ນະຄອນຫຼວງປ່ອຍປາພື້ນເມືອງ 1 ແສນກວ່າໂຕລົງສູ່ວັງນ້ຳໃນວັນປ່ອຍປາແຫ່ງຊາດ

      ໃນຕອນເຊົ້າວັນທີ 13 ກໍລະກົດນີ້ ກົມລ້ຽງສັດ ແລະ ການປະມົງກະຊວງກະ ສິກຳ ແລະ ປ່າມໄມ້ຮ່ວມກັບພະແນກກະ ສິກຳນະຄອນຫຼວງວຽງຈັນ ແລະ ຫ້ອງ ການກະສິກະປ່າໄມ້ ເມືອງໄຊເສດຖາ ໄດ້ຈັດພິທີປ່ອຍປາລົງສູ່ວັງນ້ຳທຳມະ ຊາດ ຢູ່ເຂດບຶງຂັດເຄົ້າບ້ານຮ່ອງສຸພາບ ເມືອງໄຊເສດຖານະຄອນຫຼວງວຽງຈັນ ເນື່ອງໃນ ໂອກາດວັນປ່ອຍປາ, ອະນຸລັກສັດນ້ຳ ແລະ ສັດປ່າແຫ່ງຊາດທີ່ໝູນວຽນມາບັນ ຈົບຄົບຮອບອີກວາລະໜຶ່ງ ແລະ ໃນຂະນະດຽວກັນກໍເປັນການລະນຶກໃນໂອກາດ ວັນຄ້າຍ ວັນເກີດທ່ານປະທານສຸພານຸວົງ ຄົບຮອບ 105 ປີ ໂດຍມີ ທ່ານ ວິໄລວັນ ພົມເຂ ລັດຖະມົນ ຕີວ່າການກະຊວງກະ ສິກຳ ແລະ ປ່າໄມ້, ບັນດາລັດຖະມົນຕີ, ຄະ ນະນຳນະຄອນຫຼວງ, ພ້ອມ ແຂກຖືກເຊີນທັງພາຍໃນ ແລະ ຕ່າງປະເທດ ແລະ ປະຊາຊົນໃນ ເຂດບ້ານໃກ້ຄຽງເຂົ້າຮ່ວມນັບ ເປັນຈຳນວນຫຼາຍ.

               ທ່ານ ດຣ ບຸນຂວາງ ຫົວໜ້າກົມລ້ຽງສັດ ແລະ ການປະມົງ ກ່າວວ່າ: ປາທີ່ນຳລົງມາປ່ອຍ ໃນຄັ້ງນີ້ ສ່ວນໜຶ່ງ ແມ່ນໄດ້ມາ ຈາກສູນຜະລິດພັນປາພື້ນເມືອງ ສົມທົບກັບນະຄອນຫຼວງ ແລະ ເມືອງໄຊເສດຖາ ນຳມາຈາກສູນຜະລິດພັນ ປາຕ່າງໆຈຳນວນຫຼາຍກວ່າ 1 ແສນໂຕ ນຳ ລົງມາປ່ອຍສູ່ວັງນ້ຳແຫ່ງນີ້, ຊຶ່ງບຶງຂັດເຄົ້ານັບວ່າເປັນສາຍນ້ຳ ໃຫຍ່ແຫ່ງໜຶ່ງເຊື່ອມ ຕໍ່ຈາກບຶງທາດຫຼວງລົງສູ່ຫ້ວຍໝາກຫ້ຽວ ເມືອງຫາດຊາຍຟອງ ນະຄອນຫຼວງວຽງຈັນ, ຊຶ່ງຄາດວ່ານັບແຕ່ນີ້ຮອດເດືອນກັນຍາ 2014 ການປ່ອຍປາລົງສູ່ວັງນ້ຳຂອງພາກສ່ວນປະຊາຊົນ, ຄອບຄົວ ແລະ ຫົວໜ່ວຍການຜະລິດຜູ້ປະກອບການລ້ຽງປາຈະໄດ້ ນຳປາພື້ນເມືອງ ແລະ ປາລ້ຽງ ອື່ນໆ ປ່ອຍລົງສູ່ວັງນ້ຳໃຫ້ໄດ້ຫຼາຍກວ່າ 30 ລ້ານໂຕ, ຊຶ່ງກ່ອນໜ້ານີ້ ນັບແຕ່ຕົ້ນເດືອນ ກໍລະກົດ ເປັນຕົ້ນມາການຈັດຕັ້ງ ແລະ ປະຊາຊົນຢູ່ໃນຫຼາຍເມືອງອ້ອມຂ້າງນະຄອນຫຼວງ, ແຂວງວຽງຈັນ, ບໍລິຄຳໄຊ, ຊຽງຂວາງ, ຫົວ ພັນ, ຄຳມ່ວນ, ສະຫວັນນະເຂດ ແລະ ບັນດາແຂວງອື່ນໆໄດ້ນຳເອົາ ແນວພັນປາປະເພດຕ່າງໆປ່ອຍລົງແຫຼ່ງນ້ຳ ແລ້ວນັບເປັນ ຈຳນວນຫຼາຍລ້ານໂຕອັນຈະເປັນທ່າແຮງສຳຄັນປະກອບສ່ວນໃຫ້ແກ່ການພັດທະນາເສດຖະກິດສັງຄົມທັງຮັບປະກັນດ້ານສະ ບຽງອາຫານສຳລັບສະໜອງໃຫ້ແກ່ການບໍລິໂພກຢູ່ໃນຕົວເມືອງກໍຄືຊົນນະບົດໃຫ້ພຽງພໍກັບຄວາມຕ້ອງການ.