ສຳມະນາການໄປສຶກສາທີ່ມະຫາວິທະຍາໄລອູຮານ ສປ ຈີນ

     ໃນວັນທີ 14 ກໍລະກົດນີ້, ທີ່ນະຄອນຫລວງວຽງຈັນ, ກະ ຊວງສຶກສາທິການ ແລະ ກິລາ ຂອງລາວຮ່ວມກັບສະຖານ ເອກອັກຄະລັດຖະທູດ ສປ ຈີນປະຈຳ ລາວ ແລະ ມະຫາວິທະຍາໄລ ອູຮານ ສປ ຈີນ, ໄດ້ຈັດສຳມະ ນາເພື່ອດຶງດູດນັກສຶກ ສາລາວ ໄປສຶກສາຢູ່ມະຫາວິທະຍາໄລອູ ຣານ ສປ ຈີນ, ໂດຍການເຂົ້າ ຮ່ວມ ຂອງທ່ານ ດຣ ນາງ ສີສຸກ ວົງວິຈິດ ຮັກສາການ ຫົວໜ້າກົມມັດທະຍົມສຶກສາ, ທ່ານ ຫວູ ຈ້ຽນ ປິງ ຫົວໜ້າສະຖາບັນຄຸ້ມຄອງນັກສຶກສາຕ່າງປະເທດມະຫາວິທຳ ຍາໄລອູ ຮານ, ມີບັນ ດາພະນັກງານຄູ-ອາຈານ, ນັກຮຽນ, ນັກສຶກສາ ແລະ ພາກສ່ວນກ່ຽວຂ້ອງເຂົ້າຮ່ວມ.

      ທ່ານຫົວໜ້າສະຖາບັນຄຸ້ມ ຄອງນັກສຶກສາຕ່າງປະເທດມະຫາວິທຳຍາໄລອູຮານ ໃຫ້ຮູ້ວ່າ: ມະຫາວິທະຍາໄລອູຮານ ມີ ປະຫວັດສາດອັນຍາວນານກວ່າ 120ປີ ເຊິ່ງເປັນ 1 ໃນ 10 ອັນດັບ ມະຫາວິທະຍາໄລທີ່ມີຊື່ສຽງໃນ ສປ ຈີນ. ປັດຈຸບັນ

ມີນັກສຶກສາທັງໝົດ 50 ພັນຄົນ, ເຊິ່ງມີລະດັບ ການສຶກສາຊັ້ນປະລິນຍາຕີ 114 ສາຂາວິຊາ, ປະລິນຍາໂທ 347 ສາຂາວິຊາ ແລະ ປະລິນຍາເອກ 250 ສາຂາວິຊາ, ໃນນັ້ນມີນັກ ສຶກສາຕ່າງປະເທດຫລາຍກວ່າ 2400 ກວ່າຄົນທີ່ກຳລັງສຶກສາຢູ່ ແລະ ມະຫາ ວິທະຍາໄລດັ່ງກ່າວ ໄດ້ມີແຜນທີ່ຈະຂະຫຍາຍການ ສຶກສາອອກໄປໃນທົ່ວໂລກ. ສຳລັບ ສປປ ລາວ ໃນຫລາຍປີຜ່ານ ມາ, ກໍມີນັກສຶກສາທີ່ຮຽນຈົບ ຈາກມະຫາວິທະຍາໄລແຫ່ງນີ້ ເປັນຈຳນວນຫລາຍພໍສົມຄວນ, ສະນັ້ນທາງມະຫາວິທະຍາໄລ ຈຶ່ງ ໄດ້ມາຈັດສຳມະນາຄັ້ງນີ້ຂຶ້ນ ເພື່ອເປັນການລະດົມໃຫ້ນັກສຶກ ສາລາວໄປສຶກສາຮ່ຳຮຽນຢູ່  ສປຈີນ ກໍຄືສຶກສາຢູ່ມະ ຫາວິ ທະຍາໄລອູຮານໃຫ້ນັບມື້ເພີ່ມຂຶ້ນ.

     ໃນໂອກາດນີ້, ທ່ານ ສີທົນ ຜູ້ຕາງໜ້າຈາກສະຖານເອກອັກ ຄະລັດຖະທູດ ສປ ຈີນ ປະຈຳ ລາວ ກ່າວວ່າ: ເພື່ອເປັນການ ສົ່ງເສີມດ້ານການສຶກສາຂອງລາວ,ລັດຖະບານຈີນໄດ້ໃຫ້ທຶນການ ສຶກສາແກ່ນັກສຶກສາລາວໃນແຕ່ລະປີເພື່ອໄປສຶກສາຢູ່ທີ່ ສປ ຈີນ ເຊິ່ງລວມທັງສຶກສາທີ່ມະຫາວິ ທະຍາໄລອູຮານ. ສຳລັບນັກ ຮຽນ, ນັກສຶກສາຜູ້ທີ່ສົນໃຈຢາກ ໄປສຶກສາຢູ່ທີ່ມະຫາ ວິທະຍາໄລດັ່ງກ່າວສາມາດຂໍທຶນໄດ້ 2 ວິທີ ຄື: ຂໍທຶນຈາກລັດຖະບານຈີນ ໂດຍຜ່ານສະຖານເອກອັກຄະລັດຖະທູດ ແລະ ກະຊວງ ສຶກສາທິການ ແລະ ກິລາ ແລະ ວີທີທີ 2 ແມ່ນຂໍທຶນຈາກມະຫາວິທະຍາ ໄລໂດຍກົງເຊິ່ງສາມາດສະໝັກໄດ້ ທາງເວບໄຊ http: admission. whu.edu.cn, ທາງອີເມວ (E-mail :admissions@whu. edu.cn) ຫລື ໂທລະສັບ 0086- 27-68753912; 0086-27- 87647553; ແຟັກ: 0086-27- 87863154. ສ່ວນຄ່າໃຊ້ຈ່າຍໃນ ການສຶກສາແມ່ນຂຶ້ນ ຕາມສາຂາວິຊາຮຽນໂດຍຈະຮັບສະໝັກໃນໄລຍະເດືອນ 3-7 ຂອງທຸກໆປີ.