລິສັດ ລາວ ຟອດ ຊີຕີ ຍັງໄດ້ເປີດໂຕລົດຮຸ້ນ ໃໝ່ ຄື: ລົດຟອດ Escape SUV , ຊຶ່ງເປັນລົດທີ່ມີຄຸນນະພາບສູງທາງດ້ານຄວາມປອດໄພ ແລະ ປັດຢັດນ້ຳມັນ ເພື່ອຕອບສະ ໜອງຄວາມຕ້ອງການຂອງສັງ ຄົມ ໃນການນຳໃຊ້ລົດທີ່ທັນສະໄໝໃນປັດຈຸບັນ.