ການປ່ອຍປາລົງວັງນ້ຳສຳຄັນຕໍ່ການຕິດຕາມຊັບພະຍາກອນນ້ຳ

        ກົມຊັບພະຍາກອນນ້ຳ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມໃຫ້ຮູ້ວ່າ: ການປ່ອຍປາລົງໃນວັງຕິດ ຕາມຊັບພະຍາກອນນໍ້າເປັນວິທີການໜຶ່ງທີ່ສຳຄັນໃນວຽກງານຕິດຕາມຄຸນນະພາບນໍ້າໃນສາຍນໍ້າ ເພາະວ່າການມີສິ່ງທີ່ມີຊີວິດ ໃນນໍ້າໂດຍສະເພາະປາມັນສະແດງໃຫ້ເຫັນວ່ານໍ້າບ່ອນນັ້ນແມ່ນມີຄຸນນະພາບດີ ສະນັ້ນ, ໃນວັນ ປ່ອຍປາແຫ່ງຊາດປະຈຳ ປີ2014 ທ່ານ ທຸມມາ ສະເຫຼີມໄຊ ຮອງຫົວໜ້າກົມຊັບພະຍາກອນນໍ້າ, ກະຊວງຊັບພະຍາກອນທຳມະ ຊາດ ແລະ ສິ່ງແວດ ລ້ອມໄດ້ລົງ ສົມທົບຮ່ວມກັບອຳນາດການ ປົກຄອງເມືອງວັງວຽງ ຈັດກິດ ຈະກຳປ່ອຍປາເພື່ອຄືນຄວາມ ສົມດູນທາງດ້ານລະ ບົບນິເວດຂອງແມ່ນໍ້າກິດຈະກຳດັ່ງກ່າວ ໄດ້ຈັດຂຶ້ນທີ່ວັງຕິດຕາມຊັບພະ ຍາກອນນໍ້າທີ່ບ້ານປາກເປາະເມືອງວັງວຽງ ແຂວງ ວຽງຈັນ ເຂົ້້າຮ່ວມໃນງານດັ່ງກ່າວມີ ທ່ານ ບຸນສອນ ເພັດດາວັນ ເຈົ້າ ເມືອງໆວັງວຽງ ນອກຈາກນັ້ນ ຍັງມີບັນດາຂະແໜງການ ຕ່າງໆອ້ອມຂ້າງເມືອງ, ອຳນາດການ ປົກຄອງບ້ານ ພ້ອມດ້ວຍພໍ່ແມ່ ປະຊາຊົນເຂົ້າຮ່ວມເປັນຈຳນວນຫຼາຍພໍສົມຄວນ, ປະເພດລູກປາ ທີ່ນຳມາປ່ອຍໃນຄັ້ງນີ້ ມີປາໄນ, ປານິນ, ປາປາກ, ປາກິນຫຍ້າ ແລະ ປາທຳມະຊາດຈຳນວນໜຶ່ງລວມທັງ ໝົດປະມານ 4,000 ກວ່າໂຕ.