ລາຄາຜັກເຫນັງຕີງໃນລະດູຝົນ

ພາບປະກອບ

     ຕາມ​ການ​ລົງ​ສອບ​ຖາມ​ແມ່ ຄ້າ​ຊາວ​ຂາຍ ຕາ​ມທ້ອງ​ຕະ ຫລາດ​ຕ່າງໆ​ໃນ​ນະຄອນຫລວງ​ວຽງ​ຈັນ ເຊັ່ນ: ຕະຫລາດ​ໜອງ​ດ້ວງ, ຕະຫລາດ​ໜອງ​ຈັນ, ຕະ ຫລາດ​ຂົວ​ດິນ ແລະ ອື່ນໆ ເຫັນ​ວ່າ​ລາຄາ​ສິນຄ້າ​ມີການ​ເໜັງ​ຕີງ​ຂຶ້ນຫລາຍ. ໂດຍສະເພາະພາຍ ຫລັງການເຂົ້າສູ່ລະດູຝົນມານີ້ຄື:  ​ປັດຈຸບັນ​ນີ້​ຊີ້ນ​ປາ, ອາຫານ, ພືດ ຜັກ​ຕ່າງໆ ແມ່ນ​ມີ​ລາຄາ​ແພງ​ເກີນ​ລາຄາ​ທີ່​ກຳນົດ​ໄວ​້ເປັນ ຕົ້ນ​ແມ່ນປະ​ເພດ​ພຶດຜັກ, ສ່ວນ​ລາຄາ​ຊີ້ນ​, ປາ, ອາຫານ​ແຫ້ງ​ແມ່ນ​ຍັງ​ຢູ່​ໃນ​ເກນປົກກະຕິ. ສຳລັບຜັກ​ສະ​ລັດລາຄາ 23-25.000 ກີບ/ກິ​​ໂລ, ຜັກ​ຫອມປ້ອມ 22-24.000 ກີບ/ກິ​​ໂລ, ຜັກ​ບົ່ວ 10-15.000 ກີບ/ກິ​​ໂລ, ຜັກກາດ 8-10.000 ກີບ/ ກິໂລ. ຈາກ​ເມື່ອ​ກ່ອນຜັກກາດມີ​ລາຄາ​ພຽງ 4-5.000 ກີບ/ກິໂລ​, ຫອມປ້ອມ 10.000 ກີບ/ກິໂລ, ຫອມ​ບົ່ວ 5.000 ກີບ/ ກິໂລ, ສະ​ລັດ 8-10.000 ກີບ/ກິໂລ​ ​ແລະ ໝາກ​ເຜັດ​ແມ່ນ 8-10.000 ກີບ/ກິ​​ໂລເທົ່ານັ້ນ. ​ສາ​ເຫດ​ທີ່​ພາ​ໃຫ້​ລາ ຄາພືດຜັກ ແພງຂຶ້ນ ນັ້ນກໍຢູ່ໃນເກນທຳມະດາ ເພາະ​ວ່າ ​ໃນ​ຊ່ວງ​ລະດູຝົນການ​ປູກ​ຜັກຂອງ​ຊາວ​ສວນ​ແມ່ນ​ມີ​ຄວາມຈຳກັດ, ການ​ບົວລະບັດ​ຮັກສາ​

ຫຍຸ້ງຍາກ ​ເຊັ່ນ:​ຫອມປ້ອມ, ຫອມ​ບົ່ວ​ ​ຍ້ອນຖືກ​ນ້ຳ​ຫລາຍ​ເກີນ​ໄປ. ໄດ້​​ເຮ​ັດ​ໃຫ້​ຜັກ​ເຫລົ່າ​ນັ້ນເນົ່າ​ເປື່ອຍ  ຕອບສະ ໜອງ ຄວາມຕ້ອງການບໍ່ພຽງພໍຈຶ່ງ​ເປັນສາ​ເຫດ​ເຮັດ​ໃຫ້​ລາຄາ​​ພືດຜັກ​ໃນ​ລະດູນີ້, ມີ​ລາຄາ​ສູງ​ເກີນ​ກຳນົດ​ເອົາໄວ້. ສະນັ້ນພາກ ສ່ວນກ່ຽວຂ້ອງຄວນຫາວິທີທີ່ຈະແກ້ໄຂເພື່ອໃຫ້ລາຄາຂອງພືດຜັກຕາມທ້ອງຕະຫລາດກັບມາຢູ່ໃນລາຄາປົກກະຕິ, ເພື່ອສາ ມາດຕອບສະໜອງຄວາມຕ້ອງການຂອງຜູ້ບໍລິໂພກໄດ້.